بنام خدا آنا اولومی و چند بیتی پند و اندرز "" "" "" "" "" آنانین اولمگی اولادلارینی درده سالار اولارین هر بیرینون طاقتینی الدن آلار آنا بیر گولدی محبت باغی اونسوز سارالار روز روشن تار اولار نیمهٔ شب تک قارالار آنانین آدینی تحریر الوین دم دولارام توکرم گوز یاشیمی زار و پریشان اولارام قدرتیم یوخدی او اندازه بونی من بیلورم آنا وصفینده یازام چوخ سوزی قادر دگولم آنا الدن گئدوبن داغ اولا انسان آشاجاق کاسهٔ صبر و قراری دولاجاقدی داشاجاق آنانیین آیرلیقی سینه نی شان شان الویر طاقتی طاق الویوب قلبی لری قان الویر آنانین قدرینی کیم بیلمویه ناداندی اوکس روزمحشرده یقین زار و پریشاندی او کس حایف اولسون چوخوموزگوهری ارزان ساتیروخ آنانین گوهر مهرین باشیموزدان آتیروخ ساغ اولان واختا آنا غافل دوران اولوروق گئجه گوندوز اونی هرآن گوزی یولدا قویوروق والدین گر اولا راضی بو جهاندا بالادان بالادان راضی اولار ارض و سمانی یارادان آنایا خدمت ائداخ اوج سعادتدی بو ایش بویروب خالق اوزی عالی عبادتدی بوایش والدینون دیری واختی باشینا بیز دولاناخ سیخلاخ سایهٔ الطافینه بیز دالدا لاناخ بولارین فوت الویه هر بیری محشر یارانار قیز گلین قارداش اوغول دیده سی گریان دولانار دیندیراخ بیزدیری واختاباجی قارداش آنانی شادائداخ طول حیاتینده بیزای کاش آتانی گر اولندن سورا مین سفرهٔ احسان آچیلا اون رقم عالی غذا سفره لره گر یغیلا فاخرا فایداسی آزدی بو عزا ساخلاماغین ثمری چوخدی حیاتینده اونی یوخلاماغین وار امیدیم دیری واختا منی یاری ائده سوز نه اولندن سورا گوزیاشوزی جاری ائده سوز ✍مسلم فرتوت فاخر #فراق_مادر ✨اَللّهُمَّ عَجِّل لِوَلیِّکَ الفَرَج✨