شهادت امام جعفر صادق علیه السلام
علومی تبریزی
رئیس مذهب و ایمان امام صادقدی
ولایت اهلینه سلطان امام صادقدی
بو خلق عالمه بیر مکتب سعادت آچان
ائدن جهانی گلستان امام صادقدی
دوزن هامی زحماته حقیقت اوستونده
جهاندا رونق قرآن امام صادقدی
عبث دگل که شرف تاپدی جعفری مذهب
سبب بو عزته هر آن امام صادقدی
گوزل طریقیله حقی جهانه نشر ایلدی
مدیر مکتب عرفان امام صادقدی
مولا سنه بیز عاشق پر سوز و گدازوک
ایرانلی ولی طایر گلزار حجازوک
دوتسان الیمیزدن سنه بیز محرم زازوک
قاتما بیزی نامحرمه یا حضرت صادق
کسمه نظر لطفوی مولا ائلیمیزدن
عشقینده حسینون آدی دوشمز دیلیمیزدن
محشر گونی زهرا بالاسی دوت الیمیزدن
سال قلعه مستحکمه یا حضرت صادق
تاپشوردون آقا جدیوه هرکس دوتا ماتم
یاندرماز اونی روز جزا نار جهنم
آغلار گوزوموز شاه شهیدانه دمادم
باخ بو قورولان ماتمه یا حضرت صادق