📝کلامی زنجانی 💔 زبانحال حضرت زینب (س)💔 🏴@torkiy🏴 بال و پریم آی قارداش تاج سریم آی قارداش دور گور نجه یورقوندی غم لشگریم آی قارداش من آغلامادیم گیتدیم دل داغلامادیم گیتدیم سایدیم یاراوی اما من باغلامادیم گیتدیم ایسلاتدی بو صحرانی دورت مین یاراوین قانی گوردی تن عریانی چشم تریم آی قارداش من کوسمه میشم سندن کوسمه گوزلیم مندن تترر یارالی نعشون ایتسم گله دشمندن از بس وروب ای سرور یولاردا منی لشگر نیلوفره چوخ بنزر گل پیکریم آی قارداش یوخ غملریوین حدی خمدی باجیوین قدی ایثاریمه شاهدی بو قمچی لرین ردی باشیمده قارام واردی بازوده یارام واردی مندن نیه آیریلدون سن دلبریم آی قارداش سندن صورا باش یولدوم ویرانه نشین اولدوم گلزار فراقونده گل تک سارالوب صولدوم بو لحظه حساسیم بس هاردادی عباسیم نه واردی جوان قاسم نه اکبریم آی قارداش دلده سنه واویلا کوینک توخودی زهرا دفن اولدون حصیریله ای یوسف عاشورا دور پیرهنون گتدیم قانلی کفنون گتدیم بو خلعتی قبر اوسته خوشدور سریم آی قارداش 🏴@torkiy🏴

🥀نوحه اربعین🥀 زبانحال حضرت زینب سلام الله 📝استاد کلامی زنجانی ترکــــــــــی جانسوز 🎤اجرای سبک خادم اهل بیت کربلایی سعیدسلطانی 🏴@torkiy🏴

‍ 🏴اربعین🏴 جوشی جدید -- سینه زنی 🥀زبانحال خانم زینب (سلام الله علیها)🥀 🏴@torkiy🏴 🎶سبک:(ای گوزلریمون نوری غرق محنیم لای لای........). ای کرب وبلا شاهی من زینب نالانم. دل داغلی رقیه مسیز قارداش سنه مهمانم. ( گلمدی،شامیده،قالدی رقیون. زینبی،بلایه،سالدی رقیون.) ای سرور و سالار عرفانگه شش گوشه. باشیمه دوشوب عشقون قان رگده گلوب جوشه. چاتسام آلارام قارداش من قبروی آغوشه. قرخ گوندی عزادار یتمیش ایکی قربانم. غملرباجوی یوردی شاماتیده پیر ائتدی. اندوهیمی هرلحظه ظلم اهلی کثیر ائتدی. زینبی سنون عشقون چوللرده اسیر ائتدی. دلخسته ربابون تک غمدیده ی دورانم. هجرونده گجه گوندوز آخدی یوزه گوز یاشیم. عشقونده بویولاردا چکوبدی بلا باشیم. الدن او یاریم گونده گتدی نچه قارداشیم. دنیایه گلن گوندن اقبالیمه گریانم. دولوب غمیلن قارداش کاشانه ی احساسیم. هجران منی یاندوری سارالدی گل یاسیم. گه یادیمه سن دوشدون گه تشنه لب عباسیم. هریرده دئدیم اخت سالار شهیدانم. دلخسته قزون اولدی اورگلری یاندوردی. جان وردی قوری یرده زینبی اوتاندوردی. هجرانی بیزی اشک ماتمه بویاندوردی. بیلدیم هدف تیر مصیبت وهجرانم. غم سینمه داغ چکدی صبرین قدحی دولدی. تک تک بالالار غمدن ریحانه کیمی سولدی. بیرلحظه گوریدون کاش زینبه نه لر اولدی. قدیمی بوکوب غملر من روحی پریشانم. دوشوب یولا کاروان گللم یارالی قارداش. قلبیم تلسور وصله زهرا مارالی قارداش. زینبی فلک سندن سالدی آرالی قارداش. گوزدن منی آتانان آواره و ویلانم. هئچ آچماموشام باشدان باشیمده هله قاره. قبروه گلور زینب اورگین آلوب یاره. غمخوار و پرستارم قافله ی زواره. مسافرونم قارداش دلخسته بیر انسانم. پیغمبرین اصحابین آزاد ائدوب اهل کین. نسیم وصال اسور گویا چاتوب اربعین. غم قافله سی اولوب مسافر شاه دین. دوشوب محنون یاده همناله ی نسوانم. 📝شهرام علیزاده شاعراهلبیت(ع). التماس دعا. ﷽🍁 🏴@torkiy🏴@torkiy🏴 ✨اَللّهُمَّ عَجِّل لِوَلیِّکَ الفَرَج✨💫

