#اعجاز_امام_حسین (ع) ✍️ شاعر خلیج حسین پاک آدوندان یاحسین اسرار خلقت گورسنور بند بند پیکروندن عشق و غیرت گورسنور دللره مین دورت یوزایلدی سن حکومت ایلوسن هر محرم کی گلر سان کی قیامت گوسنور بیر قیام ائتدون قیامون تا قیامت زنده دی زنده قالسین بو جهاندا هانسی نهضت گورسنور یارسالار هر عاشقین گر سینه سین شمشیر یلن سندن اوتری اوردا بیر عالم محبت گورسنور سن گلندن شخص حاتم سفره سین جمع ایلیب سفره ی جودنده چون احسان و رحمت گورسنور ذبح اولوب باشون ولی اشراره تسلیم اولمادون کیم قیام کربلایه باخسا عزت گورسنور قلعه های ظلمی سن ویرانه قویدون یاحسین هر زمان آدون گلر ظالمده وحشت گورسنور کیم سنون تک اکبرین اسلامه قربان ایلیب دلبره اوز عاشقیندن گور نه خدمت گورسنور یاتمیب مین دورت یوزایلدی پرچمون یاتماز سنون پرچمون عالمده یخسین کیمده قدرت گورسنور اسم اعظمدور آدون عالم سنه قربان حسین گور نه اندازه سنون آدونده شوکت گورسنور هر زمان آدون گلر رخساره گوز یاشیم آخار بیلمورم آخر آدوندا من نه حکمت گورسنور جام عشقون چکسه هر کس باشینه سرمست اولار سن وئرن پیمانه ده دنیاجه لذت گورسنور یرمی ملیون اربعینده واردی زوارون سنون هانسی بیر مذهب ده آخر بیله وحدت گورسنور ایلدیم تحقیق عموما مکتب و مذهب لری سن آچان مکتبده گوردوم چوخ فضیلت گورسنور سن گئدن یولدان چخیب هرکس یقین گمراه اولوب باخسا کیم سیماسینه آثار ذلت گورسنور آند ایچیب بو شیعه لر زهرانی الدن وئرمسین هر اورکده عشق پاک زینبیت گورسنور چوخلاری اول قبروون مشتاقیدی ایله نظر کربلانی گورماقا گوزلرده حسرت گورسنور چوخلار ایندی قبرون اوسته اصغره لای لای دیور گوزیاشین سیل ایلویور دللرده محنت گورسنور اربعینون یا حسین بیر ایری عالمدی آقا وصلوه هرکیم چاتوب اولاردا دعوت گورسنور #امام_حسین_علیه_السلام