زبانحال حضرت زینب سلام الله علیها در فراق مادر 🎼به سبک:گیجه لر سنسیز یاتابلمورم... 🎼سبک :منیم وقاریم آی ننه 🎼سبک: الهی یانمیوم نئجه شرار محنت وغمه... بهار عمرومین گولی صولوبدی سنسیز آی ننه بهاردا ابر تک اورک دولوبدی سنسیز آی ننه غم غصه دن اورکیم یانار آنا فرقتی نه چتین اولار یادیما دوشر او یاتان یئرون منی یاندیرار غم بی شمار چتیندی فرقتین منه فدا اولا جانیم سنه دالینجا قالدی گوزلریم هارا گیدوبسن آی ننه سنی من سراقلیوب آغلارام دیزیمی قوجاقلیوب آغلارام سنی غصه مرگ ائدوب اهل کین باشا قاره باغلیوب آغلارام گورنده بوش یئرون سنین اورک دونر قانا یقین سسین ندندی گلموری چتین اولوب. آنا غمین اورگیم اسر گیجه لر ننه چتین اولدی درد و غمین منه یادیما دوشر قاپی یانماسی نجه یانمیوم ننه جان سنه سنین غمینده آغلارام باشیما قاره باغلارام نقدری عمروم اولسا بو جهاندا سینه داغلارام سنه تنگ اولوب بو جهان ننه ائدرم من آه و فغان. ننه اورگیم یانار غم و غصه دن اودور آ غلارام اوجادان ننه عیان اولوبدی کینه لر گلوبدی باشیوه نلر قاپی یانا ندا قورخموشام قالوبدی زینبین ملر دشمنین جفاسینا آغلارام سینه وین یاراسینا آغلارام گیجه دفن ائدوبدی بابام سنی بابامین نواسینا. آغلارام جوان ننم جوان ننم درد و غمی نهان ننم مدینه ده غریب اولوب گول تک یانوب صولان ننم جوان ئولماقین منی یاندیرار غصه دن بابام سینه داغلیا ر هر گیجه گلوب قبرین اوستونه قبرین اوسته گیزلینجه آغلیار زمانه دن دویان ننه منی ملر قویان ننه سسیمه یوخدی سس ویرن سس ویر منه اویان ننه آغلارام سنین محنتینده من سینه داغلارام فرقتینده من کوچه ماجراسین حسن دیوب قاره باغلارام حسرتینده من گوزدن منی آتان ننه ستاره تک اخان ننه زمانه دن چوخ اینجیوب درد و غمی نهان ننه هله غصه یاندیراجاق منی غم هجرون آغلاداجاق منی نقدر من عمر ائلسم غمین بو جهاندا داقلیاجاق منی قوجالدی باغبان ندن گول آیریلوبدی غنچه دن یانوبدی بلبل آغلادی گلیلیم زمانه دن نجه تئز چمنده صولوب گولوم قورویوبدی خوشه ده سنبولوم نجه یانمیوم بو مصیبته هارا گیتدی یاره لی سویگولوم ملتمس دعا 🙏🏼مهدی ملکی زنجانی #فاطمیه_۱۴۰۳ #شهادت_حضرت_زهرا_سلام_الله_علیها #کانال_باب_الحوائج http://eitaa.com/torkiy