﷽ نولوردی عمرده بیر نچّه لحظه فرصت اولیدی #مهدیه_فانی_تبریزی ➖➖➖➖➖➖ ➖➖➖➖➖ نولوردی .... . . عباس داداش زاده ( فانی تبریزی ) . . نولوردی عمرده بیر نچّه لحظه فرصت اولیدی او لحظه لرده منه وصل یار قسمت اولیدی . نولوردی خوی بهیمی وجودی ترک ‌ایلییدی نصیب هر کسه عمرونده آدمیت اولیدی . نولوردی گوز گوره جاق گر گونوز تمام رذائل دوشیدی شمس کسوفه زمانه ظلمت اولیدی . نولوردی نفسنون ادبارینی گوریدی خلایق جهاندا ترک غروریله هر منیت اولیدی . نولوردی شُوم تمدّن کسیدی علقه بشردن چهار رکن جهان جمله بربریت اولیدی . نولوردی تک بو گونون گورمییدی دیدۀ غافل صباح روز قیامتده متن صحبت‌ اولیدی . نولوردی فقر و فقیره حقارتیله باخانلار بو گردش فلکیله دچار ذلّت اولیدی . نولوردی مصحف منزل اولیدی هادی امت کلام حقّیله انسان آرا حکومت اولیدی . نولوردی هر دلی تقوا ائدیدی وادی ایمن تمام نوع بشر غرق نور و رحمت اولیدی . ... ➖➖➖➖➖➖ 👈 متن کامل در سایت ... https://zobdatolashaar.ir/?p=3722 . برچسبها: #پندیات #پندیات_فانی_تبریزی #ترکی #فانی_تبریزی #مهدیه #مهدیه_فانی_تبریزی #نولوردی_عمرده_بیر_نچه_لحظه_فرصت_اولیدی . ➖➖➖ 👉 zobdatolashaar.ir ➖➖➖ ✍️ #زبدةالاشعار ✍️ . 🆔: @nohe_torki ROUND: