کانال ادعیه وگریزهای مجمع الذاکرین (علیه السلام)👇👇👇👇 https://eitaa.com/joinchat/466354217Cce92b3a469 برای استفاده از دعاهاو گریزهای ودسترسی آسان به اون دعا برای مادحین و ذاکرین محترم

🏴#شهادت_حضرت_فاطمه_س 🏴#مدح 🏴#ترکی ✍شاعر:کربلایی محمدرضا محمدی (ناعم) ▪️▪️▪️▪️▪️▪️▪️▪️▪️▪️▪️ شاهکارخلقت خلاق سبحان فاطمه لیله القدرخدا، مفهوم ایمان فاطمه گوهردریای عصمت در رخشان فاطمه ذکریاقدوسینه فوج ملایک مشتری دوقوزایل مولاعلینون همسری همسنگری کیمدی زهراخلقتیندن آسمانلارغرق نور ذکریازهرادی یاران جنته رمزعبور ماتمینده آغلیان واللهی گلمزحشره کور آغلاسادنیاده هرکس دخترپیغمبره لبلری خندان اولار والله گلنده محشره سینه لر اندوه و محنتدن یانارمحشرگونی امته هرراه چاره باغلانارمحشرگونی صوت این الفاطمیون قوزانارمحشرگونی حضرت زهرا قیامتده قیامت ایلیر فاطمیونی اوبلواده شفاعت ایلیر بیزده یازهرا، گلوب بزم عزاده آغلاروخ سیل اشکی ماتمونده بوعذاره باغلاروخ سن چکن دردی خانم، یاده سالوب دل داغلاروخ قویماسنده حشریده مستغرق نیران اولاق منکرون تک، بیزده فریاده گلوب نالان اولاخ آغلاروخ بیزده دمادم او اسفلی حالته قویمادی دشمن بالالارون چاتاامنیته اود ویروب اوچ یوزنفرظلمیله باب رحمته اوج ایدوب شعله ثریایه بالالارآغلادی مرتضانین اللرین ظلمیله ثانی باغلادی دامن مولانی دوتدون، ویردیلار ال چکمدون رشته ی مهرووفانی قیردیلار ال چکمدون بوسه گاه خاتمی سیندیردیلار ال چکمدون عرشیده احمدچاغوردی مرحبازهراسنه فرشیده زینب گلوب داده دیدی ایوای ننه ای قراکوینک گین، ایله مجسم صحنه نی قالدی زهرانون الینده شیرداوردامنی بیرخانم مغلوب ایدوب اوچ یوزنفراهریمنی سسلدی دخت رسولم شانیمی اسگیلتمرم مرتضادن تانفس وارسینه ده ال چکمرم والله ال چکمزدی زهرا جان چیخینجاشاهیدن امرایدوب حیدر که زهرا ال چکه دلخواهیدن امتثال ایتدی خانم امر ولی اللهدن مسجده ساری چکوبلرظالمانه حیدری گلدی داده بوستمدن گنبدنیلوفری یوخ رجوعیم نه اولوب، زهرانه رفتارایلدی مسجده گلدی خانم اوردانه ایثارایلدی خطبه لر ایرادایدوبدی غاصبی خوارایلدی کچدی گونلرماحصل زهرادوشوبدی بستره هرگونی بیرایل کچوبدی حیدر نام آوره آخرین گون باشلادی خورشیدخاورباتماقا سفله چرخ اولدی مهیازینبی آغلاتما فاطمه حاضراولوب خاک بقیعده یاتماقا مرتضانی سسلدی غرق مصیبت ایلدی دیل گلرگلمزخانم زهراوصیت ایلدی عرض ایدوبدی یاعلی جانانی تاپشوردوم سنه مجتبااول دیده سی گریانی تاپشوردوم سنه هم حسین هم زینب کبرانی تاپشوردوم سنه حکم تقدیریله من قبره روانم یاعلی من حسینیمدن ولی چوخ ناگرانم یاعلی یاعلی زهرایه شرح قصه ی هجران اوخی اگلش ای قرآن ناطق کوثره قرآن اوخی لحنوون مشتاقیم یاسین والرحمان اوخی صون نفس زهراییلن بیردم مقال ایله علی سن حسینون جانی زهرانی حلال ایله علی نیمه شب بوپیکری دفن ایتمگه همت ایله دفن ایدنده قبریمون دورین علی خلوت ایله بیرقدر اگلش صورادور منزله رجعت ایله قویماایوده چوخ اوشاقلارقلب زاری داغلاسون فاطمه جانی علی قویماحسینیم آغلاسون ماحصل دخت نبی نون یتدی اتمامه سوزی بیرقدرباخدی امامه لاجرم آخدی گوزی دیده ی زهرانی یاران باغلادی مولا اوزی سسلدی صرصرویروب گل مثلی سولدون فاطمه ایندی راحت یات که غمدن راحت اولدون فاطمه جان چیخینجاجامه ی اندوهی تندن سویمارام