نوحه شهادت والد مکرم حضرت صاحب الزمان (ع)به سبک یاامام زمان شیعه ده احساسه باخ شاغر：حجت مرتضایی(کیان) |||||||||||||||||||||||||||||||||||||||||||||| یاابالمنتظر یاحسن عسکری ای اولان عالمین سیدی وسروری ماتمون آغلادور بوشیعه حیدری زهریله جان ورن سامراده اولن یامولا یامولا(۴) یاابالمهدی ای والد شاه جهان جان فدا جانیوه شهیداولوبسان جوان ماتمونده قرا گیدی امام زمان سینه سین داغلیار چوخ سنه آغلیار یامولا یامولا(۴) اولدون آقا اسیر عدوی مستبد حصره سالدی سنی قورخودان اول معتمد اولمادی شانیوه اوبی حیا معتقد صولتون حیدری هیبتون عسکری یامولایامولا(۴) سامراده سنی ساخلادی تحت نظر باغلادی قتلیوه دشمن پستون کمر آخر الامر وردی سنه زهرشرر ایچموسن زهرکین قالدی مهدی حزین یامولایامولا(۴) سامراده سنی قویدولاتحت فشار منزلین دورینه چکدیله محکم حصار قویمادی معتمد مکریله راه فرار ای امام کریم بالان اولدی یتیم یامولا یامولا(۴) قسمت ایله گلک گورملی سردابیوه باش قویاق بیزده بیر تربت محرابیوه دعوت ایله ویراق بوسه گوزل بابیوه ور جواز سفر یاابالمنتظر یامولا یامولا(۴) آلتی گوشه مزارون اله بیل کربلا بیرطرفده یاتوبدی آتان هادی آقا بیرطرف نرجس اول مادر نورالهدی کیمدی پایین پا باجون اول باوفا یامولا یامولا(۴) بیردعا ایله کی جور اولا امر ظهور بلوط آلتدان کناره چیخا اول قرص نور سینه شیعیانه وره شوروسرور گلسه آخر امام آلاجاق انتقام یامولایامولا(۴)