🥀نوحه اربعین🥀 ✅جوشی جـــــدید✅ زبانحال حضرت زینب سلام الله 📝استاد شهرام علیزاده 🎶سبک:ای گوزلریمین نوری غرق محنیم لای لای... 🎤اجرای سبک خادم اهل بیت کربلایی سعیدسلطانی 🏴@torkiy🏴

اربعین . 🏴اربعین 🏴 🏴@torkiy🏴 . 🎶سبک_تنهاترین_سردار . 📝ابوالفضل عباسی معروفان . ای قیزلارین ملر قویان قارداش زینب گلدی گؤز آچ اویان قارداش وقارووه قربان بهارووه قربان باجون بو ششگوشه مزارووه قربان . . . سن سیز گزدیم بو چوللری خسته قوللاریمدا طناب غم بسته گؤردوم شامات و کوفه احوالین آخر چاتدیم مزارووین اوسته منه چاتوب توشه بو قبر ششگوشه سیزیلدیوب آللام مزارین آغوشه . . . دریا دریا ئورکده غم گلدیم صحرا صحرا گؤروب ستم گلدیم سینمده یدی قارداشین داغی چیگنیمده قانلی بیر علم گلدیم اسیر و بی یارم ولی وفادارم ئولوبدی عباسون سنه علمدارم . . . قرخ گون غصه منه اولوب یولداش زینب دردین حسین بیلیدون کاش گلدی سالم حرملرین تنها دیلدن دوشدی رقیون ای قارداش باشا قرا سالدی قراریمی آلدی سه ساله دلداریم خرابه ده قالدی . ⬇️⬇️⬇️ 🥀اربعین ای_قیزلارین_ملر_قویان_قارداش 🥀 ترکی 🎶سبک_تنهاترین_سردار 📝معروف_اهری ⬇️⬇️⬇️

🥀نوحه اربعین🥀 زبانحال حضرت زینب سلام الله 📝ابوالفضل عباسی معروفان 🎶سبک:تنها ترین سردار... 🎤اجرای سبک خادم اهل بیت کربلایی سعیدسلطانی 🏴@torkiy🏴

🥀اربعین کربلا سرمزار امام حسین (ع) زبانحال خانم زینب (س)🥀 🏴@torkiy🏴 ✍شهرام علیزاده اردبیلی 🎶سبک:خرابه چراغونه امشب غمونده اورگ قاندی قارداش باجون سنه گریاندی قارداش فراقونده دل یاندی قارداش گلوب غملی زینب دورای یارالی گلوبدی عزالی قوناقون آغلاتدی گونده بو زاری حسینیم فراقون یاندردی زینبی قارداش یارالی دوداقون حسینیم ، حسینیم ، حسینیم گلوبدی اورگ یاره زینب قوجالوب گونی قاره زینب قالوب سنسیز آواره زینب گلوب غملی زینب ای آسمان وفانین هلالی هلالی قوتاردی ماموریت ای یارالی یارالی سالدی بیزی چرخ فلک آرالی آرالی حسینیم ، حسینیم ، حسینیم غم فرقته یوخ توانیم دوتوب شعله هجرونده جانیم چاتوب قبروه کاروانیم گلوب غملی زینب دور باخ غریق بلایه اورگلر قراری زینب آلوبدی قوجاقه صفالی مزاری یوردی حیالی باجووی جفانین دیاری حسینیم ، حسینیم ، حسینیم رقیون منی درده سالدی فراقی قراریمی آلدی بالون شهر غربتده قالدی گلوب غملی زینب قلب ربابه چکوب داغ غزال خرابه آغلاشدی قاره لچکلر انیس ربابه کسیگ باشوی گورنده گدوبدی اوخوابه حسینیم ، حسینیم ، حسینیم سولوب لاله مثلی جمالیم چوخالوب اورگده ملالیم الیمدن گئدوبدی جلالیم گلوب غملی زینب کرب وبلایه گلوب دل شکسته قوناقون اصغره بستر اولوبدی قوجاقون بالش اولوب اکبریمه ایاقون حسینیم، حسینیم ، حسینیم 🏴@torkiy🏴@torkiy🏴

🥀نوحه اربعین🥀 زبانحال حضرت زینب سلام الله 📝شهرام علیزاده اردبیلی 🎶سبک:خرابه چراغونه امشب... 🎤اجرای سبک خادم اهل بیت کربلایی سعیدسلطانی 🏴@torkiy🏴

🏴سینه_زنی_باسبک اربعین 🏴 🏴@torkiy🏴 🎶سبک:کربلا منتظر ماست بیا تا برویم اربعین گلدی حسین جان ئورگی قاندی باجون گوزون آچ زینبی دیندیر سنه مهماندی باجون واگیر: دشمنی خوار ایلیوب گلدیم حسین یتیشوب قبریوه دینجلدیم حسین . . منی عفو ایله قویوب نعشیوی گیتدیم یارالی یوخودی چاره سنون ترک ایتدیم یارالی دشمنی خوار ایلیوب بیرده قییتدیم یارالی آنام اوغلی بو گوزل قبریوه قرباندی باجون . . آند اولا فاطمه نون ناله سینه افغانینا حیدرون منبر و محرابه توکیلمش قانینا سالموشام لرزه یزیدن جانینا نهضتوندن نگران اولما نگهباندی باجون . . منه تاپشوردون عزیزیم آنامون اوخشارینی باغلادی بند جفائیله عدو قولارینی پا برهنه دولانوب شامون اوزون یولارینی داغ هجروندن اونون گورنه پریشاندی باجون . . عاقبت شامیده جان ویردی او محکوم بلا کنج ویرانه ده دفن اولدی عزیز اسرا یارالی باشیوه یورقون جانینی ایتدی فدا فرقتوندن نجه گور دیده سی گریاندی باجون . قویمارام طعنه وورا قوم کج اندیشه سنه سالموشام ولوله یولاردا دل اهرمنه سنی زهرا آنامون جانی دعا ایله منه نقدر غصه گله فاتح میداندی باجون . . یورقونام آچ گوزیوی بیرده دانیشدیر باجیوی آتش عشقیوه قارداش آز آلیشدیر باجیوی کربلائیله کوسوب گویلی باریشدیر باجیوی قوریوب دیل دوداقی قامتی چوگاندی باجون اربعین گلدی حسین جان ئورگی قاندی باجون 🏴@torkiy🏴

🥀نوحه اربعین🥀 زبانحال حضرت زینب سلام الله 📝؟؟؟؟؟ 🎶سبک:کربلا منتظرماست... 🎤اجرای سبک خادم اهل بیت کربلایی سعیدسلطانی 🏴@torkiy🏴

🥀اربعین🥀 اربعـین اولدی  زینب  پریـشان کربلایه  گلـوب  دیده  گـریان        یاحسین  یاحسین  یاحسین  جان (2)   گلدی  زینب گوره  قارداشینی سـسلیور   با    وفا   یولداشـینی شور  و  شیون  سالوب کربلاده توکدی  رخسارینه  قان  یاشینی یاحسین  یاحسین  یاحسین  جان (2)   اوتدی قارداشینون قبری اوسته اوخ   دگن  قلبینه   دسته  دسته سسلدی دور  ایاقه  حسین جان زیـنبم  گلمـیشم   زار  و  خسته   یاحسین  یاحسین  یاحسین  جان (2)   من  گیدنده     حسین   کربلادن قوخما قارداش دیدون  هربلادن گیچمدیم هیچ سنون سوزلروندن سن سوروش قارداش  آل عبادن       یاحسین  یاحسین  یاحسین  جان (2)     دور  ایاقه   دییور  یاتما     یرده چکمیشم  گوزلره    قانلی  پرده ای وفالی اویان  یاتما   قارداش دوشموشم محنت  و رنج  و درده یاحسین  یاحسین  یاحسین  جان (2)   ساخلادین اصغری سن یانیندا قاسم و  اکبری ،  سن   یانیندا قولسـیز  عباسیـمی   مه  لقانی عونیلن ، جعفری ، سن یانیندا یاحسین  یاحسین  یاحسین  جان (2) چوللری  گزدی  تشنه  سکینه آغلادی    غمده   ماه   مدینه مدفنی  اولدی   ویران  رقیّم غم  نثار  اولدی   طفل حزینه       یاحسین  یاحسین  یاحسین  جان (2) گلمدی     بیر     نفر    پیشوازه ویردیلارداش   بو  اهل  نمازه بال و  پرسیندی  گریان بالالار یوز دوتوردوم مدام  بی نیازه یاحسین  یاحسین  یاحسین  جان (2) ﷽🍁 🏴@torkiy🏴 ✨اَللّهُمَّ عَجِّل لِوَلیِّکَ الفَرَج✨💫

🥀نوحه اربعین🥀 زبانحال حضرت زینب سلام الله 📝؟؟؟؟؟ 🎶سبک:ای قلم... 🎤اجرای سبک خادم اهل بیت کربلایی سعیدسلطانی 🏴@torkiy🏴