#نوحه #اربعین 🎤کربلایی سعید سلطانی نام مداح حذف نشود ❌ @turki_nohemajma #کانال_ترکی_مجمع_الذاکرین

حضرت زینب سلام الله علیها قاپوسین کیم دوگه ای دل نظر ایلر زینب نظر ایتسه سوزومی پر اثر ایلر زینب سائل درگهینی مفتخر ایلر زینب مس جان قابل فیض ائلسا زر ایلر زینب عاشق بی خبری با خبر ایلر زینب قلبلر ملکنی زیر و زبر ایلر زینب باب زینب در رحمتدی دینن یازینب آتاسی شاه ولایتدی دینن یازینب آناسی محور خلقتدی دینن یازینب ئوزی دریای کرامتدی دینن یازینب من دیسم کیمدی که برج شرفه کوکبیدی سن دینن شیر زن کرب و بلا زینبیدی صاحب منطق برّان کیمیدی؟ زینبیدی پرچم دینی اوجالدان کیمیدی؟ زینبیدی حافظ مکتب قرآن کیمیدی؟ زینبیدی اوکه حقّی ایدوب اعلان کیمیدی؟ زینبیدی شهدا قانینه آمِن کیمیدی؟ زینبیدی اسرا جانینه ضامن کیمیدی؟ زینبیدی قورخودار جنگیده هر عورتی قان منظره سی قتلگاهین قانیدی، میمنه و میسره سی شادلیق ایلورده قوشون بیر باش النده هره سی گوردی مین خنجر ایشین بیر خانمین حنجره سی نطق ادوب حقّی دیریلدن کیمیدی؟ زینبیدی آل سفیانی کیچیلدن کیمیدی؟ زینبیدی کیمدی زینب باشی طوفانلی علمدار قیام حَسنی خوی و حسین پیشه و عباس مرام یِدّی معصومیله هم عصر، سخن گوی امام آناسندان صورا یوخ ئوزگه خانمدا بو مرام دستپروردۀ زهرا کیمیدی؟ زینبیدی دانش آموز تولّا کیمیدی؟ زینبیدی زینبون پاک آدی هر یرده یازیلسا علمه با وضو گَل ایله بیل وارد اولورسان حرمه غفلت ایتمه یازیلار مین حسنه هر قدمه نیلیوبدی گور او بانوی ملائک خدمه جمع نسواندا سرآمد کیمیدی؟ زینبیدی حامی دین محمّد کیمیدی؟ زینبیدی ای قلم یازما نلر چکدی حسینون باجیسی قلبیده تخم وفا اکدی حسینون باجیسی زین اب، فاطمه مسلکدی حسینون باجیسی عشقیده مرتبه ده تکدی حسینون باجیسی ایله تک قالدی گیدوب قید آرادان آغلاماقا بیر نفر اولمادی حتی گوزونی باغلاماقا دللره سالماقا طوفان فلک ایتدی عجله بو ترابین قیزینی سالدی کمند اجله دولدی جان اوسته گوزی گلمدی مقصودی اله باجیدی حسرتی وار قارداشی تشییعه گله هی صاقا باخدی صولا باخدی دیدی جان یارالی نگران باجی یولا باخدی دیدی جان یارالی هارداسان ای آدی خاطرده محبت سندیم منتظر عاشقیوم گوز یاشی غربت سندیم آغاران باشدی فراقونده فراغت سندیم قمچی لر ردّی وجودیمده شهادت سندیم قوی دیسونلر حرمندن اوزاق ئولدوم قارداش من او گودالیده سندن قباق ئولدوم قارداش آند اولا فاطمه نین باشدا قرا معجرینه آند اولا کوچه هاشمده قوپان محشرینه بلورم ثبت اولوب آدیم اسرا دفترینه آخر خطده قوشولّام شهدا لشکرینه عاشقم ایستمورم عشقیمی قلبمده بؤلم بویودی عهدیم حسین قمچی لر آلتندا ئولم آخ گوروم مکتبوین یاری چوخ اولسون یارالی عشقیوین رونق بازاری چوخ اولسون یارالی قبریوین عاشق دیداری چوخ اولسون یارالی یاز ئوزون تذکره زواری چوخ اولسون یارالی کعبه مولودینون اوغلی، نه نیازون گلنه قره احرامیله کعبه ئوزی زائردی سنه

