حسینه یرلر آغلادی
حسینه گویلر آغلادی
باشین کسنده قاتلین
النده خنجر آغلادی
.
.
دئمه قرا یل اسمه دی
غروبه گون تسلمه دی
حسین نمازی کسمه دی
عباده اکبر آغلادی
.
.
قوشون منظّم اولدولار
او قتلگاهه دولدولار
داش آتدیلار یورولدیلار
گول اولدی پرپر آغلادی
.
.
ملک لره خبر چاتوب
گلون حسین قانا باتوب
قوشون سنیب علم یاتوب
او حاله لشگر آغلادی
.
.
گزِیدی باجی قارداشین
نه قارداش، عشق یولداشین
گورنده نیزه ده باشین
حیالی خواهر آغلادی
.
.
چخاندا شمر او سینه یه
او خورد اولان خزینه یه
خبر گیدوب مدینه یه
بقیع ده مادر آغلادی
.
.
ئولوردی زینب آز قالا
قدم قدم گیدوب دالا
رقیّه هارداسان بالا
باخوب او خواهر آغلادی
.
.