گوزل آللهین آدیلان ( یا جوادالائمّه ادرکنی ) ۱۴۰۲/۱۱/۱ دفع بلا و خطر ایلر جواد قلب مسی ناب زر ایلر جواد سائلینی بختور ایلر جواد سنگ سیاهی گهر ایلر جواد خیر مریده نظر ایلر جواد تاج شرف باشداکی عمّامه سی قدّینه زیبنده وِلا جامه سی حقّ و حقیقت سوزو ، برنامه سی مدحینه عاجز شعرا خامه سی بی هنری باهنر ایلر جواد گول دئمرم نقص اولا شخصیّتی گلشنی تزئین ائلیر طلعتی عطری معطّر ائلیر جنّتی دشمنی مغلوب ائلیر هئیبتی کیمدی بیلن کی نه لر ایلر جواد هیکل تقوا و حلیم و سلیم پیر خرد ، مرشد و میر و حکیم گوی ده آیی ایسته سه ایلر دونیم مظهر حق زاده ی میر کریم بی خبری باخبر ایلر جواد کوثرین اوغلی دئمه ، کوثردی بو منبرین اوستونده کی حیدردی بو شان و شرافت ده پیمبردی بو فاطمه نین اوغلودو ، اطهردی بو خشک آغاجی پرثمر ایلر جواد مرتبه اعلا ، ئوزو اعلا نشین جان جهان ، نور هدا ، ماه دین شمس ضها ، هادی و ماء معین زیب زمین ، سالک عرش برین طاق سمادن گذر ایلر جواد ابن رضا سلم و رضا صاحبی عصمته دارا و حیا صاحبی باب رجا ، فیض و عطا صاحبی رهبر دین صلح و صفا صاحبی رفع هموم و کدر ایلر جواد ذوالحشم و احسن حُسن و متین تیز پر و ذوالقدر و تیزبین دلبر عالی شیم و مه جبین جود و کرم بزمینه اعلا نشین زهری آغزدا شکر ایلر جواد نقش لبی نقشه ی آیات حق مقدمینی آرزلیان نُه طبق درگهی ، امّیدگه مستحق فضل و کمالات و سخاده رَوَق سیره ی خیرالبشر ایلر جواد سینه سی سینا دئسم آزدور بونا قامتی طوبا دئسم آزدور بونا صبریده دریا دئسم آزدور بونا مهر مصفّا دئسم آزدور بونا هر نه دئسم بیشتر ایلر جواد عالم تقواده سر آمددی بو عشق خداونده مقیّددی بو پاک دل و طاهر و اسعددی بو احمده نوباوه دی ، احمددی بو سیر و سلوک پدر ایلر جواد علمی لدنّی ، نفسی عیسوی درکی قوی ، منطق و برهان قوی سنّت طاهادن ائدن پیروی فاسق بد خواهی ائدن منزوی دشمنی اَینَ المَفَر ایلر جواد کان شرف ، سینه سی سینای عشق لبلری گول ، منطقی مینای عشق گوزلرینین صحنه سی دریای عشق فخر ائلیر حسنونه طاهای عشق همنفسی مفتخر ایلر جواد بال و پر عشقیله پرواز ائدن حکمتی گهواره ده آغاز ائدن حکمتیله علمیله اعجاز ائدن اهل ادب مشکولونی باز ائدن جود و کرم مستمر ایلر جواد ✍محمد_هدایت #ولادت_حضرت_امام_جواد_علیه_السلام