اسم القصيدة : خلصت ساعاتك اسم الشاعر : #وسام_الشويلي اسم الرادود : #محمد_الجنامي المناسبة مصاب عاشوراء 1442 المكان النجف الأشرف/موكب النجف الأشرف 🏴🏴🏴🏴🏴🏴🏴🏴🏴 خلصت ساعاتک لا یالیل اموادع خواني إيهدم الحیل بالوداع کلام بجروح بالوداع صبر مذبوح بالوداع تروح الروح @@ شعجب یالیل شو گصرانه ساعاتك و أگلك ارحم بحالي اوداع ویه الگمر عندي و ینجماتك غالي ايودع باغالي ساعاتك احسهن مثل لحظاتك مثل نبضات دلالي ها یالیل ارید اویاي وگفاتك ترى باچر بلا والي لیش اتعذبني و تمشي ابساع مو تدري بزینب عندها اوداع بالوداع ونین و نوح بالوداع صبر مذبوح بالوداع تروح الروح @@ ردت یالیل منك وكت تنطیني و إخذ من صبحك اشویه ولا لحظه اخلیها تغمض عیني جمر فرگه اشتعل بیه باچر وین مصباحك یودیني عسن مالي صبح جیه آنه ام الخدر یالیل تدریني اصیر شلون مسبیه اتروح وحسباتي بگلبي هواي وآنه اعرف باچر شنهو الجاي بالوداع المصاب ایلوح بالوداع صبر مذبوح بالوداع تروح الروح @@ اخویه الگمر ها یالیل وتعرفه النفس ینگطع من دونه ارید عیوني تشبع شوف من چفه وخلي عیوني بعیونه باچر یبقي یم یانهر یا ضفّه و اخوه ظهره یکسرونه وانا عیني مثل عینه بسهم تطفى وإیضیع الخدر و اظعونه خلیني اتباصر وي عباس شیظل لوصابوت منه الراس بالوداع الحمل مطروح بالوداع صبر مذبوح بالوداع تروح الروح @@ صحت یالیل ابقى الخاطر الزهره الگلب مجروح احساسه اخوي حسین ارد اتنشگ ابنحره گبل لا ینگطع راسه ابو صدر الرحب باچر تدگ صدره حوافر خیل دوّاسه مثل جسمه الیطشرونه ع الغبره یطشروله هله وناسه یالیل اشمالك ترکض حیل مو گتلك باچر رکضة خیل بالوداع جرح مفتوح بالوداع صبر مذبوح بالوداع تروح الروح @@ أنه یالیل کلش ایست منك وللله سلمت امري صحت عباس وینك خل اودعنك و أودع ویاك کل خدري یابو الیمه امانه راح اسلمنك اخذهه ابدمعتي التجري بنحرك امي وصتني اشمنك وقبّل صدرك بثغري باچر هالمنحر ع التربان وصدرك یتکسر بالمیدان بالوداع دلیلي اینوح بالوداع صبر مذبوح بالوداع تروح الروح @@ باچر اوگف إعله التل ونادیله وینك خویه یبن امي یگوم او وگع و رمحه یتچیله وإیزید لوعتي وهمي اصد للعلگمي و عباس اومیله ویجي ابسوطه الشمر یمي یگلي کافلچ ع االنهر روحیله ویسبني ویحرگ اخیمُي من ضرب اسیاطه دمي یسیل حرمه ابلا والي بس اعلیل بالوداع الحچي مبحوح بالوداع صبر مذبوح بالوداع تروح الروح 🏴🏴🏴🏴🏴🏴🏴🏴🏴

اسم القصيدة : خيرتك اسم الشاعر : #وسام_الشويلي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴 خيّرتك ابوحده من الاثنين ... بويه لو تبقى لو تاخذني يحسين ... بويه شتجاوب بنيتك ... ما انتظر جيتك هذا حالي ... هذا حالي ●□■●□■●□■●□■ يالنوي تمشي ونفترك ... معناها بعدك اختنك انته الهوه انته يا نبض كلبي المنحفظ ... منهو اليعيش بلا نبض سافر واظل ميته ما راح اكلك لورحت آنه اذبل بشوكي لا بويه دمي وداعتك ينكطع بعروكي يعني تكلي بفركتك مر الصبر ضوكي بهيجي وضع يا والدي الموت ... راحه و ابلا اهل ماكو بالبيوت ... راحه احجيلي سالفتك .... ماتنظر جيتك هذا حالي ... هذا حالي ●□■●□■●□■●□■ متعوده كل صبح ومسه ... بسوالفك مستانسه يا بو الحجي الدافي طير الكلب وانته الغصن ... والطير لمن يطمئن فوك الغصن غافي من هسه اكلك لو رحت ماكو بعد راحه والطير صعبه عيشته لو كسروا جناحه كلبي يبويه بفركتك ينكطع سباحه احسبني بويه لمن تروح ... ميته ابقى جسد بعدك بلا روح ... ميته بالحاله صارحتك ... ماانتظر جيتك هذا حالي ... هذا حالي ●□■●□■●□■●□■ بويه الحجي