اربعین 📝 جعفر فتح اللهی ( شاکر ) ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان #کانال_ترکی_مجمع_الذاکرین

#اربعین #ترکی #کانال_ترکی_مجمع_الذاکرین

ای منی درده سالان نعشی قالان بلالی چوللرده اشکیمی قانه قاتان خسته یاتان یارالی چوللرده ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان قرخ گوندی باش قاراسی دیل یاراسی سالوب بیزی دیلدن هر گون هر لحظه هر آن اولدی گران بو قرخ گونی ایلدن ای شاه تشنه جگر آلما خبر خرابه منزلدن نه نوعی یاده سالام سارالدی سولدی لالام رقیه دن نه دیوم آجیندان ئولدی بالام وفالی قارداش اویان یارالی قارداش اویان قرخ گوندی دربدرم خونجگرم اسیر عدوانم قول باغلی شام و سحر دیده سی تر غمونده گریانم سینان بوداغی گولم گورونمیوبدی گولم قوجالموشام منه باخ او سن گورن دگولم وفالی قارداش اویان یارالی قارداش اویان قرخ گوندی فرصتمیز اولمادی بیز دوتاق سنون یاسون قارداش یوللاردا سولوب پرپر اولوب نچه گل یاسون گلمدوز دادیمیزه دادیمیزه نه سن نه عباسون ئوزون مناده حسین باشون جداده حسین تفاقیمیز داغیلوب بو کربلاده حسین وفالی قارداش اویان یارالی قارداش اویان جعفر فتح اللهی ( شاکر ) #کانال_ترکی_مجمع_الذاکرین

#اربعین #ترکی 🎤حاج جواد نادری #کانال_ترکی_مجمع_الذاکرین

اربعین آمد دلا امروز زینب خسته است آمده بر کربلا امروز زینب خسته است در کنار مرقد شش گوشه بنت المرتضی گویی افتاده ز پا امروز زینب خسته است این همان بنیان کنِ کاخ ستم باشد ولی دارد آهنگ عزا امروز زینب خسته است ای شهیدان بهر استقبال او کاری کنید بوده حامیِ شما امروز زینب خسته است ای برادر حال خواهر را نمی پرسی چرا هم چو نی دارد نوا امروز زینب خسته است خیز ای عباس پرچم را از او تحویل گیر قامتش گشته دو تا امروز زینب خسته است ای علی اکبر قطار عمه ات برگشته است گوید ای مشکل گشا امروز زینب خسته است ( ولی الله کلامی

