طبیعت و یاشاییش
بیلمم ندن ایاقلیری انسان طبیعتی
اوز نفسینه ائدیر قوری زندان طبیعتی
ظاهرده ایستیر گوزل ائتسین بو دونیانی
باطنده ائلییور ولی ویران طبیعتی
سد ائتدیلر آخا سولاری کوچدی دورنالار
گزمیر داخی سوری سوری جیران طبیعتی
بلبل لرین قناری لرین گلمیری سسی
از بس ائدیبله بی سر و سامان طبیعتی
یوخدور چورک ده بهره سویون قالمییب دادی
آلوده ائتدی صنعت دوران طبیعتی
الله وئریب بش اون گون امانت بو وارلیقی
انصاف ائله گل ائتمه پریشان طبیعتی
دنیا فقط بوگون دگی فکر ائت صاباح دا وار
ساخلا گوز اوسته وار نقدر جان طبیعتی
توکمه داغیتما بیر بیره ویرما بو عالمی
اچ سفره ائت سلیقوه مهمان طبیعتی
بیر گون اولار نه سو تاپیلار نه هوا اولار
از بس بیر عده ائیلیری قربان طبیعتی
انسان ندن دی دشمن اولوب اوز حیاتینه
تاپدیر نه قدری وار گوجی حیوان طبیعتی
غفلت ده دیر او کس که متاعین اوجوز ساتیر
بیرده تاپانماز اختاران آسان طبیعتی
کفران نعمت ائیلمیاق مهربان اولاق
تاپشیرمییب مگر بیزه قران طبیعتی
#مدهوش
#هوشمند
یکشنبه ۱۷ اردیبهشت
@hushmand