احوالات ام البنین س اثرطبع:محمدی(ناعم) 🏴🏴🏴🏴🏴🏴🏴🏴🏴 غمدن نوایه گلمیشم یثربده بی یارم دورداوغلومون هجرینده من محزون وبیمارم دورت قبری ترسیم ائتمیشم خاک بقیعده من من بیراوغولسوز مادرم زارم عزادارم دردیله سرشارم زارم عزادارم ▪️▪️▪️▪️▪️ گتدی جلال وعزتیم غملرمنه قالدی اوغلانلاریمون فرقتی آرامیمی آلدی عباس نام آورغمی دام غمه سالدی بوزندگیدن دویمیشام مدتدی بیزارم دردیله سرشارم زارم عزادارم ▪️▪️▪️▪️▪️▪️ غملی اوغولسوزمادره زندان اولاردنیا ذکری اولارشام وسحر افغان وواویلا منده اوغولسوزمادرم آزرده وتنها قان آغلورام هجرانیدن پیچیده افکارم دردیله سرشارم زارم عزادارم ▪️▪️▪️▪️▪️ زینب دیوب عباسیمون اوج وفاسیندن تپراقه دوشموش پیکر سرو رساسیندن اولموش خجالت گوییا اولادیاسیندن عباسیمه الاندامن غمگین وغمخوارم دردیله سرشارم زارو عزادارم 🏴🏴🏴🏴🏴🏴🏴🏴🏴 ✒مطالب ناب ترکی وفارسی✒(نوحه 'روضه 'مولودیه...) 🏴@torkiy🏴