#اربعین #فارسی#ترکی 🎤حاج جواد نادری #کانال_ترکی_مجمع_الذاکرین

#اربعین 🎤مرحوم باقر منصوری #کانال_ترکی_مجمع_الذاکرین

❣﷽❣ 🔳 #روضه_امام_حسین_ع 🔲 #روضه_اربعین 🔳 #ترکی #کانال_ترکی_مجمع_الذاکرین ◾️▪️🔲▪️◾️ "اَلسَّلامُ عَلَیْکَ یا اَباعَبْدِاللهِ وَ عَلَى الاَْرْواحِ الَّتى حَلَّتْ بِفِنائِکَ عَلَیْکَ مِنّى سَلامُ اللهِ اَبَداًما بَقیتُ وَ بَقِىَ اللَّیْلُ وَ النَّهارُ وَ لاجَعَلَهُ اللهُ آخِرَ الْعَهْدِ مِنّى لِزِیارَتِکُمْ" "اَلسَّلامُ عَلَى الْحُسَیْنِ وَ عَلى عَلِىِّ بْنِ الْحُسَیْنِ وَ عَلى اَوْلادِ الْحُسَیْنِ وَ عَلى اَصْحابِ الْحُسَیْنِ" دو بیتی مقدمه بر کنار قبرت ای شه دیده گریان آمدم خیز از مدفن ببین حال پریشان آمدم السلام ای سبط طاها سرور آزادگان ای حسین ای پور حیدر شاه عطشان آمدم (حبیبی ) 😭 روز ، روز اربعین حسینی ، اورک لری روانه کنار حرم با صفای آقا ابا عبدالله علیه السلام هم ناله اولاخ با اهلبیت دلسوخته ، عصمت و طهارت علیه السلام ، بویون کی گونون مثلینده کاروان حضرت زینب سلام الله علیها گلدی کربلایه ، تا مزار شهدا گوزلره گورسندی ، اوغلی ئولن ننه لر ، قرداش سیز باجیلار ، یورقون بالالار ئوزلرین سالدیلار مزارلر اوسته هره بیر قبری آلوب آغوشه ، عمه سادات حضرت زینب ( س ) گلوب قارداش مزارینه معمولا رسمیدی قبر اوستونه گیدنده گوررسن گل و گلدسته آپاراللار سالاللار قبر اوستونه آما خانم نیلدی ، بیله اگلشدی قارداش مزارینون اوسته😭 بیوردی حسین : ای عالمون غریبی وطن سیز یاتان حسین گلـــزار کربلاده چمن سیز یاتان حسین زینب باجون آلوب گتوروب قانلی کوینگون سالدی مزارون اوسته کفن سیز یاتان حسین ( شعر جمال حبیبی ) 😭خانم او اوخلی پیراهنی سالدی مزارین اوسته ، باشلادی بیله یانا یانا درد دل ایتماقا ‌حسین جان آیریلاندا کربــــلادن ای پناه عالمین آغلادی احوالیمه معناده روح یا و سین ریزه قوملار اوسته قویدوم پیکرین عریان حسین چاره م اولمــادی امیدیم گلدی بیر اشک تره بوینی چیگنینده دونوب باخدیم اوجسم اطهره ،،،،،،،،، زینبه مشکل زمان باغلاندی راه چاره لر مقتلونده سینه لر چاک ائتدیلر آواره لر قان وئروردی سینون اوستونده سایسیز یاره لر اللری قوینیندا آز قالدی او گون جانه دویام اولمادی امکان یارالــی سینوه مرهم قویام ،،،،،،،، 😭داداش جان قوی دیوم نلر چکمیشم کوفیان قارداش دم از دین و دیانت ووردولار لاف آزادیّ و مردیّ و شرافت ووردولار نیزه اوسته باشووه سنگ عداوت ووردولار آخدی ثارالله جمال اللهی گلگون ایلدی تازه یارون عترت طاهانی دل خون ایلدی 😭حسین جان قوی شامیدن ده دیوم شامون اهلی هر قدر ائتدی بیزه ایذا حسین قلبیم اقیانوس اولوبدور، غملریم دریا حسین گوشهٔ ویرانه ده سنسیز داریخدیم یا حسین بیر گئجه گلدون خرابه منزله وئردون صفا ائتدیلــر باشـون زیارت عترت خیرالنسا 😭 اما داداش جانم ، خرابه شامین مصیبتی چوخ نیسگیللدی ، تا رقیه باشوی گوردی ، آلدی قوجاقنیه او قدر دیل دیدی ،او قدر درد دل ایلدی ، او قدر آغلادی تا آتا باشی قوجاقینده جان ویردی 😭 اوخشادی بی کس قالانلار نصف شب بیر بی کسی قوزانوب ویرانه دن عرشه رقیم وای سسی یاندیروبدور زینبون قلبین ربابون ناله سی قلبنون قانین قاتوب اشکیله خون دل یدی گه رقیم وای دیدی ، گه اصغره لای لای دیدی ،،،،،،،، یاندی قلبیم ای سُرور سینهٔ خیرالنّسا قمچی لر دلدن سالوب جان وئردی اولْ مظلوم بالا غسلینی غسّاله وئردی نوبه چاتدی کفن اولا 😭 حسین جان نیسگیلیم بودی تاپمادیم بیر آق کفن قالدی اورگده اللریم جسمینه اولدی کفن آخرده قاره معجـریم ،،،،،، ایندی زوّار اولمیشام شش گوشه قبر اطهره قبرون اوسته قاتمیشام خون دلی اشک تره دور اقــلاً خـوش صفا ائت زینب غم پروره خسته ام قلبیم سینق دور، ای شه گلگون قبا بیر باجــی سسله اقـلاً غملریم یاددان چیخا ،،،،،،،،،، باشه چاتماز روزگار محنت آثاریم حسین حالیمی ایلر حکایت رنگ رخساریم حسین زینبون آل گوگلینی ای یار و غمخواریم حسین راضی اولما حسرتیله اشکیم آخسون دامنه قبرون اوسته سو گتوردوم، دور باجون قربان سنه ،،، ،،،،،، آفتابیم گور نجه سوسو وورور اولزوزلارون قبرون اوسته گوز یاشی جاری، ائدورلر قیزلارون باش آچوب اوخشار سنی دلدن دوشن یالقوزلارون باغلیوبلار عارضه بی کسلرون غم سِیلینی ای شهنشاه زمان دینـدیر رباب و لیلینی ،،،،،،،،، 😭 بیر بند اوخویوم وقتیم تمام ، التماس دعا بو زیارتدن یازیلسا ، آزدی مین لرجه کتاب قبر عباس ایلیوب ، کلثومی قارداش دلکباب اصغرون قبرین بو صحراده گزور غملی رباب اوندا آلمیشدی الیندن چرخ گردون چاره سین ایندی ایستور بیر ئوپوب بیر باغلاسون اوخ یاره سین التماس دعا #کانال_ترکی_مجمع_الذاکرین

