نوحه اربعین بو آلتی گوشلی قبره باجون فدا یارالی بو چول سنیله تاپوبدی عجب صفا یارالی بو چولده ذره یوخیدی طراوت آثاری عجب تاپوبدی طراوت بو نینوا یارالی او گون که بوردا سنی یاره لی قویوب گیتدیم منه یارانمیشیدی غملی بیر فضا یارالی جنازن اوسته حسین کشمکش چوخیدی اوگون خدا رضاسینه گوردوم ووروردولا یارالی گذشت ایله منی قارداش یاراوی باغلامادیم خجالتم سنی ایتدیم ایله رها یارالی چوخ اللشیردیم اوگون یاره وه سالام مرهم قوشون توکولدی خیامه بیزی سویا یارالی ایکی بالامی دا هیچ تاپمادیم ، چوخ آختاردیم بولنمدیم که ئولوب یا گیدوب هارا یارالی خیامه قاچدیم حسین قیزلاری یغام چولدن صورا گلیب سنه راحت ایدم دوا یارالی ولی یوباندیم ایش ایشدن گیچن زمان گلدیم باشیوی جسمیدن ایتمیشدیلر جدا یارالی آشاندا تلی نگوردوم که گورمسین گوزلر جنازن اوستونه آت چاپدی اشقیا یارالی گیدنده شامه همان علته تاپانمردوم یارالی نعشیوی،، تا ایلدون صدا یارالی خدا بولور نجه آیریلدیم ، آیریلانمیردیم وورا وورا منی سندن آیردیلا یارالی (بو قدر ظلمه خوشام داد شام ظلموندن) دیار شامیده اولدی گونوم قرا یارالی خصوص اوندا که قارداش یهود کوچه سینه آپاردی شمر بیزی تا که کام آلا یارالی همان او کوچده مین کربلا غمین چکدیم ایشیق گون اولدی منه لیله دجا یارالی باشون که دوشدی جدادن ایویم یخلدی منیم باشیم آغاردی اولوب قامتیم دوتا یارالی بالالارین نچه سین کم گتیرمیشم عفو ایت قالانلارین دا یاری جان گلوب بورا یارالی رقیه وین غمی قارداش هامیدان آرتیقودی محالیدور که یادیمدان غمی چیخا یارالی ویرنده غسلونی گوردم ایاقلاری یارادی ایاقلاریندا ویریب یر تیکانلارا یارالی توکنده سو یوزینه زلفونی کناره ایلیب گوروشدی سیلی یری اولدی برملا یارالی بیر اللهیم بولوری غسلونی نجه ویردیم حرملر آغلادیلار ایتدیلر نوا یارالی خدا نکرده دیدیم بس ربابیده ئولدی دیزیم بوکولدی زبس یوز ویریب بلا یارالی قویاندا قبره ده توپراق توکنمدیم یوزینه گرک ئولیدیم اولیدی غمیم رها یارالی بو قدر درد و غمیله حضوریوه گلدیم که عهدیمی یتیرم عشقیله باشا یارالی دیوله هر نه زیارتده ایستسن آلاسان ئولومدی حاجتیم ، ایکاش اولا روا یارالی (خزانم) ای شه عالم گدای درگهیوم باشیمدا واردی منیم عشق کربلا یارالی https://eitaa.com/kobradsg