#فراق دوست #غزل بیاد استاد معظم ، امام جمعه محبوب و مردمی استان حضرت آیه الله آل هاشم رحمه‌الله علیه فراقینده سنین ای با وفا دیوانه لر یاندی شرار عشقیوه دیلدن دوشن پروانه لر یاندی دوشنده آیریلیقدان سوز گوزوم یاشی گلیر موجه غمینده آشنا دوندی کوله، بیگانه لر یاندی ائله پوزقوندی حالیم، غرقم اوز بحر ملالیمده که آخر بیلمدیم آیا، نه لر قالدی، نه لر یاندی آدین هر یئرده گلدی سینمه بیر تازه اود دوشدی شرار حسرتیمدن اود دوتوب کاشانه لر یاندی جهاندا درس آلار فرزانه دن، دیوانه لر ، اما بو غمده درس آلیب دیوانه دن فرزانه لر یاندی او دم کی شانه مثلی، موبمو اسرارینی بیلدیم اورک شان شان اولوب ،حسرت اورکده شانه لر یاندی یولا باخدیم امیدیله، گلرسن گلمدین، اما گوزومدن دانه دانه اشک اخیب ، دردانه لر یاندی ائله هجرونده دویدوم جانه ال چکدیم شیرین جاندان که باخدوقجا منه جانه دویوب جانانه لر یاندی ائله مستانه آیریلدین، ائلیندن، آشنالردن دالینجا دیلده حسرت سربسر مستانه لر یاندی نسیم صبح گلدیقجا منی عطرین ائدیر مدهوش ولی سنسیز داشیب جام بلا، پیمانه لر یاندی #حضرت_آل_هاشم_ره #محمد_هوشمند #مدهوش @hushmand