🏴توسل حضرت رقیه(س) بسم الله الرحمن الرحیم اولســـون سلام دللره طوفان سالان قیزا داغلار گوروب خرابده آغلار قالان قیزا اولسون سلام عصمت ائوینده آچان گوزون ویرانسراده قوش کیمی جان وئرن قیزا اولسون سلام فاطمه گوز، زینب عاطفه چوللرده پا برهنه پریشان گزن قیزا اولسون سلام ایاقی قابار سینه سی یارا شامون یولوندا بار مصیبت چکن قیزا اولسون سلام اکبره ناز ایلین قیزا شیرین دلیله اصغره لای لای چالان قیزا اولسون سلام غصه سارالدان یاناقینی نامرد الیله قورخولی سیلی ییــیَن قیزا اولسون سلام تا نفس آخره کیمی یورغون اورکده اجلیقینی گیزلدن قیزا اولسون سلام قانلی باشی باغرینا باسوب زهرا اوپن دوقلارا بوسه ویران قیزا اولسون سلام عمری گوله بنزین قیزا اولسون سلام خانه ی غمده اولن قیزا گنه آلله غم اوتی بو دل ســـوزانه دوشوب گوندوزوم شامه دونوب یادیمه ویرانه دوشوب دوتموشام نیت پاکیله رقیه اتگین بی نمک سوزلریمین تا اوزی قاتسین نمکین قانه دوندردی اونون فرقت اکبر اورگین سوروشان اولمادی بو قیز نیه زندانه دوشوب بوهمان قیزدی که ویرانه ده یاندی جیگری گئجه نین وقتی اونا گتدی فلک باش خبری گوتدی سرپوشی یارالی باشا دوشدی نظری شمعی خاموش گوروب وحشته پروانه دوشوب خوش صفا ائتدی خلوصیله او یورقون قوناقا ایش برعکس اولدی آتانی بالا آلدی قوجاقا ایستدی آهیله بوسه وورا عطشان دوداقا اللری اسدی گوزی لخته لنن قانه دوشوپ گل بابا یاخچی گلوبسن غربا محفلیـــــنه اوجادی منزلتون باخ اوسرا منزلینه بودل شبده بیزی یاد ائلدون سن یارالی بونه عالمدی بابا سن یارالی من یارالی سن هارا یاره هارا. بیز هارا ویرانه هارا کسدی باشون دی گوروم هانسی دل آهن یارالی سن نئجه گون کیمی باتدون ائله منده باتارام کنج ویرانده قبریمده کفنسیز یاتارام شمعین اوتونا ویردی اوزون شهپری یاندی اوچ دفعه دولاندی باشینا حالی دولاندی غم غصه الیندن بالاجا قلبی دایاندی پروانه کیمین عشقی نشان وردی رقیه تپراقه دوشوپ قوش کیمی. جان وئردی رقیه ________________________ #زمزمه ای قلبیمون قراری لای لای رقیه لای لای عاشقلرین نگاری لای لای رقیه لای لای سینم سنون یروندی تپراقلار اوسته یاتما دیلدن دوشن قناری لای لای رقیه لای لای ای سینمون مدالی ای وای رقیم ای وای زهرا کیمی یارالی لای لای رقیه لای لای ____________ #محرم1402 #راه_شام #حضرت_رقیه_سلام_الله_علیها