اشعار و دلنوشته های مدهوش(کربلایی محمد هوشمند)
مناجات رمضان او قدر ائیلمیشم عمریده خطا یارب اورک سوزون دئماقا ائیلیره م حیا یارب هوای نفس منیم روحیمی اسیر ائلییوب همیشه ائتمیشم اوز نفسیمه جفا یارب نه چاره واردی اگر شامل اولماسا حالیما بو آیدا مغفرت و رحمت و عطا یارب شفیع درگهیوه اهلبیت و قرآنی گتیرمیشم ائدیرم سندن التجا یارب منیم گناهیم آغیردی ولیک آگاهم که لطف و رحمتیوه یوخدی انتها یارب سنی قسم وئریرم مرتضایه دوت الیمی شکسته قلبیمه وئر رونق و صفا یارب امیدیله بو گئجه گلمیشم سنین قاپوا که بلکه سن ائده سن دردیمه دوا یارب قرا یوزیله سنین درگهینده من قوناقام عنایت ائیله اولا حاجتیم روا یا رب نقدرعیبیمه لطفیله پرده چکدین سن باغیشلا بو گئجه لطفیله هکذا یارب بهانه ائیله میشم گلماقا شب قدری الیمی دوت منی قیل حقه آشنا یارب بو گئجه شوق وصالیله اولموشام عجب نوایه چاتیب دیر بو بینوا یارب @hushmand
1.7هزار مشاهده