4_5819139653344692097.mp3
1.61M
زبانحال صدیقه طاهره در حال احتضار
(یانیرام من)
4_زبانحال صدیقه طاهره در حال احتضار
(یانیرام من)
⬛️⬛️⬛️⬛️⬛️⬛️
عم اوغلی جان گیتمه کناره
زهرا گیدور بزم نگاره
آیریلیقا یوخ الده چاره
گیدورم من
درد و غمیم دوزدی چوخیدی
هرغم بو قلبه بیر اوخیدی
فکر ایله فاطمه یوخیدی
گیدورم من
من دیمورم عم اوغلی ایوده عزیزیوم من
آغلاما ئولماقیمدان فرض ایت کنیزیوم من
ایوای یارالیم من/باشی بلالیم من
▪️▪️▪️▪️▪️▪️
سرشکون آز عذاره باغلا
آز بو سینیق قلبیمی داغلا
سن بیل حسین جانی آز آغلا
گیدورم من
یوردی منی بو اهل کینه
زندان اولوب بیزه مدینه
غم یمه چوخ بو دل غمینه
گیدورم من
گوردوم سنون بو حالون حصار صبری یخدیم
قوجاقلاما دیزیوی دوزنمورم داریخدیم
ایوای یارالیم من/باشی بلالیم من
▪️▪️▪️▪️▪️▪️
ثانی بو قلب زاری سیخدی
کوچه ده روبَرومه چخدی
نجه دیوم یر اوسته یخدی
گیدورم من
من قوخموشام او یول کسندن
خجالتم بالام حسندن
یوز دوتموشام عم اوغلی سندن
گیدورم من
اوکوچه ده نه اولدی ایراق سنون گوزوندن
قوخدوم دَگَه آغیر ال حَسَنیمون یوزوندن
ایوای یارالیم من/باشی بلالیم من
▪️▪️▪️▪️▪️▪️▪️
ئولسم سیزیلتیوی اوجاتما
خون دیله سرشکی قاتما
غسلومدا کوینگی چخاتما
گیدورم من
بالالاریمدی نور عینیم
یتیم اولار بو زینبینیم
قویما چوخ آغلاسین حسینیم
گیدورم من
بالام سوسوز ئولنده گَل دشت پُر بلایه
(بیکَس) قالاندا زینب اوزون یتیش هرایه
ایوای یارالیم من/باشی بلالیم من
❇️❇️❇️❇️❇️❇️
#عم_اوغلیجان_گیتمه_کناره
#حضرت_زهرا_س
#فاطمیه
التماس دعای فرج
الاحقر مهدی عبادی
4_5819139653344692098.mp3
1.72M
5_زبانحال امیرالمؤمنین علی علیه السلام
(یانیرام من)
▪️▪️▪️▪️▪️
ای گوزومون ضیاسی زهرا
زینبیمین آناسی زهرا
ای ایویمین صفاسی زهرا
بیله گیتمه
بالالارون سولوبدی غمدن
نه تز دویدون بالان حسندن
حسین کی دویمیوبدی سندن
بیله گیتمه
قُلّه ی رنج و درده فاطمه آز عَلَم وور
دور یاپیشیم اَلوندن بیر آز ایوده قدم وور
ایوای یارالی زهرا/ باشی بلالی زهرا
🔷🔷🔷🔷🔷🔷🔷
دریای غمده یوخ کَرانه (ساحل)
هردم دوتار اورک بهانه
علی نی قویما یانه یانه
بیله گیتمه
اورکده واردی مین شراره
مشکل گشایه یوخدی چاره
قان ویروری سیننده یاره
بیله گیتمه
زهراعم اوغلووی سن غریبه درده سالدون
مدینه اهلی یوردی زهرا نه تز قوجالدون
🔷🔷🔷🔷🔷🔷🔷
بو نچّه گون ایشون نوادی
زهرا ایویم ماتم سرادی
سینن قولون هَله یارادی
بیله گیتمه
اوره گیمی اُیوب گیدورسن
علی نی تک قویوب گیدورسن
اولما مندن دویوب گیدورسن
بیله گیتمه
بو آیریلیق غمینده یارالی قلبی سیخما
(بیکَس) دی بو عم اوغلون گیتمه ایویمی یخما
▪️▪️▪️▪️▪️▪️▪️
#ای_گوزومون_ضیاسی_زهرا
#فاطمیه
#حضرت_زهرا_س
التماس دعای فرج
الاحقر مهدی عبادی
4_5819139653344692100.mp3
