ای امیرالمومنین ای شاه مردان یا علی
ای اولان هر بیر زمان مظلوم دوران یاعلی
مدعی لر هر زماندا حقیوی غصب ائتدیلر
قالدی غربتده همیشه اهل ایمان یا علی
تا جهان واردور یقین باشین یاراسی توختاماز
بس اولوب قران و دین بیر عدیه نان یا علی
چوخلاری ظاهرده دین احکامینی ائتدی قبول
حیف اولا اما عملده قیلدی کتمان یا علی
چوخلاری وئردی حکومت ده عدالتدن شعار
اولمادی امضالریینده حقه فرمان یا علی
چوخلاری بیت المالی بولدی ، ولی اوز آدینه
ال ایاقسیزلار اولوب دائم پریشان یا علی
چوخلارین آلنیدا گورسندی سجودیندن اثر
اولدی خائن ملتی سالدی ایاقدان یاعلی
چوخلاری قران الینده عمروعاص اولدی بیزه
چوخلی استادلار اولوب شاگرد شیطان یا علی
چوخلارین دا من کیمی نفس ائیلوب خوار و ذلیل
نییلوم گر اولماسا بو درده درمان یا علی
چوخلاری دنیایه خاطیر خلقی گمراه ائیلوری
چوخلاری آچدی بیزه بازار و دکان یا علی
چوخلی مسئول لار اولوب عاقّ شهیدلر قانینه
گتدی باده هر نه که وار عهد و پیمان یا علی
روز و شب سسلور دیلینده یا علی بیر عده لر
خلقی ایستیر تولاسین باشینده قران یا علی
دولدوروب هم جیب و هم انباری بیت المالیدن
جراتی یوخ ائیلسون بیر قطره احسان یا علی
هاردادور مهدی دوشوبدور مشکله امت آقا
حق و ناحقی قاتیب بیر عده نادان یاعلی
منده سرگردان و نالانم یاخین دور غرق اولام
بس که ائیلور بحر غم دورم ده طوفان یا علی
گول ادین مدهوش ائدیر مدهوشی ای حبل المتین
جان عالم سن کیمی مولایه قربان یا علی
#هوشمند
@hushmand