#متن_روضه_ترکی #حضرت ابوالفضل (ع) بخش 1️⃣ ابالفضل علی اوغلودی کیمن جرأتی وار اونون مقابلینده دایانا، لشکره ولوله سالدی چوخلاری قاچدی، قاچمویان درکه واصل اولدی، اوزین یئتیردی نهر علقمه «حَتی دَخَلَ الماءَ» هم هوا ائستیدی هم جنگ ائلیوب هم سوسوزدی، وارد نهر علقم اولدو مرد جنگی اولا تشنه سو گورنده نه ائدر؟ سووی اوجوندا گوروب کیم اوتوروب فکره گیدر؟ هرکیم اولسا ئوزونی آبیله سیراب ائلیر «فَلَمّا أرادَ أن یَشرِبَ غُرفَةَ مِنَ الماءِ» ایسته‌دی سودان بیر آز ایشسین، اوجون دولدوردو سوونان، سووا باخاندا انسان اوزون گورر؟ سووا باخسان عکسوی سودا گوره‌سن، عباس سوا باخدی اوزون گورمه‌دی، سکینه‌نی گؤردی کی العطش دئین بالالاری یغیب دوره‌ سینه دئیر ناله ائله‌میون عموم الان سو گئتیرر، سووا باخدی حسینی گوردی کی سوز عطشدن دوداقلاری قورویوب سووا باخدی دئدی ای سو آخوسان؟یاندی حسین ایچمرم من سنی یالوارما لب عطشاندی حسین «وَ ذَکَرَ عَطَشَ الحُسینِ(ع) وَأهلِ بِیتهِ فَرَمی‌الماءَ وَ لَم یَشرِب مِنه شَیئاَ» ایسلاتمادی حتی او سودان تشنه دوداقین، ایچمه‌دی سویی توکدی، مشکی دولدوردی ئوزی ایچمدی سو اولدی روان سووی حسرتده قویوب لبلرینه، چخدی سودان بوخیالیله کی مشکی یتوره خیمه لره خُرمالیقدان یول آلوب دوشدی وجودی خطره یوخدی جُرئَت کی دئیم نیلدیلر پیکرینه شاهبازین نجه یاره ورولوب شهپرینه یا اشاره ائلیم پرچمینون لنگرینه هر طرفدن بنی‌هاشمین قَمَرینَه حمله ائله‌دی‌لر، عبّاس ایستیر آخرین دستور حسینی یرینه یئترسین، مأموریتین تمام ائله‌سین، فکری بودی بالالاردان شرمنده اولماسین، تمام حواسّی سو مشکی‌نین یانیندادی؛ اگر بیرگونی یاغیش یاغا سن ایستی‌یه‌ سَن صودامر اوشاقی ائودن خارج ائلیه‌‌سن نیلرسن؟ اوشاقی باسارسان باغریوا اللریوینن محکم ساخلارسان، قویماسان حتی بیر قطره یاغیش او بالیا دگه، ...