ظلمت گئجه یاخیندی قوتارسین سحر گلیر
یئر گوی گلیب نوایه، نوای ظفر گلیر
شوق وصالیله تلسیر لر اوشاق بیوک
جبریل عشق دن بیزه بیرخوش خبر گلیر
حقین یاخین دی وعده سی دولت بنا اولا
بو دولته امام زمان راهبر گلیر
گل ای امید منتظران جان سنه فدا
آدین دیلیمده قلبیمه سوز و شرر گلیر
سنسیز بو عالمین آقا لطف و صفاسی یوخ
تقویم عمروموز گونی گون دن بتر گلیر
چوخ دان دی گوزلریم سنی گوزلور هایانداسان
آیا اولار گوروم منه سندن نظر گلیر
ای عالمین پناهی یئتیش داده الامان
هر سمتیدن بیزه سحر آخشام خطر گلیر
کونلوم داریخما شوقیله ذکر فرج اوخو
صبر ائیله تا گورک باشا آیا نه لر گلیر
بداهه
شب نیمه شعبان ۱۴۰۱