حجي الجرح ... انه اقتراحين اقترح واحجيلك الاول ترحمني وتعوف السفر .... يتااح كلبي من القهر لو كتلي ما ارحل حلفتك بكسر الضلع لاتكسر كليبي من تبتعد عني اختنك ياريح العذيبي بعدك كبالي وما رحت وآنه طلع شيبي من تظل يمي علتي تطيب ... ولله لو رحت عني حاجبي يشيب ... ولله من تمشي راحلتك ... ماانتظر جيتك هذا حالي ... هذا حالي ●□■●□■●□■●□■ نادره ابنيتك فاطمه ... اطعمالطير البالسمه لمن تظل يمي بيت الله اروحن له مشي ... رغم المرض بيك انتشي يا عافية جسمي شوفة خواتي و شوفتك و مسامر اخواني كل ذني منهن انحرم جا هيج تنساني تتركني وحدي ابعلتي كخطوفه الواني الدار الخليه تهدم الهيل ... وحشه مثل المكابر من يجي الليل ... وحشه وبروحي دافنتك ... ما انتظر جيتك هذا حالي ... هذا حالي ●□■●□■●□■●□■ اول خيار اتعذرت ... هذا السفر واجب كلت متحضره اظعونك اقبل الثاني ابأي ثمن ... وياك اخذني بهالظعن من فدوه لعيونك لا تعتذرلي ابعلتي آنه صرت زينه بويه اخذني صحتي احسن من سكينه ارحمني مو حتى الطفل داير الي عينه اسمع رقيه تكول جا وين ... اختي بتلظعن ماكو و دارت العين ... اختي تاخذني رايدتك ... ماانتظر جيتك هذا حالي ... هذا حالي ●□■●□■●□■●□■ جاوبني وانطيني السبب ... من ينرفض ثاني طلب معناها تذبحني مستغربه و متسائله ... شنهو يصير ابكربله يابويه صارحني كلبي يكلي ايسي ما يرجع الغالي بالطف يذبحون الأبو وبيتج يظل خالي هاي الحراير تنسبي وهوه برمح عالي لامايجذب صادق احساس ... كلبي مكطوع يشبه كطعة الراس ... كلبي ينسحك ويا جثتك ... ما انتظر جيتك هذا حالي ... هذا حالي 🏴🏴🏴🏴🏴🏴🏴🏴🏴

قصيدة : غبرة نينوى الشاعر : #وسام_الشويلي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴 يا علي ما وصل يعقوب حزنك إلك چم يوسف هوى عله غبرة نينوى يا علي ما وصل يعقوب حزنك @@@ ياعلي السجاد حزنك ما وصل يعقوب يمه هو فارگ ابنه يوسف وإنت فارگت ابو اليمه رجع يوسف من مغيبه وغاب ابوك ابفيض دمه يعگوب بوليده انتعش من رجع وإنت 17 لاچفن لا إلهم نعش وين هضمك وين هضمه ذاك المفارگ عله الدار عود وإنت گلبك ما هجع راح منك مارجع ياعلي ماوصل يعقوب حزنك @@@ گعد وي يعقوب يوسف وإنجمع شمله اويه أخوته وإنت اهل بيتك وأخوتك ظلوا إعله الغبره موته مارجعلك غير مهر حسين ينخاك اب نخوته يصهل ودمعاته تسح إيگلك إهنا ي المنطرح والدك رايح ينذبح وبالظليمه ارتفع صوته اش حالك وعود الميمون خالي ينتخي وشتجاوبه دم ابوك امخضبه ياعلي ماوصل يعقوب حزنك @@@ لون يعقوب ابمچانك حاضر ابعملة العاشر چان مو بس تعمه عينه إمن البچي اطيح النواظر شم قميص ابنه ورجعله الشوف واستبشر الخاطر وإنت يمهضوم الگلب ذاك القميص ال منسلب خله الدمع من دم يصب والجمر بحشاك شاجر بالقميص ادموم من فيض نحرك وكون اليصيبه العمه يشوف بعيونه الدمه ياعلي ما وصل يعقوب حزنك @@@ ما اظن يرجعله شوفه لون شايف هالفجيعه وچا عرج گلبه تگطع اويه الچفوف الگطيعه و ودع الدنيا ابوفاته ع الحصل ويه الوديعه هذا ال مصاب ابكربله يعقوب مايتحمله يوگع اب نبلة حرمله گبل الحسين ورضيعه إيشوغ شوغة طفل مذبوح ظامي و لون عاين للسهم چان ناداك اب ألم ياعلي ماوصل يعقوب حزنك @@@ ارد اسولف يبو الباقر عن حزن گلبك وضيمه وما اظن يعقوب شاهد ع الحرم محترگه خيمه ولا نظر يمه عدوه وسوط يضربله يتيمه وهذا انت بعيون الصبر شاهدت ربات الخدر يضربهن ابسوطه الشمر هالله هالله اش هالهضيمه اگبال عينك لوع السوط زينب اش هالهضيمه ياعلي الحرم يمك تنولي ياعلي ماوصل يعقوب حزنك @@@ اشكثر گلبك يبو الباقر حمل ضيم اشكثر قاسه تشوف ابوك إعله الوطيه الجسم وٱعله الرمح راسه وفوگ هذا ~ اخيول اميه تهشم اضلوع القداسه والاعظم امصاب السبي ابعينك تشوف الاجنبي ال زينب يگلها ادولبي ابلا كفيل ولا حراسه عگب عباس~ الشمر صار حادي جمر هضمك ما طفه ع ال خذوها امچتفه ياعلي ماوصل يعقوب حزنك 🏴🏴🏴🏴🏴🏴🏴🏴

