احوالات حضرت زهرا(س) روضه یا زهرا 😭 😭 😭 😭 😭 😭 توکوردی عارضه گوز یاشی دیلده آه و فغان باخوردی مغسلین اوستونده جسم زهرایه کچن او گونلری یاده سالوب دیوردی اویان دور ایندی ایله نظر من غریب و تنهایه فراق اودوندا یانوردی اورک اولوردی کباب دیوردی اُفّ اولا بو عالم غم افزایه گهی نظاره ایدوردی خزان ویران گولونه باخوردی گه بالالاردا اولان تمنایه غریبه منظره اولموشدی باغبان غمه نظر سالوردی گه اولدوزلارا گهی آیه گوروردی زینب حسینیله ال اله دایانیب توکور گوزون یاشینی حسرتیله سیمایه باخوردی گه نگران مجتبیِ دلخونه دیوردی زینبه دیندیر حسینه اول دایه ویروردی زینبه هردم تسلی صبریله اوزون ایتیرمه قیزیم گلمه شور وغوغایه حسینی دوت دیله قویما چوخ ایتسون آه و نوا وار احتیاجی بو گون قارداشون تسلّایه گلوب او حینیده بیر سس سروش رحمتدن اوشاقلارون ائله حاضر وداع اُخرایه آلوبدی دورد بالا دیدارینین اجازه‌سینی آنا جنازه‌سی اوسته گلوبله آوایه سیزیلدری بالالار نعشی اوسته زهرانین حسینون آهی ولی اوج ایدور ثریایه منی قوجاقیوه آل ساقلقین کیمی آناجان گر آلماسان ایدرم شکوه ربّ یکتایه نجه دیوم بالالاری نه نوعیله آیرور حسینی ساکت ایدنده حسن گلور وایه ایدوردی بیر سوزی هی دیلده زمزمه گتمه دوزنمرم بولوسن بو ملال عظمایه دیوردی اوز اوزونه ای علینین همرازی نجه باخوم بو گویرمیش وجود و اعضایه عم‌اوغلووی گجه یاری هارا قویوب گیدوسن سالوبدی ظلمت شب باشیم اوستونه سایه نجه باخوم گویرن قول قابیرقاوا زهرا منیم یولومدا دوشوبدی وجودون ایذایه حلال ائله منه حقون خجالتم سندن اولانمادیم سنه بو زندگیده همپایه یارلی جسمیوه آیا نه نوعی غسل ویروم نجه کفن ائلیوم قالمشام بو معنایه گجه یاری ویروری یار یارینون غسلون نه بیر کمک ائلین وار نه خویش و همسایه غریب شهر مدینه ایدور حنوط و کفن سکوت محضیده جسم بتول عذرایه آقا عنایتیوی کسمه خسته(راشدن) مریض عشقیوین وار حاجتی مداوایه به قلم افتخار کانالمون شاعر اهلبیت (ع) استاد بزرگوار کربلایی قربان بایرامی(شبستر) #فاطمیه_۱۴۰۳ #کانال_باب_الحوائج http://eitaa.com/torkiy