زبانحال حضرت امام کاظم (ع) . . . مرحوم قدرت اله نادری میانجی . . . سبک :: ای غنچه نیلوفریم ... ویرانه ده نازلو بالام... . . 🍁@torkiy🍁 جلاد الینده قالمیشام امداده گل اوغلوم موسی ابن جعفر جان وئرور بغداده گل اوغلوم . . . گل ای رضا جان گور منی مظلوم ائدوب هارون کنج قفسده بی وطن مغموم ائدوب هارون زهر ستمله حبسده مسموم ائدوب هارون زحمت چکوب بغداد آرا فریاده گل اوغلوم . . . سن که بُلورسن ای بالا فریادرس یوخدور جدیم حسین تک بی کسم بیر دادرس یوخدور زندان غریب ئولکه غریب یانیمده کس یوخدور سال بو غریبی یاده سن تئز داده گل اوغلوم . . . بیر کیمسه یوخ احوالیمی بوردا خبر آلسون تک جان وئرور یالقوز امام بیر فکریمه قالسون سویله قزیم معصومیه باشه قرا سالسون کافور سدر الده گوتور آماده گل اوغلوم . . . گل ای غریبلر ضامنی اوغلوم رضا سنسن سنده غریب منده غریب صاحب عزا سنسن دورم آلوب قوم جفا اهل وفا سنسن سن گلمسون جان وئرمرم جلاده گل اوغلوم . . . بو زیر زمین محبسده من زندانه محکومم یوخدور گناهیم ای بالا بیر پیر معصومم حسرت قالوب اولادیمه غربتده مظلومم یوخدور منیم تک خوار اولان دنیاده گل اوغلوم . . . نه وار آنا باجی منه دوتسون عزا اوغلوم یاسیمده یوخدور قزلاریم سالسون قرا اوغلوم حسرت گوزوم یولدا قالا اولما رضا اوغلوم ظاهرده ممکن اولماسا معناده گل اوغلوم . . . قویما جنازم خوار اولا ای نوگل رعنا هارون اوغولسوز بُلمسون شاد اولماسون اعدا گئت کربلایه عرض قیل اوغلون ئولور جدا بلکه سنه همراه اولا سقاده گل اوغلوم . . . عرض ائت حسین بی کسه جدا گولون سولدی عرض ائت بله حیدر بابام موسی غریب ئولدی نهر فرات اوسته یاتان عباسیمه نولدی کان شجاعت دور عمون دعواده گل اوغلوم . . . سن کربلا توپراقنی خونه قاتانلاردان ایسته کمک قورخما بالا قانه باتانلاردان گلگون کفن باشسیز بدن یرده یاتانلاردان وئرسن خبر قاسم کیمی داماده گل اوغلوم . . . بو یدّی ایلده اولمادی کیمسه سراقیمده زنجیر بوینومدا قالوب کُنده ایاقیمده اوغلوم قیزیم اهل و حرم یانموش فراقیمده یوخدور منی یاده سالان مأواده گل اوغلوم . . . هارون جنایتکاردور دویماز جنایتدن هر نه جفا ائتسه منه قالمام عبادتدن سنده گلوب بیر جرعه ایچ جام امامتدن وار طی الارضه قدرتون آزاده گل اوغلوم . . . یاز «نادری» زهر ستم سالدی منی دلدن یاندی جگر دوغراندی دل دوشدوم اوزاق ائلدن تأخیر بیر ساعت منه آرتوقدی بیر ایلدن آهو کیمی توش اولموشام صیاده گل اوغلوم . . . #سبک_ویرانه_ده_نازلو_بالام . . #جلاد_الینده_قالمیشام_امداده_گل_اوغلوم #نادری #ترکی .🍁@torkiy🍁

🏴زبانحال حضرت امام کاظم علیه السلام🏴 ✍ مرحوم قدرت الله نادری میانجی 🍂 ترکی🍂 🎼سبک:ویرانه نده نازلو بالام ...🎼 🎤اجرا:خادم کانال کربلائی سعید سلطانی🎤 🍁@torkiy🍁