اسم القصيده : يا هلال اسم الشاعر : #وسام_الشويلي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينيه و موكب ام الحسن | الفاو 🏴🏴🏴🏴🏴🏴🏴🏴🏴🏴 ياهلال لاتخلي ابوجه زينب طلعتك ياهلال جروحها هواي وتهيج ابشوفتك غطي وجهك حنى زينب ماتشوف نحر مكطوع وكفيل ابلا جفوف ياهلال ... ياهلال ■□■□■□■□■□■ ياهلال وياك اسولف و استمعلي وآنه بس شفتك كلت لدموعي هلّي شجايب النه وياك من اجروح كلّي كلب زينب من يشوفك يظل يغلي جاي ليش واحنه بالله بيا وجه نستقبلك جاي ليش ياهلال اعبر شهر نتوسلك جاي وابوجهك قريناها الحروب نحر مكطوع وكفيل ابلا جفوف ياهلال ... ياهلال ■□■□■□■□■□■ حاول بهاي السماء تشوف غيمه تحتمي ابسدها ولاتجرح يتيمه هالله هالله بزينب الكلها هضيمه لا تهيج بيها جمرة حرك خيمه ذكريات وهيّه ابد ماناسيه طف كربله ذكريات و زينب تشوفك سهم من حرمله تذكر اعلهىحسين من دارت الوف نحر مكطوع وكفيل ابلا جفوف ياهلال ... ياهلال ■□■□■□■□■□■ هلال عيد و هيّه زينب ماتريده لأن مهضومه وكلبها انذبح عيده جيّتك شتفيدها الظلّت وحيده وانته سيف وبيه اخوها انكص وريده بالسماء هذا شكلك ظلّت تشوفه مهد بالسماء ام تلولي والسهم ذابح ولد دللول الولد بالحسره تطوف نحر مكطوع وكفيل ابلا جفوف ياهلال ... ياهلال ■□■□■□■□■□■ مثل خيط اكماط صاير انته شكلك ودم رضيع حسين يمّك جنه ضلك جرح و إنشد بالكلب زينب تكلك بس جفوف الكافل التكدر تفلك عنها غيب كبل لاتكبر وتتحول كمر عنها غيب تذكر العباس من ظل عالنهر كمر لجن صاير ابوضع الخسوف نحر مكطوع وكفيل ابلا جفوف ياهلال ... ياهلال ■□■□■□■□■□■ محني يهلال الحزن شكلك تنظره و زينب بهالحاله ترجع إلها ذكره حسين من عود عليها محني ظهره وغير عبّاس الظهر محّد يكسره يوم طاح كافل اخته طاح ويّاه الخدر يوم طاح حسين اخوه تربّع بصدره الشمر صار مركز للرماح وللسيوف نحر مكطوع وكفيل ابلا جفوف ياهلال ... ياهلال ■□■□■□■□■□■ ياهلال و حجمك اشما راد يكبر جرح زينب يكبر من الحزن اكثر انته سوط و جنّك تلوّع الخدّر بالسمه ظعن السبي ويّاك يفتر رايحين والطريق ابعيد والموكب سبي رايحين والسياط التحدي بعيال النبي خطوه شتمه وخطوه ضربه و درب خوف نحر مكطوع و كفيل ابلا جفوف ياهلال ... ياهلال 🏴🏴🏴🏴🏴🏴🏴🏴

اسم القصيدة : سامحينه اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴🏴🏴 حل وكت الوداع وياچ سامحينه تعبچ فلا ضاع وأرباچ يالحنينه ولدچ طبع ماي تعرفين طبعنه من عندچ هواي وفه وطيب رضعنه يالحنينه....يالحنينه .............................. ياأمنه يانبع الوفه والعاطفه والطيبه وياچ يحتار الحچي ياحكمته وترتيبه ربيتي كبرتي زلم منهم تخاف النيبه لو صاير بحلگ السبع ولدچ الحگ اتجيبه مانطلب الزود مسراه ويه دمنه للرايد اشهود يكفيه انتي امنه بسمچ فخورين والف راس رفعنه من عندچ هواي وفه وطيب رضعنه يالحنينه......يالحنينه ............................ ولدچ ييمه ونفتخر من ننحسب خدامچ شگد عاليه جنة عدن لكنها تحت افدامچ تراب التسحگينه دوى الآلامنه وآلامچ تندار بينه العافيه من ننحني جدامچ فرض الصلاه بيچ مقبول لو قبلتي يرضى المراضيچ الله شنهو انتي كل كلمه قرآن من عندچ سمعنه من عندچ هواي وفه وطييب رضعنه يالحنينه.....