ولادت حضرت رقیه س
قلم ، احمد تقوی مهجور تبریزی
سبک ،،
گئت خبر ایله صبا اهل جهانی
گلدی دنیایه بوگون زهرا نشانی
عالمه ویردی صفا کوثرثانی
دوندروب جنته بو کون ومکانی
گوز آچدی عالمه نوه ی حیدر
اولوب سماده نغمه خوان ملکلر
رقیه جان مددی یا مولاتی
سنه قربان مددی یامولاتی
*
پای وئروب حق سنی شاه مشرقینه
دل و دلبر اولا سان آقام حسینه
سن صفیر مکتب کرب و بلا سن
عـلـی اکـبـره اولان سُــرورِ سـیـنـه
گورن دئیور جمالینه ماشالله
گوزونـه هـم کمالینه ماشالله
رقیه جان مددی یا مولاتی
سنه قربان مددی یا مولاتی
**
اشبه فاطمه گوز آچـیـب جهانه
عرض تبریک اولا صاحب زمانه
شاداولوب باشینه شاباش چخین سیز
گول سپون مقدمینه چوخ عاشقانه
عزیزه جان و دل مرتضادی
فـروغ چشم ختم الانبیادی
رقیه جان مددی یا مولاتی
سنه قربان مددی یامولاتی
*
عفتی و عصمتی زهرایه بنذر
صـورت و سیرتی زهرایه بنزر
عمه سی زینبه مظهردی رقیه
پَـرتـوِ طـلـعـتـی زهرایه بنزر
گورن دئیر جمالی دلربادی
بو قیز عجب شبیه زهرادی
رقیه جان مددی یا مولاتی
سنه قربان مددی یامولاتی
*
ای گوزل آدی هامی درده نتایج
وارکیمون دردی ائدرفوری معالج
دامنوندن یاپیشارصدیقیله هرکیم
سسلییر آدیوی یا باب الحوائج
ایله ئوزون بو(مهجوره)بیرکرم
ویرعیدیانه بیرده بین الحرم
رقیه جان مددی یامولاتی
سنه قربان مددی یامولاتی
**@yyahoosein