1.07M
زبانحال حضرت زهرا سلام ا... علیها
6_زبانحال حضرت زهرا سلام ا... علیها
(من برای تو، تو برای من)
◾️◾️◾️◾️◾️◾️
باشیمی بو سون نفسیمده گل
آل اوزون کناره عم اوغلی جان
سنه آز زمان قوناقام چکور
اورگیم شراره عم اوغلی جان
ئولورم علی////گیدیرم علی
◾️◾️◾️◾️◾️◾️
نچه خواهشیم وار حضوریوه
لطفیله اگر ایله سن قبول
اوّلاً بودور مرگ فاطمه
قویما خاطیرون ایله سین ملول
فرض ائله ازلدن یوخیدیم هیچ
، هیچ یارانمیوب دخترِ رسول
آغلاسان اوشاخلاردا آغلییر
رحم ائله بو زاره عم اوغلی جان
------------
بو مدینه اهلی که باعثِ
بو جفائيله خَفَقاندیلار
نه خدادن ائتدیله بیر حیا
نه پیمبریندن اوتاندیلار
نه گناهیله منی دؤیدولر
سنون حقّیوی بئله داندیلار
سنون ائوده قالماقون اوت وورور
دلِ بی قراره عم اوغلی جان
------------
بولورم که واقف سرّیسن
اودی هر سوزی دئمدیم سنه
قیدنده کوچه ده روبرو
من اوگونکی چخدیم او دشمنه
صول الین آپاردی گویه او دم
ایلیوب جسارتی تا منه
دیمورم نه اولدی ولی قالوب
یرده گوشواره عم اوغلی جان
------------
لحظات آخر عمردور
بولورم بو مطلبی من اوزوم
سنه چوخ سوزی دییه بولمدیم
بو اورکده قالدی منیم سوزوم
وئر اجازه معجریمی آچیم
ایله یاخجی گورموری صاق گوزوم
ولی شرطی وار دوزه سن گرک
باخاسان عذاره عم اوغلی جان
------------
بو فراق اوتون که آلیشدیریب
ستمیله دشمنیوین اَلی
آییریر اجل بیزی حیف اولا
سنی تک قویوب گدیرم ولی
گدیرم مزاریده دینجلم
سنه زحمتیم چوخ اولوب علی
اوزووی بئله غمه سالما چوخ
داخی یوخدی چاره عم اوغلی جان
------------
خسته جسمیمین دفن و کفنینی
نصف شب اوزون ایله جا به جا
لیک غسل ائدنده اجازه ویر
کهنه کوینییم جسمیده قالا
قورخورام سنی آغلادا علی
پیکریمده کی گوینیین یارا
قبریدن آپاررام شکایتون
محضر نگاره عم اوغلی جان
------------
نازینی اؤزون چک اوشاقلارین
قویما گوزلری اشگیله دولا
کوچه ده او گون قوخدی چون حسن
قویما عارضی گول کیمی سولا
وار حسینیمه بیر مسافرت
وای او گونکی بوردان دوشر یولا
نصف شب پریشان بالالارین
باغلییر قطاره عم اوغلی جان
------------
من نجه شهید اولدی محسونوم
یانمیشام شرار جفائیله
بو حسین ولی امتحان ویرر
بیر سوسوز قالان شیرخواریله
سو یرینه قان ایچدیرر اونا
حرمله او گون نوکِ خاریله
(بیکَس) اوغلوم اوندا گزر چولی
الده شیرخواره عم اوغلی جان
⚫️⚫️⚫️⚫️⚫️⚫️⚫️⚫️⚫️
#باشیمی_بوصون_نفسیمده_گل
#فاطمیه
#حضرت_زهرا_س
التماس دعای فرج
الاحقر مهدی عبادی
4_5819139653344692102.mp3
823K
زبانحال زینب کبری سلام ا...در تشییع مادر
8_زبانحال زینب کبری سلام ا...در تشییع مادر
(آنالار رسمیدی اوغلون چوخ ایستر)
⚫️⚫️⚫️⚫️⚫️⚫️⚫️
زینبی ترک ایدوب هارا گیدیرسن
آنا سیننده وار یارا گیدیرسن