يالحنينه ................. عدنه الچ مو بس اسم ونصيحچ ابگعدتنه يمه الحنينه الغاليه خيمتنه ياشمعتنه الربت المايوم اشتكت والتعبت الراحتنه الجاعت وسوتنه زلم والسهرت النومتنه شما نكبر ازغار بافين وي حنينچ فدوه الچ تندار وتروح كل بنينچ مثلچ بالأوصاف حنينين طلعنه من عندچ هواي وفه وطيب رضعنه يالحنينه......يالحنينه ......................... جينه ييمه انودعچ توديع مابي ملگه الله يعينچ وشكثر تهدم الحيل الفرگه ندري بيچ بوكت المسه روحچ تظل مختنگه ودگات گلبچ صايره ونة فراگ وشهگه بس يمه تدرين بحسين وبغلاته وأنتي التگولين تمشون وي خواته نفدي اله الروح توصين سمعنه من عندچ هواي وفه وطيب رضعنه يالحنينه.....يالحنينه .......................... عباس أنه وعن اخوتي احچيلچ وسمعيني مو ابنچ آنه لو بعت كلمتي وخنت حسيني تحتار زينب وآنه اظل لاوالله اگص چفيني حتى إذا تاه السهم آنه اجيبه العيني ابنچ العباس موجود ماكو حيره من جدمي للراس متروس كلي غيره اخواني وياي يگولون فزعنه من عندچ هواي وفه وطيب رضعنه يالحنينه.......يالحنينه ....................... گولي آنه عنكم راضيه وأنطينه آخر نظره وأن شاءالله يم الوفه ترضى عليچ الزهره عذرينه مانرجع الچ ويرجع الناعي اليقره ويگلچ اولادچ وفوا ظلوا جثث عالغبره يأم البنين يحچون حادثتنه ماعفنه الحسين للموت اربعتنه ماوگع والله لحد ماوگعنه من عندچ هواي وفه وطيب رضعنه يالحنينه......يالحنينه 🏴🏴🏴🏴🏴🏴🏴🏴🏴

اسم القصيدة : تسأل رقيه اسم الشاعر : #وسام_الشويلي اسم الرادود : #محمد_الجنامي المناسبة : محرم الحرام ١٤٤٤ الهجري المكان : حسينة و موكب ام الحسن | الفاو 🏴🏴🏴🏴🏴🏴🏴🏴🏴 تسأل رقيه ابدمع ... بويه غريب الوضع عمتي تنوح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ مرعوبه اجت رقيه لأبوها تسأله يابويه الحرم شجاها دمعها تهله كل حرمه اعتنت وليها ابالمهه تكلهه الما عدها سند عمرها تخلصا مذله خوفني هذا الحجي ... واسمع ونين و بجي فاجعه تنوح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ عبدالله اعاين امه تحضنه و تشبكه هاليله الجفن تكله بعد ما اطبكه من ايدي انه من اضيعك يعبدالله شلكه يمه انته الهوه و دليلي بغيابك تخنكه تلوليله و اتصد اله ... و من منحره تقبله جنه مذبوح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ بويه حايره اجيتك و اريد الصراحه ليل العاشر ويه رمله شيصير ابصباحه ويه القاسم انظر الها وداع و مناحه تشكيله بدمع تكله بعد ماكو راحه يمكن ابنها الصبح ... بدال العرس ينذبح عنك ايروح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ يابويه رحت للاكبر يسولفلي الاريده ضماني الاخو اعله صدره و مسح راسي بيده ليلى حاجته اسمعتها و تعاين وريده كالت ترضه يمه ابقى غريبه و وحيده يا بويه سولف الي ... شنهو اليصير بعلي دمعه مسفوح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ عمي بهالمسه رحتله كلت خلي اشوفه و زينب عمتي شفتها بدمعها تطوفه ليش اتقبله اعله عينه و اديها بجفوفه و ليش يكلها يالعقيله الخدر ما اعوفه تحجيله عن يا نهر ... و اتكله ظهري انكسر حملي مطروح ... و انته مجروح ... و كلمة وداع استمع ⬇️⬇️⬇️⬇️⬇️⬇️⬇️⬇️ بويه ابحضنك انه وانته دموعك سجيمه وكلبك دكته تكلي المصيبه عظيمه ها ياخيمة المحنه بعد ماكو خيمه وكلبي يكلي انه باجر غريبه و يتيمه نومني باخر حضن ... كلبي ولا مطمئن جرحي مفتوح ... و انته مجروح ... و كلمة وداع استمع 🏴🏴🏴🏴🏴🏴🏴🏴🏴🏴

اسم القصيده : ياحزنك وحنينك اسم الشاعر : #وسام_الشويلي اسم الرادود : #محمد_الجنامي المناسبه : استشهاد الامام زين العابدين ١٤٤٤ المكان : موكب خدمة اهل البيت | ايران - سربندر 🏴🏴🏴🏴🏴🏴🏴🏴🏴🏴 ياحزنك وحنينك ... للغوالي باخر نفس ونينك ... للغوالي دمعك همل وين الاهل نسيتوني موتي اقترب واخر طلب يحضروني يسئلون يشوفون هضم روحك ¤■¤■¤■¤■¤■¤■¤ عايش سنينك جراحات والم ماشفت راحه هذا عمرك سيدي بحرق الخيم حرقوا افراحه كلبك الكله مصايب يا سهم كطع سباحه الراحو اهله يعيش غربه ياعذابه وهضم كلبه عيشة الهم ولله صعبه من لوعة المصايب ... يا عذابك ابفركة الحبايب ... يا عذابك كلبك حجي يكوله البجي اسمعوني موتي اقترب واخر طلب يحضروني يسئلون يشوفون هضم روحك ¤■¤■¤■¤■¤■¤■¤ وين اهلك ليش ما واحد كرب يسئل اشلونك والحضرت مصابهم هسه اشعجب مايحضرونك على خدودك شوك لو تنزل عتب دمعه عيونك كتب دمعك كرب موتي مايجوني وين اخوتي ماوصلهم هذا صوتي عازه عمامي عازه ... حشمتهم انه صرت جنازه ... حشمتهم الهم صحت لو غمضت يشيعوني موتي اقترب واخر طلب يحضروني يسئلون يشوفون هضم روحك ¤■¤■¤■¤■¤■¤■¤ عمك العباس يل مشتاك اله والرايد اتشوفه ابهيج ساعه كون تتوسد على راحت اجفوفه ومن يجيك تكله يا ميه هله ابروح ملهوفه هله ابريحة كل عمامي هله ابجودك يالمحامي كلبي بعده الهسه ضامي ها يالكفيل اريدك ... يا حنانك كطرلي عمي بيدك ... يا حنانك وبيمنتك حط رايتك على عيوني موتي اقترب واخر طلب يحضروني يسئلون يشوفون هضم روحك ¤■¤■¤■¤■¤■¤■¤ على فراش الموت وانته احجايتك بويه يالغالي مانسيتك ومانسيت مصيبتك باقيه ابالي وسهم المثلث الصوّب جبدتك صاب دلالي يالبديه جنت المك لمني بيدك خذني يمك روحي تطلع من اشمك خلصني من حياتي ... اخذ روحي ارتاح انه ابمماتي ... اخذ روحي هضمي اشكثر سهم القدر خطف لوني موتي اقترب واخر طلب يحضروني يسئلون يشوفون هضم روحك ¤■¤■¤■¤■¤■¤■¤ من اهل بيتك يالدفنت اسبعطعش تشهد جروحك منهو اليدفنك ويرفعلك نعش لو كضت روحك على ملكاهم ابدلالك عطش واشكثر نوحك وسط كبرك من ادفنك منهو يدفن ذاك حزنك منعو يكطع صوت ونك طول الزمن مصابك ... ذكرياته مصحف حزن كتابك ... ذكرياته وحجايتك وي شيعتك اذكروني موتي اقترب واخر طلب يحضروني يسئلون يشوفون هضم روحك 🏴🏴🏴🏴🏴🏴🏴🏴🏴

قصيدة : عرسك يجاسم الشاعر : #وسام_الشويلي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴 عرسك يجاسم صار دمعه و ونه وين الورد والشمع وين الحنه خطفوك من ايدي يوليدي يوليدي @@@ چنت بين إحشاي غافي يبني ويحرسك دليلي ولجل ترباتك يجاسم مساهره وما نمت ليلي انطيتك اعيوني ونظرها وراحتي ومهجتي وحيلي كل وكت احوم إعله المهد سهرانه لجلك ي الولد وأمحسبه بأيام الشدد إنت التبرد غليلي يا جاسم ابدم مهجتي رضعتك لمخالف اسنين الدهر ذاخرتك وبشوفتك عيدي~يوليدي يوليدي @@@ الضيم من اجلك حملته وإجرعت هضم الليالي يبني والمعبود يعلم بالسده إعليه وجرالي راح كل التعب عني من شفت طولك أگبالي گلبي تباشر وإنتعش تم البدر 14 وإبطولك البيت إنفرش وإنت لأمك صرت والي فرحانه بيك وبالدهر ماادري يحرمني منك يا سعادة عمري خانت مواعيدي~ يوليدي يوليدي @@@ آنه ام والام يجاسم بالولد غايتها تفرح يبني والليله زفافك گلبي بالآمال فرفح افرح بيومك ييمه وبالأماني الروح تسرح چنت احسب اعلگ شمعتك بيدي وأشوفن فرحتك تاليها دمك حنتك وحوفتك بالعرس مذبح خاناني دهري وگلب كل إحسابي ويوم العرس يوليدي صار أمصابي ونوحي اناشيدي~ يوليدي يوليدي @@@ يبني شيگول إعله حالك والدك لو إجه وشافك يجي إيواسيني إبمصابك لو يباركلي إبزفافك منهو مثلك يا اوليدي الموت يوم العرس ضافك يبني اش يصبر والدك فوگ الترب لو شاهدك عمك إبداله وسدك وي ابوك ابحزن طافك وآنه اصيحن ريت غابت روحي بعدك يجاسم بيش اضمد إجروحي وناتي ترديدي~ يوليدي يوليدي @@@ يبني ياهي ابتلت مثلي يوم عرس الولد تنعى وحوفتك بس للمناحه صارت وللونه دمعه ما تظل شمعه تضوي لون يمها اطيح دمعه صيوان عرسك منهدم وإنبنه صيوان اللطم للحزن امك والهضم صارت اب فرگاك مرعى ال چانت تريد ابعرسك اتهنيني يمي إجت وبفگدك إتعزيني ي أم الولد هيدي~ يوليدي يوليدي @@@ رحت والآمال راحت وإنهدم بيتي عليه وسلمت تعب الليالي وسلوتي للغاضريه ما ردت عمري يجاسم بعدك وردت المنيه ابيا عين اشوفك ع الترب مصروع وأدمومك تصب وآنه يمه اويه الغرب غصب راح امشي سبيه إنت طريح أبدمك إعله الغبره وآنه عله النوگ الهزل متيسره يا لوعتي زيدي~ يوليدي يوليدي 🏴🏴🏴🏴🏴🏴🏴🏴🏴🏴

اسم القصيدة : صوت الوفه اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴🏴🏴 صوت الوفه ونشيده..... معركة العقيده..... نعرف منو يدور حكم عدنه كلشي واضح والدم كتب لهل الظلم والله مانصافح رافضيه......رافضيه ....................... الله من ارسل رسل للعداله ولجل مصلحة البشر هالرساله والرسول المصطفى الهادي وآله صوره چانوا واضحه عن كماله الى الأمه..... اجوا رحمه......وبيهم الحگ ارتفع يشهد الله...... رحمة الله..... همه والنور السطع عارضوهم...... حاربوهم......وادم ادور طمع المارادواالأطايب...... ركضوا على المناصب...... قله القليله الآمنت مو لجل مصالح والدم كتب لهل الظلم والله مانصافح رافضيه.......رافضيه .......................... اكو زمره اسست للسقيفه والنوايا املطخه ومو نظيفه احنه صحنه ينرفض اي خليفه بس علي اتنصب ولي من الله سيفه معتقدنه...... غالي عدنه ...... شلون ينباع برخص جينه نشري..... واحنه ندري.....اليبلع الحگ بي يغص الماله كلمه....... ماله ذمه.....ويبقى يشعر بالنقص طف كربله سيشهد..... احنه ربع محمد..... ماكو بعد ضم للحچي نوگف ونصارح والدم كتب لهل الظلم والله مانصافح رافضيه.......رافضيه .......................... للبشر عبره ودرس هالحوادث هنه دربين وبعد.ماكو ثالث درب شيطان انمله بالخبائث ودرب رحماني واله الباري باعث اثنين هنه......هاي جنه.... وذيچ نار موجره الحر قراره..... بأختياره...... والعبد دينه انشره الفكر يعني..... لو حسيني.... لو يزيدي مصدره الحر مو عبد رياحي...... حر وضميره صاحي..... غيرها نفسه بكربله وقبلت النصايح والدم كتب لهل الظلم والله مانصافح رافضيه.......رافضيه ........................... اكو شيبه طاهره وكلها هيبه وأكو شيبه تنوخذ بيها غيبه ياحبيب الما خلق وي حبيبه وين نلگه يابشر هيچي شيبه الحب مواقف.....مو سوالف....واليدور عالصدگ عدنه عابس.....شگ ملابس....صاح سودني العشگ گلبه هايم........والصوارم.......گام يشبگهن شبگ رب العقل جنونه..... حب وحرب فنونه...... بس الحسين بداخله وبغرامه طايح والدم كتب لهل الظلم والله مانصافح رافضيه........رافضيه ......................... يم خيم زينب خبر خل نذيعه نبيع دمنه والسبط مانبيعه خلي گلبچ يطمئن يالوديعه الشيعي ميخون العهد وأحنه شيعه للشهاده...... الصوت ناده.... ماكو بالطف اي عذر احنه نبدي..... وعلى المهدي..... الثار ويكون النصر النه صوله...... واله دوله...... تهدم عروش الكفر هذا الأمر نهائي...... والمهدي كربلائي...... يصبر نعم بس لو ظهر سيفه مايصالح والدم كتب لهل الظلم والله مانصافح رافضيه.....رافضيه 🏴🏴🏴🏴🏴🏴🏴🏴🏴

