اَلسَّلامُ عَلَیْکَ یا اَباعَبْدِاللَّهِ وَ عَلَى الاَْرْواحِ الَّتى حَلَّتْ بِفِناَّئِکَ عَلَیْکَ مِنّى سَلامُ اللَّهِ (اَبَداً) ما بَقیتُ وَ بَقِىَ اللَّیْلُ وَ النَّهارُ وَ لاجَعَلَهُ اللَّهُ آخِرَ الْعَهْدِ مِنّى لِزِیارَتِکُمْ *- اَلسَّلامُ عَلَى الْحُسَیْنِ وَ عَلى عَلِىِّ بْنِ الْحُسَیْنِ وَ عَلى اَوْلادِ الْحُسَیْنِ وَ عَلى اَصْحابِ الْحُسَیْنِ سلام بر حسین و بر على بن الحسین و بر فرزندان حسین و بر اصحاب و یاران حسین سلام بر عاشورائیان ای «حسین» ای عاشق نامی سلام اولسون سنه وی ایدن پاینده اسلامی سلام اولسون سنه عرصۀ ایثارده همتلن اولدون یکّه تاز حشر اولونجاق دولت قرآنی ائتدون سرفراز پرچم نَصرُ مِن الله تاپدی سندن اهتزاز یوخدی سن تک جاهد نامی سلام اولسون سنه ظاهراً مغلوب اولوبسان باطناً صاحب ظفر پرتو نور فَتَحنا سندن اولدی جلوه گر سوره های الف و لام و میم لر حا میم لر گوردی عاشورا سنی حامی سلام اولسون سنه ای خانم « صدیقۀ کبری » زن عالیه جاه بسکی گیدون قاره چکدون قلبیدن سوزنده آه اولدی فرهنگ عزاده لاجرم رنگ سیاه حجّ عشقین رنگ احرامی سلام اولسون سنه «زینب» ای صدیقۀ زهرایه لایق جانشین نام پاکون زینت نام امیرالمؤمنین وارث تیغ بلاغت خواهر سالار دین ای زبان تیزی صمصامی سلام اولسون سنه ای خانم «کلثوم» ای مولا علینون بنذری مستشار زینب اولدون ساخلیا تا سنگری اولماسیدون اولمازیدی الده کسگین خنجری آفرین سندیردون اصنامی سلام اولسون سنه ای «ابوالفضل» ای شجاعتده نظیر مرتضا وی علمدار رشید شاه دشت کربلا دشمنان دینی ایتدون سر فکنده مرحبا مرتضانون نامی ضرغامی سلام اولسون سنه ای «علی اکبر» شبیه حضرت خیرالبشر شاهد نیکو مرام و جاهد نیکو سیر وی اولان اضحی گونی لجّه سینده غوطه ور تل به تل زلف سیه فامی سلام اولسون سنه «قاسم» ای شهزاده آزاده و سیمین بدن تک سوار یکّه تاز عرصه گاه تن به تن کربلانون قتلگاهین طوی اطاقی ایلین یثربون داماد ناکامی سلام اولسون سنه ای «علی اصغر» شهید شیرخوار و شیر خو تشنه ئولدون ویرمدی دشمن سنه بیر جرعه سو خون پاکون آخدی ویردی دین حقّه آبرو ایلدی پاینده اسلامی سلام اولسون سنه ای علی اصغرین بیکس آناسی ای «رباب» رنگدن رنگه سالان پوزقون جمالین آفتاب کوفه اهلی دوتدیلار ظلمیله غنچوندن گلاب قانی رسوا ایتدی ظُلّامی سلام اولسون سنه ای «رقیّه» ای حسینون دختر دردانه سی شمع یبمای علی اکبرین پروانه سی زینبین سرپنجه ویرانه لرده شانه سی کوینگیندن قاره ایّامی سلام اولسون سنه «مسلم» ای فرزند بی باک و قوی شان عقیل سیف آل هاشمی سن قهرمان بی بدیل صاحب عصرون سفیری گوهر ذاتون اصیل ای اولان فرخنده فرجامی سلام اولسون سنه ای «حبیب ابن مظاهر» ای رفیق با وفا کربلا دشتینده قویدون خدّوه قاندان حنا قویمادون تنها قالا سلطان دشت کربلا یوم عاشورانون هنگامی سلام اولسون سنه ای « یزید ابن ریاحی » شاهد توابسن بنده روشن ضمیر ربی الاربابسن «حرّ» سن آزاده سن اطیبدی ذاتون نابسن ای اولان زیبنده اقدامی سلام اولسون سنه #امام_حسین_علیه_السلام ✍حسین غفاری اردبیلی کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy