سبک روضه زبانحال حضرت زهرا(س) با حضرت علی(ع) (وصال تبریزی) اوتور سنه دیوم سوزومی بیر بیر فاطمه وی ثانی ائدوب زمین گیر یاسین اوخی منه دیلون فداسی سسیوی چوخ عم اوغلی گویلوم ایستیر تندن ئولونجه رخت وصالی سویمادم من هر کیمننده دوییدیم ، سنون کی دویمادم من ئولور زهرا..... دئمه غمون اورک باشینی دلمور باشمون آغرسی داخی دوزلمور حسین کوسوبدی نچه گوندی مندن قوجاقیمه بولمم ندندی گلمور زهرا ئولوب دیریلر ، اونون گوز یاشی اوسته حسینون هر گئجه قوی ، سو جامی باشی اوسته ئولور زهرا..... سنی بئله گورنده یانورام من الله بولور نجه دولانورام من ایندی نچه گوندی کی من عم اوغلی بالالاری سسیله تانورام من گوش فلک بو غمنون عم اوغلی درده گلدی کوچه ده دویولنون گوزمه پرده گلدی ئولور زهرا..... ثانی منه هر سمت و سونی کسدی یولون ، قولیله ، صاق صولونی کسدی ائله سیلی وردی منیم یوزومنون سسیم باتدی ، نفس یولونی کسدی شمع وجودیم اوندا ، یانا یانا اریلدی قباله گئدی الدن ، جسمیم یره سریلدی ئولور زهرا.... اجل منی بولمم ندن بوراخمور منیم یتیم بالالاریما باخمور سیلنمورم گوزون یاشینی عفو ائت هر نیلورم قولوم عم اوغلی قاخمور منه هر نه غم اولدی ، قاپی یاناندا اولدی بهاریم عمرون اول گون ، ظلمون الیله سولدی ئولور زهرا..... اجل بو خسته جانی ایستور آلسون الیمی دوت بیر آز غمیم آزالسون سنون منیم قراریمیز عم اوغلی حسین دوشونده قتلگاه قالسون گل اوندا کی حسینه ، شام اهلی ال تاپاللار یارالی نعشی اوسته ، ظلمیله آت چاپاللار ئولور زهرا..... #فاطمیه_۱۴۰۲ #شهادت_حضرت_زهرا_سلام_الله_علیها