نوحه بختیاری حضرت علی اکبر(ع)
#شاعر_خانم_علیمحمدی📝
#اجرا_استاد_پیام_پرویزی🎤
#نی_نوازی_عباس_شالو🎺
ای دا بختُم سیاهه، اکبر دیه نیاهه(۲)
کُرِ خوش قد و بالام
رَهده به میدونِ جنگ
ترسُم که دی نَیاهه
دلوم وابیده سیس تنگ
ای دا بختُم سیاهه، اکبر دیه نیاهه(۲)
صداسِ مو اَشنیدُم
روده مو تشنه لَو بی
نبینه کَس مو دیدُم
بخت مو مَر به خَو بی
ای دا بختُم سیاهه، اکبر دیه نیاهه(۲)
نشستُم با نَمِ دل
گُلی مو پَرونیدُم
رَهده زِ دستُم ای وای
خیری مو زِس ندیدُم
ای دا بختُم سیاهه، اکبر دیه نیاهه(۲)
کِردِنس تیکه تیکه
ایی دِشمنونِ ناکَس
ندارُم رَه به جایی
خدا به داد مو رَس
ای دا بختُم سیاهه، اکبر دیه نیاهه(۲)
خَوَر بدین به لیلا
رختِ غمِ بپوشه
عزا عزای اکبر
خینِ حسین بجوشه
ای دا بختُم سیاهه، اکبر دیه نیاهه(۲)
زَنگَل شیون ورارین
کُر جاهلون بیوهین
علینه تا به خیمه
وابا حسین بیورین
ای دا بختُم سیاهه، اکبر دیه نیاهه(۲)
•┈┈••✾•✾•✾••┈┈•