شهادت حضرت امام صادق علیه السلام ✍ حاج اصغر فرشچی (عدلی تبریزی) باغلادی ظلميله صادق اورگی قان بوگجه اولدی مسموم جفا ناطق قرآن بو گجه شيعه آغلار بوگجه سينه داغلار بوگجه آل پيغمبره منصور دَغا زهر ويروب نُه فلك انس و مَلك قالديلار حيران بو گجه ميل ايدوب جبريله بير زهرلی انگوری امام زهر كين ايتدی اثر اولدی پريشان بو گجه پاره لندی جگری ياندی اورك گلدی ديله عرض ايدوب خاليقينه حالتی سوزان بوگجه خاليقيم سن بولوسن كيمسه يوخوم ياور اولا چكورم بی گنهم درد فراوان بو گجه خالقا حافظی اول قالدی يتيم بو بالالار دولدوروب منزليمی نالۀ طفلان بو گجه مثل پروانه آلون دوره می شمع تك يانورام وارنفس اُلمه موشم تامن نالان بو گجه بير دويونجا يوزومه آخر عمرومدی باخون منِ مظلومِ جفا سيز لره مهمان بو گجه اي اولان باب الحوائج بالا آز آغلا اوغول يغوشوب دوره مه گور جمله عزيزان بو گجه سیزلری ترک ایدورم یوخدی امید زنده قالام گوز لريم گر یومولا ايتمیون افغان بو گجه صبح وقتی منی سيز دفن ايليون يرده قالا قويميون جديم حسين تك تنی عريان بوگجه گون باتوب آخشام اولاندا يغوشون منزيليمه منه سيز ساخلاماقا شام غريبان بو گجه گر آنام فاطمه گلسه اونا چوخ حرمت ايدون اورگی داغليدی مظلومه دی گريان بو گجه صادق آل محمد يوخودا نوحه ویروب (عدلی)سنه دوت عزا نوحه اوخی با دل سوزان بو گجه ✨اَللّهُمَّ عَجِّل لِوَلیِّکَ الفَرَج✨