تخریب قبرستان بقیع اگر بقیع ده یوخدی بُقاع ، بقاسی که وار ضریحی اولماسادا عزت و صفاسی که وار حریم عشق ولا محبط ملائکدور بدون گنبد و گلدسته ، مبتلاسی که وار او یرده شیعه لرون دورت امامی دفن اولونوب گدالرون اولارا دلده التجاسی که وار او دورت امامون اگرچه ضریحی یوخ ،اما عنایتیله بیزه دائما عطاسی که وار یاتوب او یرده ابالفضله آغلیان بیر آنا ضریحی یوخدی اگر ، قبرینون نماسی که وار دئیوله بیرده یاتوبدور او یرده دخت نبی اگر چه ظاهری یوخ ، صاحب بکاسی که وار بالاسی حضرت مهدی او قبره زائردی امام منتقمین اوردا آه و واسی که وار اگر غریبدی ظاهرده اوز دیارینده خدایه شکر اولا بی حد آشناسی که وار ائشیتمیشم که خراب ائیلیوبله صحنلرین یقین خراب ائده نون حشریده سزاسی که وار اگر چه مانع اولور اشقیا زیارت ائداخ ولی زیارت اوچون اونلارین رضاسی که وار خدادن ایسته بقیعنون زیارتین شیدا نصیبون اولماسادا حضرتین سخاسی که وار بو آرزودی که اوردا دویونجا آغلیاسان الونده یئتمسه باشدا بقیع هواسی که وار #محمدرضاصادقی‌شیدا ۳ اردیبهشت۱۴۰۲