اربعین
دوریارالی زینب بی یاریوم
قرخ گجه گوندوزدی عزاداریوم
گلدیم حسین وای دیم/اصغره لایلای دیم
من باشیما قاره سالان زینبم
کوینگون اللردن آلان زینبم
هم قوجالان هم اوجالان زینبم
یوخدی ابوالفضلون علمداریوم
ای سسیمه سس وئرَنیم آچ گوزون
یوسف بی پیرهنیم آچ گوزون
شهیدخونین کفنیم آچ گوزون
هم سنه مهمان همی زواریوم
من بو چولون عاشق وشیداسیم
زینب آدیم قاف غم عنقاسیم
کرب وبلانین قوجا زهراسیم
آنام کیمی محرم اسراریوم
اصغره لایلای دئسه لر مین کتاب
اولماز آنا لایلایی ای خوش مآب
نیلوم اوزاقدا دایانوبدی رباب
سسلور آقا منده دل افکاریوم
نازلی رقیه ن ساچینی هورمدی
باشیوی آلدی منه ده وئرمه دی
قبریوی افسوس،او بالان گورمدی
دییردی هی حسرت دیداریوم
من ره تقواده قدم ویرمیشام
نقشه لره نقش عدم ویرمیشام
کوفیه اود شامه علم ویرمیشام
حافظ آئین ومددکاریوم
سن ائلدون قانیله دِینون ادا
ای اوآخان قانووه جانیم فدا
ئولمیاجاق حماسه ی کربلا
مُبلّغ ایده و افکاریوم
@nooheemajmaozakerin