در جلالت و شهادت حضرت زهرا سلام الله علیها .. .. .. .. فصیحی تضمین از مرحوم حسینی سعدی زمان .. .. .. .. کتاب حقّه باخان وقته آیه به آیه ایکی جهاندا تاپولماز بتوله هم پایه اطاعت ایلیوب هر امر حىّ یکتایه «کیمون جهاندا یتر شأنى شأن زهرایه اونون تفوّقی وار هاجریله سارایه » .. .. .. .. چوخ افتخار ائدردی پیمبر اکرم ائدوب عطا منه زهرانی خالق عالم غم ائتمرم اولاجاق دردمنده باب کرم «غلامیدور بونا عیسی، کنیزیدور مریم حبیبه دور بو خانیم ذات حىّ یکتایه » .. .. .. .. واریدی فاطمه نون بسکه فهم و ادراکی نقدر گوردی بلا حقدن اولمادی شاکی بو آب و آتش و بادی و بیرده بو خاکی «او دم که خالق عالم یاراتدی افلاکی چکیلدی پرده ی ظلمت سپهر مینایه » .. .. .. .. جهانون اهلی اولوبلار ملاله آلوده قرانقولوقدا قالوبلار هامی غم افزوده دوتوبلا دامن حقدن چاتوبلا مقصوده «ملکلر ایلدیلر استغاثه معبوده یتوبله نور بتولیله فیض عظمایه » .. .. .. .. خدادی سینۀ سیناده خلق ائدن طوری خدادی خلق ائلین جنّتینده چوخ حوری او جنّتی بَزَمَکدن واریدی منظوری «منوّر ایلدی افلاکی فاطمه نوری دیولّه اسمینه زهرا همین بو معنایه » .. .. .. .. دریغ اهل قبیله بو سرّی بیلمدیلر غبار جهل قویوب چهره لرده سیلمدیلر غروره مایل اولوب بیر اوتانوب ئولمدیلر «تولّدونده زنان قریش گلمدیلر خدیجه نون اوجالوب آهی عرش اعلایه » .. .. .. .. اونون گوزل آدینا هر زمان فدادی جانیم او گیزلنن او مزارون باشینا من دولانیم اونون آدیلا گزر دائماً رگیمده قانیم «بشر غلطدی دئسم نور محضدور بو خانیم گلوب بشر کیمی ظاهرده دار دنیایه » .. .. .. .. اگر بو عرضیمه حضّار ائتسه لر دقّت آنادان اولمامیش الله وئروب بونا زینت دقیق فکر ائله گور نیلیوب بو مه طلعت «آناسینا آنا بطنینده اولدی هم صحبت اودور محدّثه صدق اولدی بو دل آرایه » .. .. .. .. پیمبرون اؤزی تک چوخدى عزّ و جاه بتول اطاعت ایلینون طاعتی اولور مقبول اگر چه قیمتی دنیاده اولدی چوخ مجهول یر اوسته ائتدی خواتین دار خُلد نزول اولوبلا قابله نور بتول عذرایه .. .. .. .. قویوب جهانه قدم بلبل جنان دیده وئروب صفا چمنه اول گل پسندیده هیچ ایستمزدیله اولسون بتول رنجیده «بهشت حلّه سینه ایلیوبله پیچیده دوشه مباد او مباد او جسمِ لطیف ایذایه » .. .. .. .. بو گل آپارمادی بهره بو دار فانیدن دوشوبدی محنته ال چکدی زندگانیدن قاپوسی یاندی گوروب صدمه مرد جانیدن «ایا امام زمان داد ظلم ثانیدن شهیده یولّادی زهرانی دار عقبایه » .. .. .. .. چکنده ثانی اوتا کبریا نظرگاهین بورودی توستوسی روح الامین گذرگاهین نشان وئروب اونا دشمن ئولوم سفرگاهین «قاپی دالیندا قویوب یاندیراندا درگاهین اوجاتدی ناله آنون فاطمه ثریّایه » .. .. .. .. آتاسی عالم معناده دادینه گلدی بلا چکن قزینون هر بلالرین بیلدی آتاسینا نقدر گور بو حالی نسگلدی «بویوردی فضّیه گل ظلمیله بالام ئولدی دایانما تئز خبر ایله علیّ اعلایه » .. .. .. .. قاچوبدی فضّه دئدی گل هرایه یا مولا قاپی یانور یخلوبدور یارالی خیر نسا باتوبدی سینه سینه ظلم الیله خار جفا «چخوب على یخلوب گوردی حضرت زهرا گئدوب تحمل و صبر و قراری یغمایه » .. .. .. .. بیر آه چکدی اورکدن او دمده آهسته تفکر ائتدی گوروب ایش یتوبدی بن بسته نه حالدا همسرینی گوردی شاه دل خسته «عباسینی چیخادوب سالدی فاطمه اوسته گوگل بو یرده دوشر بیر ملال عظمایه » .. .. .. .. دولاندی گون گیچوب ایللر اولوبدی عاشورا حسینه مسکن اولوبدی دیار کرب و بلا یتوبدی قتله شهیدلر اسیر اولوب اسرا «دوریدی قبریدن ایکاش على الینده عبا گلیدی کرب و بلا دشتینه تماشایه » .. .. .. .. باخیدی غملی چولون دردناک داغ داشینا یانیدی عترتینون گوزلرینده گوزیاشینا دیینده باجی سویولدوم یارالی قارداشینا «سالیدی اوردا قزی زینبون عبا باشینا جمالی عصمتی مستور اولدی اعدایه » .. .. .. .. گول اوسته خوش گورونور ریزه ریزه رشته گُهر اودور «فصیحی» توکر دفتر اوسته اشگ بصر عیان بو سرّی دیوب «سعدی زمانه» سحر «آنوندی چونکه «حسینی» شفیعۀ محشر غم ائتمه گئتسون اگر دست خالی عقبایه » #فاطمیه_۱۴۰۳ #حضرت_زهرا_سلام_الله_علیها #کانال_باب_الحوائج http://eitaa.com/torkiy