گوزلریمدن /گل اوزون سیل/اشک آلی
جان یارالی.جان یارلی.جان یارالی
▪️▪️▪️▪️▪️▪️
داد و افغان اولا دشمن الیندن
دویماز هیچ کس آنا بیله اِئلیندن
نصف شب مسافر،چخماز ایویندن
زینبوندن/دوشدون آخر/سن آرالی
جان یارالی.جان یارلی.جان یارالی
▪️▪️▪️▪️▪️▪️
یاندیرار نسگیلون اهل جهانی
سنی درد و غمه سالوبدی ثانی
گُل یوزونده قالوب سیلی نشانی
عالم ایچره/یوخدی سن تک/بیر بلالی
جان یارالی.جان یارلی.جان یارالی
▪️▪️▪️▪️▪️▪️
قال آنا سینه سین داغلیه زینب
بیر دویونجا سنه آغلیه زینب
سینه وین یاره سین باغلیه زینب
جان ویرینجه/زینبین وار/چوخ ملالی
جان یارالی.جان یارلی.جان یارالی
▪️▪️▪️▪️▪️▪️▪️
عرشه اوج ایلیوب شرار آهون
تز آغاردی آنا زلف سیاهون
آستانن اولوبدی قتلگاهون
سینه ن اولدی /میخ دردن/چون یارالی
جان یارالی.جان یارلی.جان یارالی
▪️▪️▪️▪️▪️▪️
زینبی فرقتون سالار بلایه
غم هجوم ایلیر بو بینوایه
لااقل گل آنا سن کربلایه
باغلینده/بیر طنابه/هر غزالی
جان یارالی.جان یارلی.جان یارالی
▪️▪️▪️▪️▪️▪️
زینبین حالی چوخ یاماندی گیتمه
سرو قدّون آنا کماندی گیتمه
(بیکَسوخ)رحم ایله اماندی گیتمه
بو یتیمه /یولداش اولدی/غملی حالی
جان یارالی.جان یارلی.جان یارالی
▪️▪️▪️▪️▪️▪️▪️
#زینبی_ترک_ایدوب_هارا_گیدورسن
#فاطمیه
#حضرت_زهرا_س
التماس دعای فرج
الاحقر مهدی عبادی
4_5819139653344692101.mp3
1.49M
7_زبانحال حضرت امیرالمومنین علی علیه السلام
(کنار قدمهای جابر)
(خرابه چراغونه امشب)
◾️◾️◾️◾️◾️◾️◾️
گوز آچ ای مدینه صفاس
بیله یاتما عصرین زمانی
عم اوغلون غریب اولدی زهرا
اوجالدیب فغانی
سن سیز علینون چخار عرشه افغانی گیتمه
گیتمه ایویندن خراب ایتمه دنیانی گیتمه
گل فاطمه قویما یالقیز بو نالانی گیتمه
نولور گل حسین جانی گیتمه
ایوای یارالی یارالی یارالی یارالی(۴)
یارالی /یارالی
◾️◾️◾️◾️◾️◾️◾️
بالالار هله چوخ کیچیکدی
ایووندن نیه تز گیدورسن
یوروب اهل یثرب نیه بس
بیزی ترک ایدورسن
دشمن الینده دویولدی دل آرا حبیبیم
بیمار عشقم اوزون گَل منیم اول طبیبیم
زهرا غریبم جهاندا غم اولدی نصیبیم
منیم ای یارالی طبیبیم
◾️◾️◾️◾️◾️◾️◾️
علینی حلال ایله زهرا
کی سندن اولوبدی خجالت
بولورسن کی مأمور صبرم
گل ایتمه شکایت
چوخدور گلایم سنی بو ملاله سالاندان
ظلمیله اوز حقّیوی ثانی الدن آلاندان
دوشدون ایاقدان قاپیم ظلم اوتوندان یانداندان
اَل اوزدون اوگون سن بالاندان
◾️◾️◾️◾️◾️◾️◾️
غمون حیدری سن بولورسن
ایاقدان سالار فاطمه جان
علی (بیکَس)و بی مُعیندی
منی قویما حیران
سنسیز بو شهر ایچره حیدر قالار زار و تنها
دوتسون یرون زینبون صبر ایله گیتمه زهرا
نه سن دویوبسان نه بیز سندن ای روح طاها
بیله گَل وفا رختی سویما
➖➖➖➖➖➖➖➖
#گوزآچ_ای_مدینه_صفاسی
#فاطمیه
#حضرت_زهرا_س
التماس دعای فرج
الاحقر مهدی عبادی