یاندورما منی بیر بیله هجرانیوه دور گل
قوی شانه چکم زلف پریشانیوه دور گل
وار حسرتیم ای گوزلری شهلا تلی قاره
بیرگون اَل آتوم گوشهٔ دامانیوَه دور گل
واردورخبرین گوزلریمین یاشی دایانمور
مسکین باخورام صورت تابانیوه دورگل
سنلن گونوزم آیدین اولوریوخساگوزومده
هریر گیجَه‌دی قربان اولوم جانیوه دورگل
گیدسن ایراقا جانیمی آل ناز باخوشونلا
آلماقه سولان جسمی گوزل یانیوه دورگل
گیلشَنده گوزوم آختاروری گولّر آراسین
شاید ساتاشوم شاخهٔ ریحانیوَه دورگل
مجنون‌کیمی لیلامی ایتردیم دَلی اولدوم
سینم دارخور نیزه‌ی مژگانیوه دور گل
ازبس قدیمی گونده بیر آز اَگدی فراقین
عادت ایلَدیم سوزش نیرانیوه دور گل
بیچاره (تمنانی) نَدن بیر بیله یوردن
یاندوردی اوزون آتش سوزانیوه دور گل
#شعرای_هیدج
#عبدالله_رجبی #تمنا
شهر شعر و ادب 👈 @sahreseroada