زبانحال حضرت موسی ابن جعفر (ع) . . 🍂@torkiy🍂 . ✍حاج علی پورعلی (جاهد) . . آنا زهرا جان وئرور اوغلون موسی جعفر تئز یتیش داده دوتوب اود سینم یانور تئز گل بو دم آخر سال منی یاده . هارای هارونین جفاسیندن هارای ظلم نارواسیندن . آه و واویلا (2) . . . یتیش داده غملی چاقیمده حالیمه آغلا سینه وی داغلا غریبانه جان وئرور اوغلون غملی زنداندا گوزلرین باغلا . هارای هارونین جفاسیندن هارای ظلم نارواسیندن . آه و واویلا (2) . . . غریب ئولسه غملی زنداندا گوزلرین آخر باغلیان اولماز چیخار جانی غملی غربتده اوخشیان اولماز آغلیان اولماز . هارای هارونین جفاسیندن هارای ظلم نارواسیندن . آه و واویلا (2) . . . دئدیم حقدور مکتب قرآن دوشدوم آخر بو غملی زندانه غل و زنجیر آلتدا جان وئردیم عمر غمباریم چاتدی پایانه . هارای هارونین جفاسیندن هارای ظلم نارواسیندن . آه و واویلا (2) . . . رطوبت یئرده زبس قالدیم استخوانیم دوشدی یامان درده تداوم تاپدی بو محنتدن اوخشادی رخساریم گل زرده . هارای هارونین جفاسیندن هارای ظلم نارواسیندن . آه و واویلا (2) . . . رخ زردیم هر نماز اوسته یا مناجاتین انتهاسینده اولوب نیلی ضرب سیلیدن سِندیِ شاهک لر جفاسیندن . هارای هارونین جفاسیندن هارای ظلم نارواسیندن . آه و واویلا (2) . . . ملاقاتیم یوخ مناجاتیم اون بیر ائیل اولدی یا کریم الله مجیب الله ذوالجلال الله یا رئوف الله یا رحیم الله . هارای هارونین جفاسیندن هارای ظلم نارواسیندن . آه و واویلا (2) . . . گوزوم یولدا بو دم آخر غملی قلبیم بیر لحظه دینجلسین بو غم ساعاتیمده دیداره راحت جان اوغلوم رضا گلسین . هارای هارونین جفاسیندن هارای ظلم نارواسیندن . آه و واویلا (2) . . #سبک_شبانگاهان . #آنا_زهرا_جان_ویرور_اوغلون #جاهد #ترکی 🍂@torkiy🍂

🏴زبانحال حضرت امام کاظم علیه السلام🏴 ✍ حاج علی پور علی (جاهد) 🍂 ترکی🍂 🎼سبک:شبانگاهان ...🎼 🎤اجرا:خادم کانال کربلائی سعید سلطانی🎤 🍁@torkiy🍁

زبانحال حضرت موسی بن جعفر (ع) . . 🍃@torkiy🍃 رمضانی (خاکی) . . سبک: می گذردکاروان ... . . . ای گل نازیم رضا محرم رازیم رضا عرشه چیخور سینه دن سوزو گدازیم رضا . تیکمیشم من بو غربت آرا منتظر گوزلری یولارا گل رضا گل رضا گل رضا (2) . . . جسمیده جانیم رضا روح و روانیم رضا جاریدی رخساریمه اشک روانیم رضا . یوخ منه غربتده آغلیان منتظر گوزلری باغلیان گل رضا گل رضا گل رضا (2) . . . جان یغیشیب سینمه حبسیده توشم غمه غصه لی احوالیمه داغ داش ائدور زمزمه . آتوی سال اوغول یاده گل قاره گی شهر بغداده گل گل رضا گل رضا گل رضا (2) . . . جانه گتوردی محن یوخدی منه باش چکن بستریمی گلمسون قبلیه یوخ دوندرن . آغلادور چوخلی بو غم منی یوخ آچان ایاقدان کنده نی گل رضا گل رضا گل رضا (2) . . 🍃@torkiy🍃 . جام غم ایستور داشا ارض و سما آغلاشا کنده و زنجیریله چاتدی حیاتیم باشا . یوخدی بو دردیمون چاره سی توختاماز بوینومون یاره سی گل رضا گل رضا گل رضا (2) . . . شامه دونوب گوندوزوم وای ننه وای دی سوزوم فاطمیه اوخشیور سیلی گویردن یوزوم . قامتیم غمدن اولدی کمان سیلیدن گوزومده واردی قان گل رضا گل رضا گل رضا (2) . . 🍃@torkiy🍃 . دوشدی شماره نفس تنگیدی شیره قفس سسلیورم ایللری یوخدی جوابیمده سس . تیره دور گوزومده روزگار یانیمده یوخدی ایل و تبار گل رضا گل رضا گل رضا (2) . . . . #سبک_می_گذرد_کاروان #سبک_ای_بوغازین_اوچ_پر_اوخ . . #ای_گل_نازیم_رضا #رمضانی_خاکی #ترکی 🍃@torkiy🍃

🏴زبانحال حضرت امام کاظم علیه السلام🏴 ✍ رمضان (خاکی) 🍂 ترکی🍂 🎼سبک:میگذرد کاروان ...ای بوغازین اوچ پراوخ..🎼 🎤اجرا:خادم کانال کربلائی سعید سلطانی🎤 🍁@torkiy🍁

◾نوحه‌ی سینه‌زنی ◾شهادت موسی‌بن‌جعفر(ع) 🍂@torkiy🍂 ◾بنداول کنج زندان اسیرم ای رضاجان کجایی دوریت کرده پیرم ای رضاجان کجایی بی تو من جان سپارم خون ز دیده ببارم(۲) ای‌رضاجان کجایی(۳) ◾بنددوم صورت از ضرب سیلی همچو مادر کبود است عالم از این کبودی پیش چشمم چو دود است بسته در کند و زنجیر محبسم شد نفسگیر(۲) ای رضا جان کجایی(۳) ◾بندسوم لحظه‌ی آخرم شد غصه گشته نصیبم با لب تشنه کردم یاد جَّد غریبم زاده‌ی کوثر من یاد آب آور من(۲) ای رضاجان کجایی(۳) #مرتضی_محمودپور 🍂@torkiy🍂

🏴شهادت حضرت امام کاظم علیه السلام🏴 🍂نوحه ی سینه زنی🍂 ✍ مرتضی محمود پور 🍂 فارسی🍂 🎤اجرا:خادم کانال کربلائی سعید سلطانی🎤 🍁@torkiy🍁

زبانحال حضرت امام کاظم علیه السلام . . 🆔:@torkiy . حاج اصغر فرشچی (عدلی تبریزی) . #سبک_همه_جا_بروم ... . گل آنا یا زهرا بغداده زندانه موسی ابن جعفرون جان ویرورجانانه گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . محبسیم قارانلوق اولموشام ناتوان غریبم جفای زهریدن باغریقان یوخ منیم بو حالدا حالیمه بیر یانان گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . سن اوزون بولورسن بی گناهم آنا بو ظلمی دوشمنیم منه گوردی روا یاندوروب قلبیمی ویردی زهر جفا . گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . بیر نفریوخومدی منی یاده سالسون شریک غم اولسون دردیمدن آزالسون آز قالورگل کیمی صورتیم سارالسون گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . گوزیاشین اورک قانینه قاتارام ترابه یوقویوب جدّیم تک یاتارام هامی عالمی گوزدن آنا آتارام گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . غم هجران یوروب نه وار غمگساریم نه رضا یانومدا نه واردی قزلاریم گلسه اوغلوم اولارهمدمیم غمخواریم گل اُوزون آغلا سینوی داغلا باغلین یوخدی گوزومی باغلا گل آنام زهرا گل آنام زهرا . . 🍁گل_آنا_یا_زهرا_بغداده_زندانه 🍁عدلی_تبریزی 🍁ترکی . . 🆔:@torkiy 🍁سبک_همه_جا_بروم عدلی_تبریزی 🍁گل_آنا_یا_زهرا_بغداده_زندانه

🏴زبانحال حضرت امام کاظم علیه السلام🏴 ✍ عدلی تبریزی 🍂 ترکی🍂 🎼سبک:همه جا بروم به بهانه ای تو..🎼 🎤اجرا:خادم کانال کربلائی سعید سلطانی🎤 🍁@torkiy🍁

نوحه شهادت امام موسی بن جعفر (ع) اثرطبع :کربلایی محمدرضامحمدی(ناعم) 🍂✒مطالب ناب ترکی وفارسی✒(نوحه 'روضه 'مولودیه...)🍂 ▪️▪️▪️▪️ بالینیمه گل اوغول*غملیم آدامسیزام جان یتوب دوداقیمه*صون نفسدی یالقوزام گل رضا.گل رضا. غمله سینه داغلاسن جان چیخور سینه دن گوزلریمی باغلاسن ▪️▪️▪️ اون بیرایلدی گوشه ی محبسون اسیریم محبسون اسیریم عالمون امیریم کنده و زنجیردن پیکریم یارالیدی باش اگمرم ظالمه عزتون سفیریم قلبیمی سیندیروب دیل یاراسی حبسیده اولمیشام دردو غم مبتلاسی حبسیده ▪️▪️▪️ سالدی ایاقدان منی غربتون مشقتی جانه گتوردی منی دشمنون اذیتی اولدورمسه محنت و دردوغم بو گوشه ده آخرمنی اولدورر محبسون رطوبتی گل اوغول قالماسین غملی سینه ده سوزوم گوزلورم من سنی یوخدی سینه ده دوزوم ▪️▪️▪️ چوخ ایستیرم فاطمه باشیم اوستونه گله غملی گوگول، فاطمه گلسه بلکه دینجله یالوارورام سجده ده حی لایزالیمه اولسا رضا اللهیم مطلبیم گلر اله گل اوغول باشیمی آل دیزاوسته جان ویریم یوزده سیلی یرین من سنه نشان ویریم ▪️▪️▪️ حق یولوندادوزموشم دردوغصه وغمه اعلان ایتمیشم اوغول حقی کل عالمه سیلی دگنده منه یانمیشام رقییه آغلامیشام چوخ گجه بوردا زینب عممه عمه مونده قولون اهل کینه باغلادی چوخ گجه من کیمی یاندی سینه داغلادی 🔳🔳🔳🔳🔳 🍂✒مطالب ناب ترکی وفارسی✒(نوحه 'روضه 'مولودیه...)🍂 🍂@torkiy🍂

🏴شهادت حضرت امام کاظم علیه السلام🏴 🍂نوحه ی سینه زنی🍂 🍃ترکی🍃 ✍ کربلائی محمد رضا محمدی(ناعم ) 🎼سبک:یخیلدی سقا یئره...🎼 🎤اجرا:خادم کانال کربلائی سعید سلطانی🎤 🍁@torkiy🍁