اسم القصيدة : رساله بجفوفك اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 المكان : البصره/افاو/موكب وحسينية ام الحسن 🏴🏴🏴🏴🏴🏴🏴🏴🏴 رساله بچفوفك للمهدي كاتب... تگله منتظرك تظهر يغايب... يالمنتظر..... آنه الگمر..... رفعة راس وبكل فخر..... يحچي النهر..... عن عباس ابو غيره.....ابو غيره ......................... مشتعله كربله...... بالغيره والعلا..... والنخوه والزود عباس ابو الوفه..... بالدنيا موقفه..... مامثله موجود خلونه نستمع مو للحچي لأفعاله واليعشگ الگمر هذا الف هنياله هاذي صيحات الوفه والمعرفه تتعاله كلشي نعوف.... .خلي نشوف.... .للعباس احلى چفوف يمينه كل اصبع ينعد عشيره الأئمه يسمونه نافذ بصيره لا مو نبي.... بس وي نبي..... من ينقاس وبكل فخر..... يحچي النهر..... عن عباس ابو غيره.......ابو غيره ......................... عباس اخو السبط....بالمهدي مرتبط..... ويسولف اوياه عن نصبة الخيم.... عن جوده والعلم.... البيمينه علاه يالمهدي للحرب جيت وگلت بس شوفي امسحها ماتظل وبسيفي اخط حروفي چن طابگ السما فوگ الأرض بچفوفي صحت بصوت.... آنه الموت.... اسحگ راس كل طاغوت بيديه يالمهدي خانگ هواهم اراذل.... بس آنه اعرف دواهم ماتوا سحگ..... ماتوا خنگ..... ماكو انفاس وبكل فخر..... يحچي النهر..... عن عباس ابو غيره......ابو غيره ........................... يالمهدي غيمت......وبصوتي ارعدت.......وچان المطر موت سكته ولانفس...... حتى النهر..... يبس سويته تابوت موته بس گلت خله يرد من تالي مو لجله لجل اروي عطش اطفالي رد يجري والزلم متراجفه من خيالي روس اطيح.... دم ايسيح.... صار الجيش ريشه بريح معسكر تحت ايدي من اربع جهاته گلبته وصفيته ورد الشتاته آنه الجبل...... وأكبر بطل..... تحتي انداس وبكل فخر...... يحچي النهر..... عن عباس ابو غيره......ابو غيره ............................. يالمهدي چم الف......وعيوني ماترف......هو آنه الهواي گدها وأبن علي.....صار الفرات الي.....متملك الماي بيدي شلت العذب جمر العطش ماطافي لكتي ابن علي الينطي الوعد ويوافي ماي النهر بچه چي ماوصل لشفافي بالچفين.... دمع العين.... يكتب حيل غالي حسين رميته من چفوفي ماي الشريعه گلتله ما طيعك وحسين اطيعه لأم الخدر...... يصعب جمر...... بالإحساس وبكل فخر..... يحچي النهر..... عن عباس ابو غيره......ابو غيره ......................... يالمهدي عالنهر..... اترك إلك اثر.... وتشوفه بالعين چف ماترك علم.... چف بي عطر خيم.... بي دمعة حسين توصلي للنهر. تنحي الظهر بالعاشر تذكر اخو وأم الخدر تون لاظل خدر لاساتر بيوم الثار لاتحتار آنه اوياك ارجع نار اعرفك يالمهدي ماتنسه ثارك لوائي وجفوفي يردن قرارك نهدم.... حكم اهل الظلم..... من الساس وبكل فخر..... يحچي النهر..... عن عباس ابو غيره......ابو غيره 🏴🏴🏴🏴🏴🏴🏴🏴🏴

اسم القصيدة : عزيزه عليه اسم الرادود : #محمد_الجنامي اسم الشاعر : #وسام_الشويلي المناسبة : عاشوراء محرم الحرام /1443 المكان : البصره/الفاو/موكب وحسينية ام الحسن 🏴🏴🏴🏴🏴🏴🏴 هاذي دمعتچ عزيزه عليه لكن شسوي الأمر مو بديه كافي بچي عليه يايمه كافي ادري على المنيه صاير زفافي لكن شسوي الأمر مو بديه ................. رمله گعدت ويه ابنها...... وحاچتهه بنبرة حزنها..... وسيل الدموع تگله جبت الحنه بيدي..... والزفافك ياوليدي..... عالگه شموع يمه امنيتي البسك.... بيدي