‍ 🔷اِسپِـــــــــــه حِلــــــــــــوا  ، مـــــــالت (حلوای سفید تبرستانی یا هزارجریبی ِ مازندران) 🔶چه چی لازم دارمی: خاروِندی دِئشُو (دوشاب، شیره خرمالوی وحشی و جنگلی ) ۳ کیلو  ، مِرغانه اِسپی ( سفیده تخم مرغ) ۱۵ تا کال  ، آغوز دِله ( مغز گردو یا مغز هر نوع آجیلی و کنجد .دلبخواهی هستنه) ، کَنِف تیم ( تخم‌کنف یا شاهدانه). 🔶اول کار باید مِرغانه اِسپی ره اَنده بَرِم بَزنیم تا کَف هِکانه ( قدیم گادِر سخت بیئِه دست جِه بَرِم زُنه  الان همزن برقی دَره کار ره راحِت هِکارده). 🔶دِئشُو ره مِس لَوِه ِ  دِله شِنِمبی ، مِرغانه اِسپی ِ کَف هِکارده ره،  خاروِندی دِئشوِ دِله شِنِمّی. لَوِه ره تَش سَر یِلمی . کِتِرا ( گَت چویی کفگیر ِ  که فیه ره مُوندِنه اما خوردتِره ( کوچکتره)  از پِلاگیر یا پِلگیر گَت تِره )  لازِم دارمی . از اینجه به بعد زحمت دارنه پِشتِ سَر هم بایِد با کِتِرا بَرِم بَزِنیم تا  دِئشُو و مِرغانه اِسپی قاطی ( ترکیب مخلوط) بَواشِن  هم اینکه موادّ نسوزه لَوِه زیر نَچِسبه ، شعله و حِرارِت باید کم بو ، تا قَم قَم بَجوشه و اِسپِه حِلوا دِرِست بَواشه . معمولاً  چند تا کدبانوهای هزارجریبی ماقِعِ بَپِتِن هِدی ( همدیگر) ره کومِک کاندِنه بعضی وَختا مردهای هزارجریبی هم کومِک کانِنه. وَختی که دِئشُو رنگ دَگِردیئِه و دَره اَمبِست ( غلیظ ) بونه ویشتر باید سرساب بوئِن ، بایِد با زور و فشار بازویِ ( بال)  ویشتر بَرِم بَزِنِن تا هم نسوزه و تَل نَواشه هم اینکه سِفت نَواشه لَوِه دِله نَچِسبه . این بَرِم بَزِن با کِتِرا اَندِه اِدامه دارنه که حِلوای رنگ اِسپِه بَواشه حِلوا لیس دَکِفه ( بَرّاق بَواشه) و امبِست(کارامِلی و کِش دار بَواشه )  بَواشه  وِنِه حجم کم بَواشه راحِت لَوِه دِله جِه جدا بَواشه (مثل خمیر راحِت  ،لاک دِله جِه جدا بَواشه). حِلوا باید کِش دار بَواشه یعنی ویاز هادِه ولی دَست جِه یا لَوِه دِله جِه نَچِسبه. اینجه ویشتر به کومِکِ مردهای هزارجریبی  لازم بونه .بخاطر اینکه هر چه حِلوا سِفت تِر و اَمبِست تِر بونه وِنه بَرِم بَزِن سخت تِر بونه زور و بازوی مردها کار ره راحِت تِر کانده.  🔶آخِر سَر ، اِسپِه حِلوا را یِتا سطح صاف که چَلب بَویئِه مثل لاک پِشت یا سیر تخته پشت ( تخته کار ) اِیِلنِنه ، بعضی کدبانوهای هزارجریبی در این گادِر  یَقِدِه کانجی یا آغوز دِله( که از قبل رِز هِکاردِنه ) به اِسپِه حِلوا اِضافه کانِنه بعد   با نون کَر یا نون ساز ، تخت و پهن و صاف(به کالُفتی و ضخامت هم اندازه و یکسان و یکنواخت)  کاندِنه ، کارد یا چاقو جِه وِریندِنه به شکل های یک‌ جور و هم اندازه بخش یا تقسیم کاندِنه  دوریِ  ( بشقاب) دِله چینِنه (چیندِنه). 🔶اِسپِه حِلوایِ نُوم در روستای پِرکِلا ، مالت هَسته .  🔶اِسپِه حِلوا هم شیرینی ِ سنّتی تبرستانی یا هزارجریبی هَسته که کدبانوهای هزارجریبی، خاشِ ( شِه) سِفرهِ چِلّه شُوِ سَر یا سِفره ِ گَتِ چِلّه شُوِ سَر یِلنِنه ،این حِلوا ویشتر در فصل سرد سال دِرِست بونه طبع گرم دارنه صُبانه چاشتِ گادِر و شونیشت ماقِع بخارده بونه. https://eitaa.com/roodbar2023 #کانال_اطلاع_رسانی_رودبار_بهشهر