❣﷽❣ 🔳 #سینه_زنی_اربعین 🔳#زمزمه_اربعین 🔳 #ترکی #سبک ؛ یا حسین‌ غریب‌ مادر السلام عزیز زهرا السلام عزیز طاها اربعینه گلمیشم من زینبم بلاده دریا قبرین اوسته دور یارالی بیر قطار غم گتیردیم بولوری خدا نه نوعی اوزومی سنه یتیردیم منه وئر خبر یارالی قاسمیله اکبریم دن منه وئر خبر یارالی شیر خواره اصغریم دن رخت قاره وار تنیم ده من عزالیم عزالی بو بلالی زینبین ده آخیر اولدی کربلالی ائله دوشموشم نفسن دن دشمنین امان الین دن قالمییب دیلیم ده طاقت شمریله سنان الین دن ساربان دل غمینه اوت سالیردی یاندیریردی ال ده قمچی شام یولون دا بالا قیزلاری ویریردی نقدر دئدی رقیه شمره قلبه زاره دیمه اکبریم آلیب دی ظالم داخی گوشواره دئیمه (کربلایی امیرحسامی✍حسامـ) 🌹هدیه به حضرت معصومه سلام الله علیها (صلوات)🌹 ┈••✾•🌿🌺🌿•✾••┈

‍ ❣﷽❣ 🏴 #سینه_زنی_اربعین 🚩 #ترکی 🏴 #سبک لایلای گؤزومون نوری ... دور همسفرین گلدی ای همسفر زینب بو دشت غم افزایه دوشدی گذر زینب عالمین سلطانی لایلای حسینیم قبروین قربانی لایلای حسینیم 🚩🏴🚩🏴🚩 غم یورقونیام قارداش آشفته و دلخسته سن لیلی باجون مجنون باخ عاشق سرمسته دردیم گؤتوروب گلدیم ششگوشه مزار اوسته شهپرلریم اودلاندی ای بال و پر زینب دور اخا قبریدن نالاندی زینب ششگوشه قبروه مهماندی زینب 🚩🏴🚩🏴🚩 بو قطره ی بی جاندان دریایه سلام اولسون دردانه و دلبند زهرایه سلام اولسون سینونده یاتان طفل زیبایه سلام اولسون راحت یاتون ای دوتقون شمس و قمر زینب ئولمدیم قبریوه گلدیم یارالی دور منی پیشواز ائت زهرا مارالی 🚩🏴🚩🏴🚩 بو محنت عظمایه هم آتش و آب آغلار احوال شهیدانه هر قلبی کباب آغلار هم لیلی بی اکبر هم خسته رباب آغلار هجرونده روان اولدی اشک بصر زینب آغلارام سینه می داغلارام قارداش سینه وین یاره سین باغلارام قارداش بو چؤللری آواره گزدیم نگران گلدیم پیراهنوی آلدیم اللرده نشان گلدیم دردانه قیزون وئردی ویرانه ده جان گلدیم بار غم و محنتدن سیندی کمر زینب شعله عشقوه آلیشدیر منی یورقونام خستیم دانشدیر منی 🚩🏴🚩🏴🚩 سایسیزدی منیم دردیم هرغم دله بیر اوخدی سس ویر منه آی قارداش قلبیمده سؤزوم چوخدی اهل حرمون گلدی ایستکلی قیزون یوخدی ویرانه ده دفن اولدی گنج و گهر زینب گلمدی خرابه یئرلرده قالدی رقیه نین آدی دیللرده قالدی (#ابوالفضل_عباسی_معروفان_اهری) ┈••✾•🌿🌺🌿•✾••┈

‍ ‍ ❣﷽❣ 🌴#زمزمه_اربعين 🌴#سبک ای قلم سوزلرینده اثر یوخ جامه عشقوی... مطهری... زینبم گلمیشم اربعینه بزم ماتم قورام شاه دینه ایلیم قبر پاکون زیارت آغلیام بیر دویونجا حسینه سن یارالی حسین من یارالی سن وفالی حسین من عزالی آیریلان وقته من کربلادن درده گلمیشدی قلبیم جفادن چکدی عشقون منی کوه و دشته وای که گوردوم آخور قان یارادن سن یارالی حسین من یارالی سن وفالی حسین من عزالی (حاج ابراهیم رهبر) ┈••✾•🌿🌺🌿•✾••┈

✔️ اربعین سبک : اصغریم ای شیرین زبانیم یاحسین دورنوایه گلدیم ئولمدیم کربلایه گلدیم اربعین دوتماقاعزیزیم قبرین اوسته نوایه گلدیم آیریلیق غملی سرنوشتیمدی منیم زینبم کربلا بهشتیمدی منیم حسینجانم۲ من حسین هجراوتوندایاندیم شامی هم کوفه نی دولاندیم منطق فاطمی له قارداش عترته آبرو قازاندیم قویمادیم آل هاشمی خوار ائده لر پرچم نهضتی نگون سار ائده لر حسینجانم ... بوهمان دشت غم فزادی سربه سرناله ونوادی غملیدی صحنه سی فراتین سو دئمه آتش عزادی نهرعلقم آخورهله ئوزباشینا باخمور هئچ زینبین آخان گوزیاشینا حسینجانم ... جان حسین مهربان یارالی باغریمی ائتمه قان یارالی من سنه غصه لی قوناقم سن منه میزبان یارالی قبریدن دورایاقه حالیم خبر آل قوی الون سینمه ملالیم خبرآل حسینجانم ... دئمه دینجلمدی رقیه سسلدیم گلمدی رقیه اصغریم جان وئرنده گولدی آغلادی گولمدی رقیه من اونون نازلی گوزلرین باغلامیشام قبرینی شامیده قازوب آغلامیشام حسینجانم ... من کلام: کلامی زنجانی

#نوحه #اربعین 🎤کربلایی سعید سلطانی نام مداح حذف نشود ❌ @turki_nohemajma #کانال_ترکی_مجمع_الذاکرین

#اربعین #روضه حسین اربعینه گلوب زینبون گوروب قبریوی دینجلیب زینبون منیم نور عینیم.  یارالی حسینیم سلام علیک حسین گلشنینده نه گوللر آچوب کنارینده سرو صنوبر یاتیب علمدار لشکر هایاندا یاتوب منیم نور عینیم.  یارالی حسینیم سلام علیک ائدم درد عشقه دوا گلمیشم قورام بوردا بزم‌ عزا گلمیشم منیم نور عینیم.  یارالی حسینیم سلام علیک . دیده را گفتم که هان گریان مشو اشک ریزان پیش نامردان مشو . ناکسان از گریه ات خندان شوند پای می کوبند و دست افشان شوند اسارتده ظلمون اوزون سیخمیشام فتوحاتیله شامیدن چیخمیشام یزیدین اوینده اوین ییخمیشام منیم نور عینیم.  یارالی حسینیم سلام علیک بو یولاردا کسب وقار ائتمیشم حسینی لیقا افتخار ائتمیشم یزیدی لری خار و زار ائتمیشم منیم نور عینیم.  یارالی حسینیم سلام علیک الیمنن قراری آلان گلمدی منی درد عشقه سالان گلمدی گلیردیم رقیه بالان گلمدی منیم نور عینیم.  یارالی حسینیم سلام علیک سحر اولدوزی تک‌ آخوردی بالان ایله یاندریردی یاخوردی بالان منه جان وئرنده باخوردی بالان منیم نور عینیم.  یارالی حسینیم سلام علیک

