🏴در فراق مادر 🏴 🎼سبک : خدا حافظ ای غریب مدینه ✍شاعر : علی عبدی خدا حافظ ای چراغ بو خانه فراقونده آغلارام یانا یانه سنون قدرین بیلمدیم آنا افسوس مثالون گلمز داخی بو جهانه منیم مهر و ماهیم خداحافظ منیم تکیه گاهیم خدا حافظ 🏴🏴🏴🏴🏴 آنا سندن دویمادوم بو جهاندا گوزوم آغلار چوخ نهان و عیاندا گرک منده ای آنا جان ئولیدیم سنون جسمین من مزاره قویاندا منیم دلده شاهیم خداحافظ منیم تکیه گاهیم خداحافظ 🏴🏴🏴🏴🏴 گوزل عکسین من قوجاقیمه آلّام گئچن گونلرین بو یادیمه سالّام اورکدن آهی چکوب یانارام من اَلیمی حسرتله سینمه چالّام گووه چخدیم آهیم خداحافظ منیم تکیه گاهیم خدا حافظ 🏴🏴🏴🏴🏴 یانان شمع تک سن آنا منه یاندین باشیما پروانه مثلی دولاندین اوشاقلیقدا صود وئرنده منه سن گجه وقتی چوخ یوخودان اویاندین منیم دادخواهیم خدا حافظ منیم تکیه گاهیم خدا حافظ 🏴🏴🏴🏴🏴 داریخاندا زار و قلب شکسته آنا جان گللم او قبریوین اوسته یووار گوزیاشیم او توزلی مزارین بو ایشدن من اولمارام آنا خسته منیم ای پناهیم خدا حافظ منیم تکیه گاهیم خدا حافظ #ترحیم_خوانی_مجمع_الذاکرین