روضه دفتری
❣﷽❣ ‍ خروج از مدینه زبانحال حضرت صغری(س) سبک: یاران چه غریبانه ، لایلای گوزیمون نوری آی فاطمه ریحانی صبر ایله بابا گئتمه ترک ایلمه صغرانی صبر ایله بابا گئتمه غم قافله سین ساخلا گرد سفره باتما بازار محبّتده جان گوهرینی ساتما قویما الی قوینوندا صغرانی چوخ آغلاتما دیندیر بو پریشانی صبر ایله بابا گئتمه سیل گوزلریمون یاشین رحم ائت بو پریشانه آیریلما بابا مندن یوخ طاقتیم هجرانه زلفوم آغارار گئتسون گَللم بو گجه جانه ساللام غمه دنیانی صبر ایله بابا گئتمه جان رشته لرین دلده دائم بولرم سنسیز گاه آغلیارام ائوده گاهی گولرم سنسیز گئتسون دوشرم دیلدن والله ئولرم سنسیز گوزدن آتارام جانی صبر ایله بابا گئتمه قلبیم آلیشور اوت تک بو غملی اولان سوزدن هئچ فکر ائله مزدیم من بیرگون دوشرم گوزدن ناچار اولوب آیریللام اکبر کیمی گُل یوزدن حل ائت بو معمّانی صبر ایله بابا گئتمه (کربلایی بهزاد قاسمی اردبیلی) ( استادحاج غفوراسدزادگان) ┈••✾•🌿🌺🌿•✾••┈ @rozeh_daftari
435 مشاهده