#حسین_اربعینه_گلیب_زینبون #اربعین #روضه با نوای حاج عاملی🖤😭

بسم الله الرحمن الرحیم شعر اربعین ( قوی دیوم نلر چکموشم حسین من بو قرخ گونی روزگاریدن ) ( شمریله گزوب شام و کوفه نی گور نه دوشموشم اعتباریدن ) من سنه حسین، جان وئرن زمان بیر دویونجا هئچ آغلیانمادیم قارداشی ئولن باجیلار کیمی مقتلونده دل داغلیانمادیم یاره لی باشون دوشدی اللره حیف اولا گوزون باغلیانمادیم دور ایاقه بیر صحبت ایلیاخ قلب خسته و داغداریدن من گئدنده سسلندیم ای خدا رحم ائله وطن سیزدی قارداشیم گلشنی سولوب گللری پوزوب خسته دی چمن سیزدی قارداشیم گون شاخیر باخیر شمریله سنان عوریدی کفن سیزدی قارداشیم گلشنینده گوللر گلیلیدی هجر یاریدن زجر خاریدن شمس عشق سن ماهتابوی اولدوز اولدوز ائتمیشدی اشقیا جزوه جزوه قرآن کیمی اونی پخش ائدوب یره قوم بی حیا گوئیا ییغوب زین العابدین زحمتیله سرداریوی اخا روضه ابالفضلی آل خبر گوزلریمده کی آبشاریدن قوی دیون نلر چکموشم اخا یولدا بی حیا نیزه داریدن چوخ یوروبلا یولاردا باشوی دشموشم داخی اختیاریدن زینبی اوتاندیردیلار حسین هم رباب و هم شیر خواریدن صودامر باشی نیزه دن دوشوب اوستون آشمورام اضطراریدن شیر خوار آناسی کیمین بیری آتش جفادن آلیشمادی شامه جک ئوزوم شاهدم اخا هئچ کسیله اصلا دانیشمادی سو باریشدی اونلان ولی رباب عاقبت سویلان باریشمادی هی دیوردی قانه دونیدی سو سالدی اصغری گاهواریدن گلْستاندا پروانگان غم دور ایاقه باخ شمع ائدوب سنی خنجریله ، نیزیله ، تیریله هر گلن ویروب قمع ائدوب سنی شمر و ساربان قسمت ایلیوب زین العابدین جمع ائدوب سنی بارماقون تاپونجا دوشوب بالان نقل ائدوله که اختیاریدن #اللهم_عجل_لولیک_الفرج #مهدی_باباپور ۱۵ مهر ۹۸ ۷ صفر

نوحه کربلا کربلا    کربلا     ای     تربت     شهیدان حسین عاشقلری  ششگوشه قبره  قربان بیز   غم   رختین   سویماروق کربلادن                دویماروق آند  اولسون   حسینون   گنبدینده   علمه کربلا    یولوندا   بیز    دؤزَروخ   هر  غمه صبا    بو     پیامی    یتور     نهر    علقمه بیز   غم   رختین   سویماروق کربلادن                دویماروق ثار الله     آرتیردی      کربلا      امتیازین قیلدی قان  ایچینده حسین عشقین نمازین قاتلی سجده ده کسدی سوسوز  بوغازین بیز   غم   رختین   سویماروق کربلادن                دویماروق وئر  باده  تشنه ی  پیمانه یوق حسینجان سن شمع وفا  بیز پروانه یوق حسینجان کربلا  عشقیندن   دیوانه یوق  حسینجان بیز   غم   رختین   سویماروق کربلادن                دویماروق قربانم     آقامون    قانی    آخان     مقتله زهرا  اوغلون دشمن  آتدان  ییخان مقتله اوجا    تلّین   اوستن  زینب  باخان   مقتله بیز   غم   رختین   سویماروق کربلادن                دویماروق امّ البنین  اوغلی   قانه   باتوب  او  چولده جان فکرین ابوالفضل باشدان آتوب اوچولده سو آخوب قول دوشوب پرچم یاتوب او چولده بیز   غم   رختین   سویماروق کربلادن                دویماروق ◦•✾ کانال رسمی ثقلین ✾•◦  