هاي ثياب عرسك..... گلبي مشلوع خايفه هواي وأجيتك.... يمه سولفلي اعله نيتك..... شنو الموضوع جاوبها جاسم ييمه اعله بختچ بالغاضريه تلاشت فرحتچ حتى الشمع اشوفه گدامي طافي ادري على المنيه صاير زفافي لكن شسوي الأمر مو بديه ...................... صاح جاسم مو بديه.... يالعزيزه الغاضريه..... تريدني اليوم هواي عذريني ييمه.... بالعرس ماالي قسمه..... ابقى محروم يلي ساهرتي الليالي.... هذا حالچ هذا حالي.... حزن وهموم راح اعوفنچ غريبه.... والعرس يصبح مصيبه..... وحنتي ادموم الله يعينچ يفزعچ مصابي طفوا شمعته ييمه شبابي يمه عليه گوه هذا التجافي ادري على المنيه صاير زفافي لكن شسوي الأمر مو بديه ......................... يمه والله هوايه احبچ... يا ارباچ وذاك تعبچ.... بيش اجازيچ يمه گلبچ بي محنه..... الله شاهد ماكو منه.... والعطف بيچ شگد سهرتي شگد تعبتي.... محسبه تكبرين انتي.... وآنه أدرايچ هالحساب انگلب تالي..... وحدچ من غير والي.... راح اخليچ ردتيني يمه المن كبرتچ تاليها آنه مشيت وكسرتچ جرحچ ييمه بعدي ماله مشافي ادري على المنيه صاير زفافي لكن شسوي الأمر مو بديه .......................... ضاك يمه هواي صدري...... راح اروح وآنه ادري...... يصوبچ البين بعد ما اگدر اتاني......افزع الوالدي الثاني..... عمي الحسين شنهو عمري خلاف عمره..... حاير ومكسور ظهره ..... يدير بالعين لا أخو ولا ولد عنده.....كلها راحت بقى الوحده.....بين صوبين قلديني سيفي وأروح وأگله ياعمي اجيتك بأمر امي رمله هي الذي گالتلي لازم توافي ادري على المنيه صاير زفافي لكن شسوي الأمر مو بديه ....................... يمه افرحي بهذا عرسي.... ابهالشهاده اشريت نفسي..... ودم الخضاب شمعتي ادموعچ التجري.... بيدچ تزفين ادري.... اعله الحرب شاب آنه عريس المنيه.... وإلي تراب الغاضريه..... مفصل ثياب يعينچ الباري بمصابي.... تندفن زهرة شبابي..... تحت التراب بعدي ييمه سبيه طلعتچ عالناگه انتي وتگلي دمعتچ گلتيلي يبني غافي نوم العوافي ادري على المنيه صاير زفافي لكن شسوي الأمر مو بديه 🏴🏴🏴🏴🏴🏴🏴

اسم القصيدة : السيد الجميل اسم الرادود :#محمد_الجنامي اسم الشاعر :#وسام_الشويلي المناسبة :عاشوراء محرم الحرام 1443 🏴🏴🏴🏴🏴🏴🏴🏴🏴 بجروحي اجيك شايلي رمح عودني عليك يااغله جرح يااغله حبيب وبكلشي غريب لو عني تغيب مايبقى صبح يالماوصل عشگك عشگ لاوالله مستحيل من الحجي قليل حسين انت بإختصار السيد الجميل انت السهل واأنت الصعب ياجامع الحب والحرب بيدك ود والدم يصب ومخجل السيوف ياظامي منك ارتوي اضعف وأنه بحبك قوي خليني اكثر انچوي من جمرة الطفوف ............................. تارسني خضار وبصحره چنت تنطيني نهار لو ظلمه عشت تتركني محال وتگلي تعال تسگيني زلال يالظامي متت تصنع وطن من غربنك وامفهم السهام ان الحقد ظلام ع الغبره من تطبح يترجم القيام هذا الوجود.اباكمله ترسم مساره ابكربله عن دينك ومستقبله ابصدرك تصد رماح يمضحي من اجل الشعب دمك رسالة حب كتب ابآلامك وذاك التعب رايدنه نستراح ............................ بعيوني ذبيح ماشوفه نحر واجدامي اصيح لا هذا بحر متلمه جروف غرگانه سيوف وبجسمك اشوف كل طبره نهر عندك يمگطوع النحر وي ربك اتصال ماتحجبه النبال صورة عشگ عجيب ترسم على الرمال بحافر فرس من تنسحگ وي الكسر نسمع عشگ وي السهم گلبك يدگ ويسولف الغرام عندك يقائد مصرعك وي ربك وكان معك سمعته حب وسمعك ياقائد السلام 🏴🏴🏴🏴🏴🏴🏴🏴🏴 القصاید المکتوبه للرادودين حسن الصالحي و محمد الجنامي (صوت+کتابة)