🖤احوالات حضرت علی اصغر🖤 _///////////// حسین شش ماهه سربازون گتوردی لشگره ساری که شاید رحم ایدوب  اعدا او طفلی ایلسون یاری آتیبدور حرمله بیر اوخ یر اوسته ولوله سالدی غم سرباز شش ماهه امامون صبرینی آلدی بو ایشدن ماسوا  حیران  تحیرده ملک قالدی سارالدیب حرمله   گل  تک  ندن طفل لبن خواری گلیبدور  اوچ  پر اوخ  ایتدی ربابون نوگلون پرپر کسیلدی شاخه گل تک گلوی تشنه اصغر آخوبدور  قانی قنداقین ایدیبدور لاله احمر حسین اوجونداکی  قانی سپوپ معبودینه ساری بیوردی  شاهد اول   یارب یراوسته ظلم اشراره صبورم  صبر  قیلام  من غم واندوه  بسیاره یارالی  اصغرون  حلقون  ایدیبدی اوچ پراوخ پاره اوزون من ساخلارم قانی سنون ای حجت باری قیتدی سمت   اخیامه امام تشنه لب خسته یارالی  اصغرون نعشون آلیبدور اللری اوسته اورک داغلی  گوزی یاشلی مثال مرغ پربسته خیامه چاتدی سسلندی هرایه زینب  زاری بیوردی گل  باجی زینب سن غملی خبر گتدوم آپاردوم  اصغری   اما   ووروبدی قوم شر گتدوم او  عطشان  حلقینی  باجی ئوپوپ تیر سپر گتدوم گل  ایله سن کمک باجی من غمگین وبی یاری گلوبلر  پشت  اخیامه  قازوب بیر یر درین اولسون قویوبدی اصغرون جسمون اویرده تا سرین اولسون - ۰ بیوردی اوخشماباشلا که دلسیز اصغرین اولسون ۰ صورا توپراق توکوب ایتدی یوزه گوز یاشینی جاری التماس دعا شاعر کربلایی زُهیر میری زنجانی #محرم1402 #عاشورا #حضرت_علی_اصغر_علیه_السلام لینک کانال👇 http://eitaa.com/torkiy ---•••◇🏴🏴🏴◇•••--- @torkiy