"شعر مولودی ترکی ولادت حضرت رسول اکرم (صلی الله) موج ایدوب دریای لطف خالق عالم بوگون قویدی دنیایه قدم پیغمبر خاتم بو گون هاتف غیبی اوجا صوتیله جاءَ الحق دیدی باطل اِضمحلانینون ختم اولماسین مطلق دیدی یعنی دین احمدی رمزاً تاپار رونق دیدی گلدی دنیایه ائدن دین پایه سین محکم بو گون گورسنوب اوضاع عالمده بیوک بیر انقلاب عالم حیرتده مات اولدی تماماً شیخ و شاب فکر ایدوبلر حشر اعظمدور اولور عالم خراب یا نه وار نظم و نظام دهر اولوب برهم بو گون تا تولّد تاپدی پیغمبر یتوردی پا یره گوستروب نچّه حوادث عالم بالا یره سلطنت تختی یخلدی واریدی هاردا یره بو عجیب امره تعجّب قالدی هر ذی دم بو گون یر یوزینده واریدی هر نه سلاطین اولدی لال نه جوابه اولدی قادر، نه ایده بولدی سوال کند مادرزاده مانند اولدولار بی قیل و قال تا ایشیق گوندوز اولونجا شامیله توام بو گون اولدی ایوان مداین گوئیا بی پای بست ایلدی لرزه به سانِ شاخِ بیدِ نو نشست طاق کسری که اولوب مشهور او گون اولدی شکست گوسترور آثارین ایمدی اهلینه عالم بو گون" 🦋🦋🦋🦋🦋🦋🦋🦋

🌹سرود ولادت حضرت محمد علیه السلام 🎼به سبک ای دل اگر عاشقی مژده ویرون ائللره حجت یکتا گلوب زینت عرش برین حضرت طاها گلوب           نور حق اولدی عیان           اولدی منور جهان   2بار بلبل اولوب نغمه خوان شاد اولوب اهل یقین ویردی صفا گلشنه اولدی منور زمین قویدی قدم عالمه زینت عرش برین شیعه لرین یاوری سرور والا گلوب              نور حق اولدی عیان             اولدی منور جهان 2بار آیدان ایشق نوری وار گون اونا حیران قالار ملک زمینه بوگون نورینی گویدن سالار مکه ده غوغا دوشوب نسبتی    اللهه  وار شافع روز جزا صاحب تقوا گلوب             نور حق اولدی عیان             اولدی منور جهان 2بار گور نه گوزل حسنی وار به نه گوزلدی گوزل فخر زمین و زمان نور ازلدی. ازل وار ایکی شهلا گوزی لبلر عسلدی. عسل تهنیت عرض ایلیون بو گل زیبا. گلوب              نور حق اولدی عیان             اولدی منور جهان 2بار هفده ماه ربیع قویدی قدم عالمه آدینی اهل سما یکسر ائدور زمزمه مکده غوغا دوشوب عالم ائدور همهمه گوهر نایابیدی عالمه مولا گلوب          نور حق اولدی عیان              اولدی منور جهان 2بار شهری چراغان ائدون بیر گل والا. گلوب گوللری افشان ائدون حجت یکتا گلوب عالمه اعلان ائدون سرور بطها گلوب ختم رسالتدی بو ماه دل آرا گلوب          نور حق اولدی عیان           اولدی منور جهان 2بار خلقته محوردی بو عالمه رهبردی بو بانی اولان عالمه ‌شیعه یه سروردی بو یوسفی حیران قویوب شآنیده برتردی بو نوری اولوبدی عیان فضلیده دریا گلوب          نور حق اولدی عیان           اولدی منور جهان 2بار ای گل باغ وفا معنی قل انما «مهدی»  درمانده ام دوت الیمی قیل عطا عبد ذلیلم. آقا دردیمه لطف ائت دوا اهل ولا شادیدی نور تجلا  گلوب         نور حق اولدی عیان            اولدی منور جهان 2بار 🙏🏼ملتمس دعا ✍بقلم حاج مهدی ملکی زنجانی _

ولادت امام جعفر صادق علیه السلام سبک:👇🙏 سو جامی اللرده خدای بی همتا/ایدوب گینه غوغا صفا ویروبدی عالمه/بو نوگُل زیبا      یا جعفر صادق عزیز پیغمبر/سلاله ی حیدر لقبده صادقدی امّا/گوزل آدی جعفر نور اوجالور یردن/جمال جعفردن آلین مدینه براتین/آتاسی باقردن بو سَرو آزاده/خصمیدی بیداده دینی ایدوبدی مستحکم/علمی بو دنیاده کَرم ده دریادی/عزیز زهرادی عِلم  عَلَمی وار چگنینده/عالمه مولادی مُحیی مکتبدی/زمزمه ی لب دی بودور جهاندا فخریمیز/رئیس مذهب دی نگار نورَسدی/(بیکَس) لره کَسدی شفاعتی روز محشر/هامّیمیزا بَسدی 🌹🌹🌹🌹

میلاد ختم پیامبران محمد مصطفی صلی الله علیه و آله گل آچوب شاخسار عشق تبرکاتین بهاریدی بو تازه مولود مه لقا تارینین ئوز نگاریدی گل سرخ گلشن سرمد جلوات پرتو ایزد گوز آچوب دنیایه محمد مرحبا ختم الانبیاء(۲) گتیروللر طبق طبق فرشته لر گل جنانیدن ستاره لر صف چکوب ئوپه ایاقین آسمانیدن یوزی گولدی گوز یاشی شبنم دوداقی سرچشمه زمزم لقبی پیغمبر خاتم مرحبا ختم الانبیاء(۲) آلوب آغوشه آمنه حزین حزین باشلیوب اوخور سوزین گوموش ساپلارین آچوب گلینه پیرهن توخور یاخاسی دنیای محبت اتگی دریای کرامت ئوزی نعمت گول یوزی رحمت مرحبا ختم الانبیاء(۲) عربستانه سس دوشوب صدای بانگ اذان گلور منادی عرشیان دیور گل باغ جنان گلور وار الینده حکم رهایی یری واردور حاتم طایی قاپیسیندا ائتسه گدایی مرحبا ختم الانبیاء(۲)