🏴زبانحال حضرت زینب کبری(س)در فراق مادر🏴 🎶سبک =گول تک نه تئز اولدون خزان آی ننه... --------------------------------------------------- گئدین منی ملرقویدون آی ننه نه تئز بئله مندن دویدون آی ننه هر بیر قیزین ئولسه اگر آناسی عرشه چیخار همان قیزین نواسی قانا دونر آناسیزلار حناسی غم اولدی ایندی همدمیم آی ننه قانا دوندی حنام منیم آی ننه بو دنیادا خوش گونی سن گورمه دین عمر بویی بیر شاد اولوب گولمه دین ئولدوردولر ،سن کی ئوزون ئولمه دین چوخلی بلا چکدی باشین آی ننه نه باجین وار،نه قارداشین آی ننه اولدوم یتیم باشه قرا باغلارام یاده سالام غملریوی آغلارام عزا سنه من ئولنجه ساخلارام بو دنیادا نه گون گوردون آی ننه حیف اولسون چوخ جوان ئولدون آی ننه تاپیلمادی درد دلین دواسی ساغالمادی اورگیوین یاراسی یالقوز قویدون وار زینبین هاراسی کیمه دئیوم سوزلریمی آی ننه آغلار قویدون گوزلریمی آی ننه تک قویدولار ائوده غریب آتامی ظلم ائلیوب ئولدوردولر آنامی کیمه دئیوم کیم باغلاسین یارامی بئش سنیمده منی آتدین آی ننه سن قبریده من سیز یاتدین آی ننه چوخ ایستیر آنانی قیز اوشاقی ئولسه آنا سینار قولی بوداغی طوی گونونده غملی اولار اطاقی آغلار دئیر سن قالمادین آی ننه قول بوینوما بیر سالمادین آی ننه ئولدی آتان باشی قارالی گئتدین قولون سیندی قبره یارالی گئتدین بیزی ائتدین دائم عزالی گئتدین یتیم اولدوق چیچک وقتی آی ننه زینبیوین یاتدی بختی آی ننه سندن صورا آرتار منیم محنتیم اولماز داخی بوندان صورا حرمتیم سنلن گئدر جلالتیم ،عزتیم یتیم قیزی کیم سایاجاق آی ننه گوگلون اونون کیم آلاجاق آی ننه یامان گونه سالدی سنی روزگار گوز آچاندان ائتدین آنا آه و زار ائتدی سنی چرخ زمان دلفکار اولدی گونون آه وفغان آی ننه سیخدی سنی چرخ زمان آی ننه التماس دعا #فاطمیه_۱۴۰۳ #شهادت_حضرت_زهرا_سلام_الله_علیها #کانال_باب_الحوائج http://eitaa.com/torkiy ✨اَللّهُمَّ عَجِّل لِوَلیِّکَ الفَرَج✨