ایام عزا قسمت دوم
لین قسمت اول
https://eitaa.com/hushmand/2836
گل آقا جدون حسینون عترتی محنت ده دی
کوفه اهلی سیندیریب بیعت همان عادت ده دی
خامه غم هر طرفدن زینبه محنت یازیر
شاه دین اما بیر عده عاشیقه دعوت یازیر
کوی وصله چاتماق سعی و شتاب ائیلور حسین
هاردا وار بیر یار صادق انتخاب ائیلور حسین
باغبان جمع ائیلییور خوش رنگ وخوشبو گوللری
جمع ائدیب قمری لری آهولری بولبوللری
کاروان یولدا شتاب ائیلییور چاتا مقصودینه
عاشق صادق تلاش ائیلییور چاتا معبودینه
سرور دین کربلاده خط حریت یازیر
بیر نچه ازاده مرد انسانلارا دعوت یازیر
شرح وصل و هجری تا یازدی قضانین خامه سی
چاتدی یاره کوفه ده نازلی نگارین نامه سی
کوفه نی طوفان دوتوب اهل ولا قالمیش غریب
نامه سلطانه باخدوقجا توکور اشکین حبیب
چون شهادت امرینه امضا وئیروب حق خامه سی
وئردی بال و پر حبیبه شاه دینون نامه سی
نامه نی قاصد دن الدی دیلده شور و اشتیاق
تا حسین ادین گوروب تاراج ائدیب صبرین فراق
بیلدی مولاسی قالیب دشمن آراسیندا غریب
نامه الده آه دیلده زار زار آغلار حبیب
عرض ائدیر ایوای منه ائتدیم ندن بیله قصور
وا ی منه گر اولمایا قسمت تاپام فیض حضور
آیریلیب اهل و عیالیندن او مرد باوفا
چیخدی سرعتله وطن دن دیلده شوق کربلا
بیر زمان گلدی یئتیشدی کربلا صحراسینه
کربلا اولموشدی زندان مثلی آل یاسینه
هر طرفدن ائیله میشدی خیمه نی دشمن حصار
زینب کبرایه اولموشدی ایشق گون شام تار
هر طرفدن دشمنه یولوردولار یار و کمک
قالمیشدی زاده زهرا ولی میداندا تک
تا گلیب اخیامه چاتدی یاور سلطان عشق
چیخدیلار پیشوازینه شوقیله همرزمان عشق
یار پیمغمبر وئریب اردوی اسلامه صفا
تا حبیبین گلماقین زینب بیلیب اول با وفا
اکبری گوندردی اوغلوم قیل حبیبه احترام
پیشواز ائیله یئتور عمن دیلیجه بیر سلام
ادامه دارد
قسمت اول
https://eitaa.com/hushmand/2836
کانال اشعار
@hushmand