زبانحال امام حسن المجتبی
سبک تبریز ( اوغول علی آغلاما یات )
سبک اردبیل ( خداحافظ ای آنام باجی )
____
اویان باجی خواب نازیدن _حالتیم پریشاندی
ویروبله زهر جفا منه_ یاندی لبلریم یاندی
باشیوه قرا باغلا
وای حسن دیوب آغلا
🏴🏴🏴🏴🏴
خبر آپار آل هاشمه _دلده آه و وا گلسین
غریب شهر مدینیه_ دوتماقا عزا گلسین
خبر ویرون مجتبی ئولور_ شاه کربلا گلسین
حسینی چوخ گویلوم ایستوری _باجی وقت هجراندی
آلوبدی الدن قراریمی_ غصه بی شکیبم من
جهاندا خوش روزگاریدن_ باجی بی نصیبم من
آتام آنام تک بو ئولکه ده _گوئیا غریبم من
بیر آشنا یوخدی منه_ بو مدینه زنداندی
باجی گل اگلش دیوم سنه_ باشیمون بلاسیندن
ساغالمیاندی یارام منیم _جعده نین خطاسیندن
قوتاردی عمروم بو عورتین_ ایتدیگی جفاسیندن
گنه خیالیمده بو زمان _کوچه دردی باشلاندی
فغان و فریاد او وقتیدن _صرصر جفا اسدی
اولونجا محشر بو محنته _آغلاسان اگر بسدی
آناما ثانی او کوچه ده _ظلمیله یولی کسدی
دیسم روادی بو غصه دن _قلب زاریم اودلاندی
او بی حیا بولمورم ندن_ معرفت یولون چیخدی
فشاره گویا سالوب منیم_ قلبیمی باجی سیخدی
الین آچوب ووردی آنامی _کوچه ده یره ییخدی
یوزونه قویدی الین دیدی_ ای خدا یوزوم یاندی
او کوچه ده باجی باغلانان _راه چاره سین گوردوم
آلیشدی یاندی جفا اوتی _من شراره سین گوردوم
دگنده سیلی یره دوشن_ گوشواره سین گوردوم
بو دردی سینمده ساخلادیم_ قلب مضطریم یاندی
#شهادت_امام_حسن_علیه_السلام