مناجات شب قدر
آند وئرم سنی اوز قدرت و امکانیوه یارب
نظر ائت بنده نالان و پریشانیوه یارب
نظر مرحمتینله بو خطا کاری باغیشلا
کرم ائت سفره احسانیده مهمانیوه یارب
آند وئرم سنی بوآیدا اولان شان و جلاله
منیده لایق ائله جرگه احسانیوه یارب
نیلییم مهربان الله ، خجلم اوز عمليمدن
قویموشام قاره یوزی درگه رحمانیوه یارب
بویوروبسان چاغیرین دردیزه درمان ائده رم من
هانسی عنوان چاغیریم شامل اولا شانیوه یارب
گل عنایت ائله تا درک ائلییم من شب قدری
منی آگاه ائله اسراریوه، قرانیوه یارب
ای منی خلق ائلیین بوشلاما اوز باشیمه بیر آن
وئر نشان دوز یولی بو بنده نادانیوه یارب
شرمسارم گنهیم دن ،ولی وار چشم امیدیم
که منی یول وئره سن روضه رضوانیوه یارب
هوشمندین بیلیسن یوخ دوزومی نار فراقه
تاب یوخ قلبیده بیر لحظه ده هجرانیوه یارب
#مناجات
#مدهوش
#محمد_هوشمند
@madhooshtabrizi
96