*روضه امام رضا،ع،* جان ویرورم گَل باجی معصومه گَل زهر ویروبدور من مظلومه گَل اود دوتوب اودلاندی دل مضطریم زهر اثریندن یانوری لبلریم یرده یوزوم یولدا قالوب گوزلریم جان ویرورم گَل باجی معصومه گَل گلشن عمریم گُلی خندان اولوب حالیم آنام باجی پریشان اولوب غربت اَلیندن جگریم قان اولوب جان ویرورم گَل باجی معصومه گَل گورماقیم اطفالیمی اولدی محال محشره قالدی باجی بیرده وصال عترتیمون باشلارینه قاره سال جان ویرورم گَل باجی معصومه گَل من کیمی یوخدور کسیلن چاره سی زهریله خونین دل صد پاره سی غربت اسیری وطن آواره سی جان ویرورم گَل باجی معصومه گَل وار نه منیم حالیمه بیر آغلیان باشیمون اوستونده جگر داغلیان اُلسم اگر یوخ گوزیمی باغلیان جان ویرورم گَل باجی معصومه گَل زهر ویروبدور منه دشمن باجی رحلت ایدم آز قالوری من باجی گَل گوزیمی باغلاماقا سن باجی جان ویرورم گَل باجی معصومه گَل ظلمیله مامون پلید و شقی ایلدی خاموش بو نور حقی قالدی یتیم ای باجی اوغلوم تقی جان ویرورم گَل باجی معصومه گَل رحم ایدن ای کاش اولا گوز یاشیمه ایلیه اخطار بنی هاشمه قومو قبیله یغیشا باشیمه جان ویرورم گَل باجی معصومه گَل گوردی من بی کسی دشمن غریب ایلدی اوز بُلدوقون ایمن غریب دشمنیمون قدرتی چوخ، من غریب جان ویرورم گَل باجی معصومه گَل گوشه ی غربتده اَُلن گونده من کاش اولِیدون باشیم اوستونده سن جسمیمه زلفوندن ایدِیدون کفن جان ویرورم گَل باجی معصومه گَل مردمک گوزده مجسّم اجل یرده یوزوم، یولدا گوزوم، دلده اَل سسلنوری جدّیم اوغول دورما گَل جان ویرورم گَل باجی معصومه گَل گوردی قضا ظلمه منی چون رضا جبراً عیالیمدن آیردی قضا دل دوداقیم یاندی مَضی ما مَضی جان ویرورم گَل باجی معصومه گَل ایلدی بیر پایه ده مامون جفا واوَلَدا سویلدی خیرُ النّسا ایتدی خراسانی منه کربلا جان ویرورم گَل باجی معصومه گَل سِلم و رضا مُلکینه من والیَم جدّیمه غربتده بو گون تالیَم بو غمیله اُلّم، اوزوم حالیَم جان ویرورم گَل باجی معصومه گَل باغلی دگل شهر سناباده یول فرض حسین ایت، منه سن زینب اول بوینوما سال باجی دین وقته قول جان ویرورم گَل باجی معصومه گَل دشت بلاده او شه انس و جان ویردی لب عطشان قوری یرلرده جان آغلارام احوالینه جان اوسته قان جان ویرورم گَل باجی معصومه گَل قانیله غلطانیدی مظلوم امام دوره سین آلموشدی گروه ظلام آز یولیدی قتلگهیله خیام جان ویرورم گَل باجی معصومه گَل گرچه دگلدی او قَدَر فاصله مانعیدی لیک سَنان، حرمله گَلسون عیالی باشی اوسته دله جان ویرورم گَل باجی معصومه گَل باخمادی میدانی دوتوب قیل و قال گَلدی گنه باجیسی پژمرده حال گوردی ویرور جان شه گردون جلال جان ویرورم گَل باجی معصومه گَل بسدی حسینی سوزون ایله تمام مختصر ایت، اولدی مطوّل کلام مطلعی یاز مقطعه، قیل اختتام جان ویرورم گَل باجی معصومه گَل