🏴ورود به سرزمین کربلا🏴 🎼(سبک :ویرانه ده نازلو بالام) ای کربلا   مهمان   ایله   شاه  لب  عطشانی ساخلا    ئوزونده  جان  کیمی  دلبند  طاهانی یثربدن  ئوز   قویدی   او  دمکه  کعبیه   مولا نا اَمن   ایدیبدی اَمن   ایوی   مولامیزه  اعدا کرب  و  بلایه   یوز   قویوب   پور شه   بطها لطف ایت ئوزونده ساخلا سن  بوشاه دورانی گلدی ایده  سکنا حسین  بو  دشت پر غمده ایستور سنه  مهمان اولا  اون گون  محرمده قولارین آچ عرض ایله گل اگلش بو سینمده قلبینده هیچ ییر سالماسون  بیر آن پریشانی قویسا قدم  بو دشته گر  هر  آن ویرر  قیمت گردِ    قدومیلن    تاپار    کرب  و  بلا    زینت چونکه   حسیندور   عالم    ایجادیده     علت ایجاد   ایدر   باخسا   اگر    یوز  بیله  دنیانی ساغدا    علی و   اکبری    صولدا    علمداری عونیله    فضل   و  جعفری   یاران  و انصاری شش ماهه اصغرتک  اونون واردور  وفاداری قانیله    رسوا     ایلیر     اول     آل    سفیانی قاسم    الینده    قان حنا   یوز  قویسا میدانه غیرتله    اعدانی    سالار    میداندا     حیرانه ازرقله  دورد  اوغلی دوشر   بیر  آندا  طوفانه شمشیر    قاسملن  ویرر جان  دشمن  جانی روح حسن   احسن  دییر  هر آن  او   داماده زهرا    ئوزی   فخر   ایلیر   قاسمله    معناده لیکن   گلر    پیغمبر     رحمت     بو    ماواده قان    آغلاسون  دامادینه   خورشید   نورانی پیغمبر   اوغلیدی   ولیکن   غصه دن   یاندی گل   برگی تک   سم   ستورانیله  دوغراندی هیچ اولمادی بیرکس دیسون مسلمدی مهماندی ایو صاحبی   اسلامیده    وورمازلا     مهمانی جسم    علی   اکبرده کی  ظلمله   دوغراندی گلدی   آتا   گوردی  بالا   خاکیله   یکساندی دشمن بو جسمه یانمادی لیکن جهان یاندی صد حیف او شبه خاتمه  چوخ  گوردی ایذانی ای   کربلا   عباس  آدی   بسدور   بو   دنیایه ویرسون   (( پریزاده ))  اونی  سوگند  زهرایه کرب  و  بلادن   ایستیور  گلسون   بو  ماوایه چون دردیموز چوخدور ولی هیچ یوخدی درمانی ✍(اسماعیل پریزاد کلوانق) #محرم1402 #ورود_به_کربلا لینک کانال👇 http://eitaa.com/torkiy ---•••◇🏴🏴🏴◇•••--- @torkiy