اربعین اسارتدن قوتاردي یئتیشدی مقصد و آماله آل مصطفي قارداش گلیب له دوتماقا قبرين كنارينده عزا قارداش بو قرخ گونده فراقین اوخ مثالی قلبیمی دلدی خدایه شوکر اولا زینب وصاله چاتدی دینجلدی ایاقه دور یارالی قبرین اوسته قیزلارین گلدی نئجه گور کربلانی دولدوروب آه و نوا قارداش بو قبر پاکیوه باخدوقجا احساسیم گلیر جوشه اولا زوّاری هرکیم تربتین دن اخذ ائدر توشه سنه قربان ندور علت مزارین اولدی ششگوشه بورا کرب بلادیر یا دئیوم عرش خدا قارداش دونوب شوق وصالیندن ایکی آغلار گوزوم ابره گلیر موجه بوتون نیسگیل لریم غالب اولوب صبره بو باشسیز پیکرین مندن صورا کیم تاپشیریب قبره نقدری با صفادی قبریوه جانیم فدا قارداش گئدنده باغریقان گئتدیم گلنده باغریقان گلدیم دیار شامه قولباغلی گئدیب چون قهرمان گلدیم اسارت قیدی قورتاردی بو دشته میهمان گلدیم خوشام کی قسمتیم اولدی دوباره کربلا قارداش منيله مونس اولموشيدي باشین ای شاه لب عطشان او باشي گورمه سيديم صبريمي ائيلردي غم تالان دولاندیم کوفه و شامی دالونجا ائیله دیم افغان او باشین عشقی گور چکدی منی هاردان هارا قارداش منیله بیر دانیش تعریف ائدیم باشیم بلاسیندان دئیوم تا کوفه و شام اهلینین سایسیز جفاسیندان ولی اول خبر وئر خبر سینه ده پیکان یاراسیندان منییم آرامیمی الدن الیب دیر اول یارا قارداش گتیردیم اهل بیتین اربعینه قبروین اوسته ولي نازلي رقيه گلمدي اي شاه وارسته شماتت دن یورولدی غصه مرگ اولدی او دلخسته او غربت یئرده بیر کس اولمادي قبرين قازا قارداش ائدیبسن قانیله تضمین بقای دین و قرآنی آییتدی نهضتین تا واردی دنیا نسل انسانی گرک دیر سندن اورگشسین وفا وعهد و پیمانی هر انسان ائیلسه گر عشقیده بیر ادعا قارداش اورک درده گلیب بیر کیمسه اما محنتین بیلمز قفسده قالمیان قوش باغ و گلشن لذتین بیلمز باجین زینب کیمی بیر کس بو قبرین قیمتین بیلمز سورونم ائیلرم بو دشتیده سعی و صفا قارداش گلنده من وطندن سنله گلمیشدیم جلاليه شهید اولدون دولانديم كوفه و شامي ملاليه وطن گر قسمتیم اولسا منیم سنسیز بو حالیله مدينه شهري يول وئرمز منه اي با وفا قارداش نئچه ائیلدیر یانیر نار فراقینده نواخوانین اورکدن آرزو ائیلور هر ایل بو خوان احسانین دئیور "مدهوش" یازدیقجا اولیدیم بیرده مهمانین اوزون بو اربعین یاز بیر برات کربلا قارداش # مدهوش هوشمند التماس دعا @hushmand