زبانحال حضرت علی (ع) با حضرت زهرا(س) .. .. مرحومه ام لیلی ( کنیز فاطمه ) .. .. ای چکن دنیاده ذلت خانه ویران فاطمه اولمیان راحت، همیشه آغلیان قان فاطمه .. .. نه سبب دن سن محبت جامینی نوش ائتمیسن مجتبا ایله حسینی زین آغوش ائتمیسن تربت پیغمبری ایندی فراموش ائتمیسن باشینا دوشموش یقین کی شوق رضوان فاطمه .. .. گئتمه بین رعشه سالیبدور جانه ای کان ادب واضحین سویله منه ای بانوی ملک عرب روضۀ پیغمبری ترک ائتمه گینده وار سبب منتظر چشمین باخیر هریانه حیران فاطمه .. .. زینبون زولفون یویویسان ائیلیوبسن شانه سن مجتبی ایله حسینی هم آلوبسان یا نه سن اوخشیورسان بئیله بیلّم تئز گیده ن مهمائه سن ای اولان اؤز خانه سینده مثل مهمان فاطمه .. .. بیرطرفده آغلیور خسته امام مجتبا بیر طرفده اگلشیب آغلار حسین کربلا بوینی چیگنینده باخار زینب ائدر آه و نوا گور نئجه کلثوم ائدر فریاد و افغان فاطمه .. .. /// افراد /// .. نئجه تسلّی وئریم زینبه ائدنده فغان دیینده سوزیله ای غصه دن ئولن آناجان .. حسین ایله حسن آغلار سولوندا ساقینده صغیره کلثوم ائدر ناله لر فراقینده .. بو مطلبین چکرم ایندی چوخ خجالتینی سلامت ایستیه مندن بابان امانتینی .. نئجه دیوم که قولی هم قابیرقاسی سیندی عدو جفا ایله اود ووردی قاپوسی یاندی .. تمام غصب اولوندی نه منبر و محراب علاوه باغ فدک، خانمانیم اولدی خراب .. .. ///ادامۀ نوحه /// .. .. سنی وئرمیشدی منه چونکه امانت مصطفی نیلیوم قیلدی خجالت حیدری قوم دغا سیندی پهلوی شریفین هم قولون، چکدین جفا ظلم عدوان ائیلدی بو باغریوی قان فاطمه .. .. اللرین قوینوندا قویدی بو مصیبت حیدرین باغرینی دوندردی قانه هم زیاده غملرین هجرینه تاب ائتمه دین سن حضرت پیغمبرین ائیله دین گوزیاشیوی دریای عمان فاطمه .. .. چون آتان رحلت ائدیب، یوخدور باجون نه قارداشین گور نئجه زینب تو کر رخساره قانلی گوز یاشین چشمیوین قربانی یم قوی بیر دیزیم اوسته باشین سن دئینده یاعلی، منده دیوم جان فاطمه .. .. /// افراد /// .. شکایت ائیلمه مندن رسول خدمتینه بابان رسول خدانون کلامی حرمتینه .. نه چونکه یوخدی علاجیم جفا ائدنده جهول سکوته امر ائله میشدی منی بو گونده رسول .. چکنده مسجده گوردون قولومی باغلادیلار بو ظلمه کون و مکان اهلی جمله آغلادیلار .. پیمبرین سوزینه باخماییب وصیتینه ائدیبله ظلم و خیانت اونون امانتینه .. .. /// ادامه نوحه /// .. .. سن یقین بیل کی عم اوغلین چوخدا اولماز بی وفا گئت ، دالینجا منده گلم تئز ایا کان حیا بو جهاندا قالماقیم سندن سورا اولماز روا جسم و جانیم ، همزبانیم، زار و نالان فاطمه .. .. هجرونی چکمک لیگه یا فاطمه یوخ منده تاب ایندی باباوه یترسن ائیلمه خیلی شتاب گر خبر آلسا سنی مندن یتور عرض صواب سویله بو دوران اولوب بیر اوزگه دوران فاطمه .. .. باش و جانیله قبول، هر ظلمی قیلّام جانیمه انس و جان قان آغلاشور جمله منیم احوالیمه آق محاسن صبح محرابدا باتاندا قانیمه محشره گللم گوررسن قانه غلطان فاطمه .. .. دئمه چوخ ذلت علینون خانه سینده چکمیشم یاندیریب درگاهیمی بغضیله بو قوم ظَلم غم یمه منده «کنیزینه» شفاعت ائیلرم قویمارام محشر گونونده دیده گریان فاطمه ✨اَللّهُمَّ عَجِّل لِوَلیِّکَ الفَرَج✨