کانال اشعار ترکی مجمع الذاکرین
﷽ 🌹 🌹 ✍شاعر:علیرضا بیگدلی (شرمسار زنجانی) 🌙🌙🌙🌙🌙🌙🌙🌙🌙🌙🌙 گَلدی چلّه گِجَسی گَل بیزه مهمان گوزلیم گَل قوزو اِیلِیَرَم من سنه قربان گوزلیم • قاپینی چال منی سسلن سَسیوَه من قربان سن منی سسلِیَرَن من دیرم جان گوزلیم • قوی قووم قونشودا بیلسین کی منیم یاریم وار قوی دیسینلَر کی گلیب قونشیا مهمان گوزلیم • آجیل و پسته فراهم دی یِمیش آماده گَل گینن میل اِلییاخ با لب خندان گوزلیم • یاندیراخ تندیری بیز،کورسونو باهم بَزییَک قیزیشا محفلیمیز تندیر اوتوندان گوزلیم • کورسونون اوستونه بیر ترمه سالاخ بیر سفره سفره نین ایچره قویاخ حافظ و قرآن گوزلیم • اوخو‌ خوش‌لَحنیلَه‌ قرآن ئورگیم تاپسی صفا ئورگیم دردینه اول بو گجه درمان گوزلیم • فال آچاخ حافظینَن بلکه گَنه خوش گلسین فالیمیز اولسو گنه وصلت جانان گوزلیم • شاهنامه اوخیاخ رستم و سهراب اِشیداخ تا گجه یاریَ چاتسین مه تابان گوزلیم • قوی نماز شبی باهم قیلاق اوندا شاید من دَ بیر ذره تاپام حالت عرفان گوزلیم • بو اوزونلوخ گجنی صبحه چه باهم یاشیاخ گلشنیم دَه اولاسان بلبل مستان گوزلیم • قیشین اوّل گونی صحرانی گدیب بیر دولاناخ چول اولار گورسه سنی قیشدا گلستان گوزلیم • سورا فامیل لَرَه بیر باش ویراخ حالین سوروشاخ گورسو باهم بیزی تا مریم و مرجان گوزلیم • بیلسیلر دهریده سن دن سورا دای یاریم یوخ اولموشان عشقده سن قلبیمه سلطان گوزلیم • ای خدا سن بو گجه عاشقی معشوقه یتیر اولماسین صبح ، گِجَه تاپپاسی پایان گوزلیم خیلی مخلصیم 🌹 🌙🌙🌙🌙🌙🌙🌙🌙🌙🌙🌙 ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma
1.2هزار مشاهده