#غزل
ایخدا یاریمی لطف ائیله بو نالانه یئتیر
درد الیندن جانا گلدیم منی درمانه یئتیر
قطره تک قالمیشام آواره منیم دوت الیمی
قات سوا قات سیله آخر منی عمانه یئتیر
شاعر اولسام دا آدیم یوخ سوز مو یوخ دی بیلن
دل دیوانه می بیر دفتر و دیوانه یئتیر
یانیرام شمع کیمی آزقالیر عمروم قوتارا
منه بو گوشه ده بیر غصه لی پروانه یئتیر
آشنالر منی آتدی رفقا ساتدی منی
یوخلویان یوخ منی بو دهریده سامانه یئتیر
بیر قانادسیز قوشام اما امیدیم چوخ دی هله
قالمیشام یولدا منه آب گتیر دانه یئتیر
هی گلایه ائله دیم باخدی فلک گولدی دئدی
"شرط صبر است" بو شکوالری پایانه یئتیر
دیدی از ناله ائله ایرلیقین دا دادی وار
دئدیم ال جانیمی اما منی جانانه یئتیر
#هوشمند
@hushmand