🥀روضـــه_حضــرت_قاسم_(علیه السلام)🥀 ✍از_روضه_های_حاج_بهزاد_جاوید 🏴http://eitaa.com/torkiy🏴 بسم الله الرحمن الرحیم یا رحمان یا رحیم السلام علیک یا ابا عبدالله السلام علیک یا قاسم بن الحسن سوگند به نامِ جاودانهٔ قاسم سوگند به فرق خون چکان قاسم هرگز نکند حسین نومید مرا چون می دهمش سوگند به جان قاسم 😭 اورک لری روانه ائلیاخ کربلایه ، متوسل اولاخ یتیم آقا امام حسن مجتبی علیه السلام حضرت قاسم علیه السلامه کی کربلاده گوزل رشادت ، شجاعت نشان ویردی و عاقبت شربت شهادتی نوش ائلیوب و گوزل آدین ردیف شهدای گلگون کفن واقعه کربلاده ثبت ائلیوب گلون بو گجه یتیم نوازی ائلیاخ ، بو گجه جوانلار گرک بو جوانی اوخشیوب آغلیا ، آخی جوان داغی چتین و جوانلاردا چوخ متأثر اولار 😭 معطل ائیلمیوم روضه دیوم چون دوشوبدور یادیما حضرت قاسم محنی چاغیـــرام داده گرک روح امــــام حسنی ،،،،،، بیر یتیمی که اونون نسگیلی گلــــمزدی سانا شمع عمری اون اوچ ایل ایسته دی دنیـاده یانا کلک غـــــم یـــازدی اونون اللرینه قانلی حنا آخرالامــــر همــــــان پارهٔ اکباد حسن اگنینه گیدی او گون کرب و معلاده کفن ،،،،،،،، سانما بو جـــــاذبهٔ فانــــــیه آواره قالوب انتخاب ایتدی فنا فی الّهی ئوز درسین آلوب یولون آخرده اجل قورخولی صحرایه سالوب عاریه بیلدی جهانی اودی که یومدی گوزون ایستیوبدور شهدا جرگه سینه قوشسون ئوزون ،،،،،،،، درک ایدوب محضر دلبند بتولی او زمان ساحت اقدسووه وار دیدی عرضیم عمو جان اکبرین داغی ایدوبدور بیلورم باغرووی قان گلمیشم اذن جهاده یولا سالما الی بوش سال کفن بوینوما ای شه منیده اکبره قوش 😭 بیله ادبلن بیوردی عموجان بستری اکبروون اولدی بو گون قانلی عبا قلبیمون باشینه بو منظره آرتوبدی یارا نیلووم قالماقی دنیاده عمو اکبر آرا عشقیمون پیریسن ای عشقیده فرخنده خصال کوی جانانه بو ساعت منیده تز یولا سال 😭 عمون جان ئوزون بیلورسن من عم اوغلوم علی اکبرسیز بو دنیاده قالا بیلمـم ، اجازه ویر منده میدانه گیدوم ، اجازه ویر منده جانیمی سنه فدا ائلیوم 😭 😭 عاشقان ، اهل مجلس قاسمون سوزلری چون تاپدی او اثناده ختام قولّارین آچدی حسین بن علی میر انام چکدی آغوشینه قارداش بالاسین اوندا امام آیریلیق نسگیلینه سینه لری داغلادیلار قول بویون اولدولا باهم ایکسی آغلادیلار 😭اوجا دی یا حسین نجه میدانه او زهرا بالاسی عازم اولوب نه گیوب رزم لباسی نه زره لازم اولوب نو جوانیدی ولی شیر بنی هاشم اولوب 😭 ائوین آباد حاجی نادر آقا بو گوزل شعرله چوخ رشادتله صف فرقهٔ دونانی بولوب ارزق شامیله دورد اوغلی او دعواده ئولوب 😭 ولی نیسگیل بودی بیلدی دشمن عطش آخر ، بو جوانی سیخاجاق ایستیسی کرب و بلانون بله شیری یخاجاق بو شجاعت عوضین شامیلر اوندا چیخاجاق داد او ساعت که یره جاهد وارسته دوشوب تشنه دور یاره لیدور معرکه دن خسته دوشوب 😭نیلدیلر گنه صفلر دوزولوب ظلمه شقاوت ایله دی بیلمورم آتلار ایاقی نه جسارت ایله دی داغیلان پیکری زهراده ملاقات ایله دی نه فقط فاطمه معناده اولوب غرق محن گوردی پرپر گلونی آتلار ایاقینده حسن 😭یارالی آی ای یوز دوتوب خیمه لره ساری او نورسته جوان دیلی گلموردی سوزه زحمتیلن ایتدی بیان داغیلان پیکــریمی تز گل عمو چک آرادان توش اولوب شیشهٔ عمریم اجلون گر داشینا هوسیم وار چکه سن ال بو یتیمون باشینا 😭ئولورم آی آتلارون درناقی بو معرکه ده ازدی منی گنه ایتمزدبم عمو من بله دردی علنی ایتمیشم دردی بهانه چاغیرام داده سنی وار گمانیم دیورم ایندی طبیبیم گله جک سابه سین اوستومه سالسا یارالار دینجله جک 😭 یا حسین "نادرا" یاد ایله سون قاسم گل پیرهنی شاد ایدرسن اونی بیل صاحب بیت الحزنی هم خانم فاطمه ، هم اوغلی امام حسنی دعوت ایله اوخی تا شعرووه ویریونله سله صله عقبایه اگر قالسادا ، سن ایتمه گله #منبع : کتاب بهانهٔ بکا ، حاج نادر بابائی ج ۴ نوای نینوا کانال باب الحوائج اشعار ناب ( مداحی و مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy