1-1. انتظار گلیر یاز آیلاری ایل دوندی نوبهار اولسون نه فایدا سنسیز اگر دهر لاله زار اولسون هایانداسان نیه بس چاتمیری سسین سسیمه اماندی قویما داخی گوزلر انتظار اولسون نیه جمالیوی گیزلتمیسن منیم گوزلیم نیه کرگ بیزه دنیا همیشه تار اولسون نقدر لاله کیمین داغلی قلبیمیز گوزلیم یانیب شرار فراقینده داغدار اولسون نقدر هفته لر آیلار ایله دونوب گئچدی نه واختا جک اورگیم زار و بیقرار اولسون نقدری گلمه میسن یوخ صفا و صلح بیزه نقدری دینا بویی عمر و روزگار اولسون نه قدری بایرام اولا هر نقدر گوللر آچا محال امریدی سنسیز بیزه بهار اولسون گل اما قورخورام عمریم ائله خزانه دونه که سن گلنده داخی گلشنمیده خار اولسون طبیعت ایستری بیر دفعه ده گوزلشسین کرگ دی گوز گینه هجرینده اشکبار اولسون @hushmand #هوشمند #مدهوش