تانفس وار، فرقتونده آغلاماقدان دویمارام بیرگجه آسوده زهرابالشه باش قویمارام هرگجه گلم بقیعده شوروافغان ایلرم قلییمی سندنصورامن بیت الاحزان ایلرم گورنه عالمدور که غمدن سینه ی حیدریانور باخ شرارمحنته، هم عود هم مجمریانور حیدرون احوالینه خامه یانور دفتر یانور "ناعما"ساخلاقلم بومطلبه ویرخاتمه شعروون مزدین ویرر روزقیامت فاطمه ▪️▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#شهادت_حضرت_فاطمه_س 🏴#مدح_مرثیه 🏴#ترکی ✍شاعر:مرحوم رجائی #بهشت_نکهت_آلوب_رنگ_و_بوی_زهرادن ▪️▪️▪️▪️▪️▪️▪️▪️▪️▪️▪️ فرشته سُرمه چکوب خاک کوی زهرادن غزال دشت خُتن مست اولار خطا چولینه اگر صبا آپارا عطر و موی زهرادن جهانه شور دوشَر راویان محفل عشق حکایت ایلسه لر خلق و خوی زهرادن مقام عصمته باخ ساکنان عالم قدس ایدوبدی اخذ شرف آبروی زهرادن فلکده گون دولانور هر زمان بو امیده گوره معاینه بیر نقطه روی زهرادن فضای عرش تاپاردی صفای روحانی نماز نیمه شب و هاو هوی زهرادن ورای عقل بشردی مقال وصف بتول عقول مات قالار گفت و گوی زهرادن عطای رخت عروسی گدایه شام زفاف دِگل بعید دل مهر جوی زهرادن او چشمه ای که ویروب خضره عمر جاویدان نشانه دور اُوزی بیر قطره جوی زهرادن علی الصباح قیامت چتین گلر هوشه او کس که مست اولا جام و سبوی زهرادن نه رمز دور که فلک قویمیوب گیده بیردم زلال آب گوارا گلوی زهرادن قصور وعجزینه با المرّه اعتراف ایلر قلم که شرح ایده جور عدوی زهرادن حدیث سقط جنین ماجرادی محشر دی هزار حیف او طفل نکوی زهرادن گیدوب دانشدی سالوب انقلاب مسجد ده قیامت اولدی عیان گفت و گوی زهرادن قباله الده گلور ناگهان او ملعونی گتوردی امر قضا روب روی زهرادن نه روح پاک رسول خدانی یاده سالوب نه شرم ایدوبدی اوزوندن نه شوی زهرادن اَلی یوزونده گلوب منزله الهه ی ناز ولی بنفشه خجل رنگ و روی زهرادن او گوندن اولدی خانم مبتلای درد و مرض سیاه قالمادی بیر رشته موی زهرادن فقط ئولومده بولوب روزن نجاتی خانم بو قصّه کشف اولوری آرزوی زهرادن یازوبدی کلمه عجّل وَفاتی لوح لَبَه اورک یا نور او غم توبه توی زهرادن او اَل که اوندا داخی اولمادی توان قنوت تعجّبم نه دیوم من وضوی زهرادن نه دردلر که آپاردی اورکده قبر ایوینه کیم آگه اولدی او سرّ مگوی زهرادن هاچان ظهور ایده سن ای امام کون و مکان یورولدی شیعه داخی جست و جوی زهرادن بَسُوندی هر ایکی دنیا بو موهبت ((مجنون)) اگر آدون یازالار نوحه گوی زهرادن ولی محالیدی بیر کلمه ثبت دفتر اولا توجّه اولماسا گر شعره سوی زهرادن ▪️▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#شهادت_حضرت_فاطمه_س 🏴#نوحه_زمزمه ✍شاعر:علی عبدی ▪️▪️▪️▪️▪️▪️▪️▪️▪️ یوخ حرمین وار نه غمین فاطمه قلبیلر اولموش حرمین فاطمه فاطمه یا فاطمه 🏴🏴🏴🏴🏴 گر چه بقیع بیزلره زندان اولوب مرقد پاکین هله پنهان اولوب اهل ولانون اورگی قان اولوب گویده اسور بو علمین فاطمه 🏴🏴🏴🏴🏴 اَهل ولا گوز تیکوب اُول پرچمه گوز سنون عشقینده دونوب زمزمه لرزه سالوبدی بو آدین عالمه گون به گون آرتور کرمین فاطمه 🏴🏴🏴🏴🏴 روز قیامت که اولار اُمته اوندا که دللر دوشه جک وحشته هامیدان اوّل او گوزل جنّته سن قویاجاقسان قدمین فاطمه 🏴🏴🏴🏴🏴 گرچه وار عیساسی خانم مریمون فکر ائلمه وار سنون اوندان کمون مین دَم عیسایه دَیَر بیر دَمون مریم اولوبدی خدمین فاطمه 🏴🏴🏴🏴🏴 حضرت عیسی هارا اوغلون هارا کرب و بلا شاهینه جانلار فدا چون ایکی دنیاده سنون اوغلووا فخر اِئلویر عرش و زمین فاطمه 🏴🏴🏴🏴🏴 فخرایت ایکی سرور ئوپوب اَللرین اوّلی پیغمبر ئوپوب اَللرین بعد نبی حیدر ئوپوب اَللرین بسدی بو شأنینده همین فاطمه بانوای:کربلایی منوچهرحسن زاده #سلیم_نظرآباد_منوچهر_حسن زاده ▪️▪️▪️▪️▪️▪️▪️▪️▪️▪️▪️ ♦السلام علیک یا اباعبدالله الحسین (ع)♦ 📌ناب ترین کانال ترکی زیر نظر گروه مجمع الذاکرین @turki_nohemajma #کانال_ترکی_مجمع_الذاکرین

🏴#شهادت_حضرت_فاطمه_س 🏴#روضه ✍شاعر:علی عبدی ▪️▪️▪️▪️▪️▪️▪️▪️▪️▪️▪️ 🏴زبانحال حضرت علی بعدازدفن زهرا ▪️▪️▪️▪️▪️▪️▪️▪️▪️▪️ گوزوم یاشی اولوب زمزم آخور رخساره من نیلوم اولوب سلب اختیار اَلدن یوخوم بیرچاره من نیلوم قوتارسا گوزده گوزیاشیم سنه قان آغلارام زهرا سرشکیم آخماسون سن تک وفالی یاره من نیلوم اگر امکانی اولسیدی آئوومده آغلامازدیم من گوزوم زهرا دوشن وقته در و مسماره من نیلوم غبار غم سالوب سایه قرانلیق بیت الاَحزانه در و دیواریمه آتش چکوبدور قاره من نیلوم قیزین خُلق وخویون ئووده آنا یاخچی بیلر زهرا قویاندا زینب نالان یوزون دیواره من نیلوم قرانلیق منزلین زینب ائدیبدور مجلس روضه گلنده دورت گلون نی تک او ئووده زاره من نیلوم اِئلیکی اوخشویار زینب اولار محنتلریم تازه اَلو تک غملریم دلده اِئدر فواره من نیلوم سارالموش گللرین هرگون ویرار بو قلبیمه یاره نظاره ایتمیوم زهرا صولان گلزاره من نیلوم وئرنده غسلوی گوردوم قوَرمیش بازوانین من او گوندن واردی قلبیمده بیوک بیر یاره من نیلوم منیم خوش گونلریم سنلن یتوشدی عمری پایانه فراق یاریدن اولموم نجه آواره من نیلوم گرک سندن صورا منده ئولیدیم ئولمدیم اما بو درده حیف اولا یوخ بیر اَلیمده چاره من نیلوم بانوای : کربلایی منوچهر حسن زاده #سلیم_نظرآباد_منوچهر_حسن زاده

🌹سینه زنی بمناسبت ایّام فاطمیّه🌹 ________________________ سینونده مسمار یاروه آغلارام زهرا آغلارام زهرا سیلی دَیَن رُخساروه آغلارام زهرا آغلارام زهرا یازهـــــــــــــــــرا - یازهـــــــــــــــــــرا ________________________ باشه پیمبر قاره سین - باغلادون زهرا هجرینده قلب زارووی - داغلادون زهرا ایوده اوتوردون هر گجه - آغلادون زهرا اوُل قلب پاره پارووَه - آغلارام زهرا آغلارام زهرا ________________________ سیلی دگنده صورتون - دَیْدی دیواره درد و غمه دوشدی حَسَن - قالدی آواره سیندی قولاقوندن یره - دوشدی گوشْواره یانّام سینان گوشْواروه - آغلارام زهرا آغلارام زهرا ________________________ سندن صورا حیدره غمه - مبتلا اولدی شیر خدانون قلبینه - غصّه لر دولدی قلبی شکسته قیزلارون - گُل کیمین سولدی سولموش گُل و گلزارووَه - آغلارام زهرا آغلارام زهرا ________________________ غسلون ویرنده بس نَدَن - آغلادی حیدر بیر حاله قالمیشدی بَدَن - آغلادی حیدر قانه بویاندی آغ کفن - آغلادی حیدر اوُل سینهٔ تبداروه - آغلارام زهرا آغلارام زهرا ________________________ سندن صورا زینب قیزون خانه دار اولدی فِقــــــدانُوَه هجـــــــرانوه - بیقــــــــرار اولدی یاندی گووَرمیش صورته - اشکبار اولدی زینب کیمی دلداروه آغلارام زهرا آغلارام زهرا ________________________ برگرفته از کتاب حُبُّ الْحُسَینِ فیضی استاد رحیم فیضی اردبیلی