🥀زبانحال ام البنین در مدینه🥀 🍂@torkiy🍂 صولدی چمنیم سینه سی سوزانم الهی دورت اوغلوم ئولوب حالی پریشانم الهی دنیا گوزی گورمز او جوانلاری دوباره دویمازدی باخان هر قَدَر ایتسیدی نظاره عاشق دویا بیلمز نقدر باخسا نگاره اولسون اورگیم جعفریمه فضلیمه قربان یوخ یوخ هامیمیز قولسوز ابوالفضلمه قربان هر بیر آنا فکر ایلیورم ایستر ئولنده اوغلانلاری گوزیاشی توکه قبره گیدنده تشیع اولا خوار اولمیا تابوتی وطنده من هیچ دیمورم کرب و بلادن گلن اولسون ایکاش منه عباس علمیندن کفن اولسون اوغلانلاریم اللرده ئولوب عرصه ده سوز یوخ عباسیمه اما یانورام من هامیدان چوخ گویا توخانوب ساق گوزینه زهریلی بیر اوخ بیر گون خبر آللام یوخودا گورسم ئوزیندن قولسوز نجه پیکانی چکوب قانلی گوزیندن زینب منه تعریف ایلیوبدی جریانین حق اوسته نیستاندا توکوبلر یره قانین فخریم بودی قربان ایلیوب دینینه جانین دوزدی منی عباسیمون هجرانی قوجالتدی اما باشیمی فاطمه یانینده اوجالتدی واردور یری قلبیم آلیشا نارِ غمیندن عباسیمی آگاه ایلین یوخ حرمیندن اوغلی هی ئوپور قانه بویانمش عَلَمیندن سسلور بابا ، جانیم اولا ایثاریوه قربان گَل آل منی آغوشیوه قوللاریوه قربان گاهی ئورگین بنده سالار دردو غم آغلار پرچم گوتورر سینه ویرار دمبدم آغلار هر دنده دیَر قوللاری اولدی قلم آغلار مشکین کی سالور چیگنینه دنیالری داغلور بیر معجری سالم گوزینون اوستونه باغلور صغرانی قویا بیلمدی تنها و پریشان امر ایلدی یثربده قالام شاه شهیدان تمکین ایلدیم امرینه اجرا اولا فرمان ایکاش ولی زلفِ غمی شانه داریدی اوغلوم منیده زینبه کلفَت آپاریدی دنیا منه زندان کیمی اولدی بو وطنده اولسیدیم اگر منده همان دشت و دمنده زینب بالامون قوللارینه قمچی دگنده ایلردیم او ناکسلره ئوز عشقیمی ابراز عباس بجردن آنانون قورخوسی اولماز گیتسیدیم اگر منده او گون کرب و بلایه شاید بیله دوشمیدی باشیم درد و بلایه زینب چاغیراندا هامونی بزمِ عزایه از بس منه قائلدی فضیلت او هم افضل قارداشینی اوّل اوخور آخرده ابوالفضل ( حسین غفاری اردبیلی ) کانال مداحی ترکی فارسی باسبک 🍂@torkiy🍂